السلام عليكم و رحمة الله و بركاته

اولا احب ابدي اعجابي الشديد بالمنتدي الممتاز و بمستوي المعاملة الرفيع الموجود بين اعضائه الكرام

دي اول مشاركة ليا في المنتدي و اتمني انت تقبلوني اخ جديد لكم

باذن الله انا ناوي اشتري عربية جديدة و لحد وقت قريب محتار بين بروتون ساجا و رينو لوجان و لو اني كافة الساجا راجحة اكتر و انا معجب بالعربية دي اوي بس اللي مخوفني منها هو ارتفاع اسعار قطع الغيار الخاص بيها و قريت في المنتدي من اكتر من عضو شكوي من التوكيل و الصيانة

استفساري عن بروتون ساجا 2011 اني اثناء بحثي في مواقع بيع السيارات المشهورة في مصر لمعرفة سعرها لاحظت اني العربية دي هي هي 2010 بالضبط و اثناء بحثي علي الانترنت عن الساجا 2011 لاحظت اني فيه اصدار جديد منها اسمه Proton SAGA FL هل فعلا الموجودة في مصر مش هي SAGA FL المعروضة علي الموقع الرسمي للبروتون خصوصا اني اصدار FL ده فيه مميزات و اوبشن تانية افضل من اصدار ساجا 2010 و ما قبلها و كمان شكل العربية فيه بعض التعديلات بالاضافة الي اضافة ABS و اشارات بالمرايات الجانبية الزجاج الخلفي اصبح يمكن فتحه و غلقه كهربا مش يد عادية زي اصدار 2010 و 2 ايرباج للسائق و الكرسي المجاور و غير كل ده انتاج لونين جداد تحفة بجد غير فرش افضل و اضافات تانية كتير انا مش فاكرها الحقيقة اللي يحب يطلع علي الساجا FL ممكن يشوف الرابط التالي

Proton Edar | Saga Overview

ارجو من ادارة المنتدي تعذرني ان كان ممنوع اضافة لينكات لمواقع خارجية

انا اسف ان كنت طولت عليكم و اتمني اكون ضيف خفيف

اخوكم أحمد