حد يقولى اغير زيت اية للبتلز الفيسكو 2000 كان هيحرق الموتور

**Rafeeq** · 14-04-2011 10:47 AM

السادة الزملاء .. سلام الله عليكم ورحمة الله وبركاته .

وانا بغير الزيت امس .. الميكانيكي قالي بالنص : بلاش تستني على الزيت لحد ال1000 وحاول تغيير على 700 كيلو لأن ماتورك خشن !! ..

بصراحة ما فهمتش منه كويس يعني ايه ماتور خشن , فحبيت افهم منكم احسن .

- يعني ايه ماتور خشن ؟
- وده له علاقة بالزيت ومدة تغييره؟
- وايه الصوت إلى المفروض يسمعة سائق البيتلز من جوة الصالون والزجاج مقفول و العربية على السلانسيه؟

على كل حال انا بستخدم زيت موبيل احادي اللزوجة وسعر الجركن ال5 كيلو بحاولي 73 جنيه ..

وشكر جزيلا

على الهامش : هو مش ميكانيكي بيتلز انا روحت بس اغير عنده زيت.
رفيق قبطان

**beetleMOSH** · 14-04-2011 08:27 PM

اصلا المفروض ان الزيت يتغير بد ال 1000 بشويه
عشان الزيت بيعمل زى ماده زيتيه او كربونيه كده
على الكرنك غالبا مش متذكر اوى
بتقلل الاحتكاك او التاكل
و الماده دى بتتكون على ال 1000 كيلو ( ده اللى كنت قريتو قبل كده )

اما بالنسبه للصوت
المفروض تسمع صوت الموتور داير مرتاح
و بين البطء و السرعه بدون برجسه فى الموتور
طبيعى كده كده هتلاقى العربيه بتتهز مطرح حركه الموتور
بس انا قصدى انا الموتور داير و شغال مرتاح
و ماشى على رتم واحد

و الزيت بيغير من 1000 ل 1500
على حسب الزيت و الاستخدام و التوقيت اللى احنا فيه طبعا

**hotboja** · 14-04-2011 09:44 PM

كلامة حق وعرفان واعترف بلخطاء انى اتسرعت فى الحكم على زيت فسيكو وانواع الزيوت التانية اللى غيرتها بعده وكنت بحسب العيب فى الزيت وطلع العيب فى تقفل الموتور بعد العمرة ولازم اعترف ياانى اخطائت من غير قصد لم اتسرعت فى الحكم
والحمد الله على كل شىء غيرت الى زيت التعاون بعد زيت كلتكس ولقت برضو لمبة الزيت بتنور ومش بنتفى وانا بدوس بنزين ومفيش سحب كويس فا دة مش من الزيت بل من تقفيل الموتور اللى متقفلش صح وفى تسريب من جوة

**gamal97** · 15-04-2011 08:24 PM

السلام عليكم

أنا اسمي احمد مهدي

بالنسبة لزيت فيسكو استخدم الزيت بتاع الغاز الجركن الأخضر 59 جنيه ممتاز جداً و لو موتورك خفيف ضيف علبة زيت شمبر على الجركن كله ثم رجه حتى يتجانس ثم أضفه للموتور بالطريقة دي يكمل معاك 3000 كيلو مستريح أما بالنسبة لزيت الديزل فإنه ثقيل علي الماكينة و طرمبة الزيت و بالتالي يقصف عمر الشمبر و السبيكة

و شكراً

**archi_bibo** · 26-04-2011 06:00 PM

عن تجربه شخصيه ومعاناه مع كل انواع الزيوت بصراحه افضل نوع استخدمته ومريح الموتور زيت شل اكس 100 وبغيروا من 1000-1500 حسب الجو والحر وبصراحه زيت ممتاز وسعره 38 ج.م

**sakr84** · 04-05-2011 02:16 PM

المشاركة الأصلية كتبت بواسطة rafeeq

السادة الزملاء .. سلام الله عليكم ورحمة الله وبركاته .

وانا بغير الزيت امس .. الميكانيكي قالي بالنص : بلاش تستني على الزيت لحد ال1000 وحاول تغيير على 700 كيلو لأن ماتورك خشن !! ..

بصراحة ما فهمتش منه كويس يعني ايه ماتور خشن , فحبيت افهم منكم احسن .

- يعني ايه ماتور خشن ؟
- وده له علاقة بالزيت ومدة تغييره؟
- وايه الصوت إلى المفروض يسمعة سائق البيتلز من جوة الصالون والزجاج مقفول و العربية على السلانسيه؟

على كل حال انا بستخدم زيت موبيل احادي اللزوجة وسعر الجركن ال5 كيلو بحاولي 73 جنيه ..

وشكر جزيلا

على الهامش : هو مش ميكانيكي بيتلز انا روحت بس اغير عنده زيت.
رفيق قبطان

بص يا باشا متخليش اى حد ميكونش ميكانيكى بيتلز يفتى فى موضوع الصوت ده احسن حاجه علشان تطمن تروح لعاطف بتاع اثر النبى او محمد على جسر السويس وتظبط كهربا وتخليه هو اللى يسمع الصوت من غير ما تقوله ان حد قالك حاجه وشوف رايه ايه سواء عاطف او محمد على هينصحوك النصيحه السليمه علشان لو فيه حاجه لا قدر الله كبيره تعرف تتعامل معاها صح ولو مفيش حاجه ان شاء الله تبقى ماشى مطمن وكلامى ده عن تجربه شخصيه علشان فى اصوات مش طبيعيه ممكن انت متكونش سامعها لكن الميكانيكى بدقه لما يعلى العربيه يقدر يسمعها وربنا يقدملك اللى فيه الخير ان شاء الله

**Rafeeq** · 04-05-2011 04:03 PM

المشاركة الأصلية كتبت بواسطة sakr84

بص يا باشا متخليش اى حد ميكونش ميكانيكى بيتلز يفتى فى موضوع الصوت ده احسن حاجه علشان تطمن تروح لعاطف بتاع اثر النبى او محمد على جسر السويس وتظبط كهربا وتخليه هو اللى يسمع الصوت من غير ما تقوله ان حد قالك حاجه وشوف رايه ايه سواء عاطف او محمد على هينصحوك النصيحه السليمه علشان لو فيه حاجه لا قدر الله كبيره تعرف تتعامل معاها صح ولو مفيش حاجه ان شاء الله تبقى ماشى مطمن وكلامى ده عن تجربه شخصيه علشان فى اصوات مش طبيعيه ممكن انت متكونش سامعها لكن الميكانيكى بدقه لما يعلى العربيه يقدر يسمعها وربنا يقدملك اللى فيه الخير ان شاء الله

حصل يا باشا والحمد لله عمرو -ابن الحاج محمد - قالي مافيش حاجة .. وكلامك صح على فكرة ..
وخصوصا مع كريزة الفتي إلى مالية مصر اليومين دول ..

وشكرا جزيلا يا صقر