على فكرة كده احنا بنلخبط الراجل زيادة

انا هقول رأيى لحضرتك وعن سؤال للميكانيكى لانى عاوزة اشترى ماتيز لاختى

هى عربية حلوة واتقالى موديل 99

مشاكلها حوضها ضيق والميكانيكية مبيحبوش يشتغلوا فيها اوى بسبب ده ... قطع غيارها مش غالية ومش رخيصة بس مش متوفرة اوى
فيه منها 1300 cc و 1100 cc
تكييفها مش زى ماانت متخيل طبعا

لو 1100 هيبقى تكييفها ضعيف ... الميكانيكى قالى بصفة عامة هى كويسة ولو لاقيتى واحدة حالتها كويسة هاتيها وهى بناتى ومش هتلخمها فى الطريق لانها صغنونة والسعر فى الرينج اللى حضرتك قلته

بالنسبة للماروتى فهى مفيهاش تكييف وصغيرة اوى من برة واصغر من الماتيز بصراحة بحسها شبه التوكتوك مع احترامى لكل ملاكها بس من جوا معقولة مش صغيرة زى مالواحد متخيل استهلاكها للبنزين قليل اوى لانها 800 CC وهى يابانى مش كورى زى الماتيز وقطع غيارها متوفرة

اعتقد الاتنين دول اكتر اتنين مناسبين لواحدة ست مشوارها مش كبير مع التفضيل فى الشكل للماتيز طبعا