واضح ياباشا انك بصيت عالصور بس و ماقريتش الموضوع
إجابة سؤالك موجودة في السطوووووووووور الأولي في الموضوع
مشكوووووووووووور علي الرد و المرور
الله ينور يا هندسه
بجد دا الموضوع اللى كنت بدور عليه ولاقيته كمان بالصدفه لدرجه انى طبعته على الورق ليكون مرجع ليا لما اجى اعمله
بس السؤال
انا عربيتى اخت عربيتك سوبر فيورا انت فكيت الكراسى ازاى لأنى بصيت على الكراسى لاقتها على مجارى فهل افضل احرك الكرسى لحد ما يخرج بره المجرى بتاعه وياترى هحركه لقدام ولا للخلف؟
ولا هفك الكرسى من خلال المجرى اللى متثبت فى الارضيه نفسها؟
ياريت شويه تفاصيل زياده عن طريقه فك وتركيب الكراسى الخاصه بهذا النوع من السياره
واشكرك جدا جدا جدا
انا مبسوووووووووط جدا غني لقيت حد معاه نفس عربيتي
بص يا باشا
بالنسبة للكراسي يتم تحريكها ناحية التابلوه للأمام و ليس للخلف لغاية ما الكرسي يخرج من المجرا خالص بعد كدة تفك المجر بمفتاح 13 و بعد كدة هتلاقي الموضوع لذييييييذ معاك و تابعني أول باول بالتفاصيل
انا معاك
و مشكوووووووووووور عالرد و اتمني المزيد
تسلم يا كبير
هجرب واتابع معاك لو فى حاجه وقفت قدامى
بس اتمنى انك ما تزهقش منى
لانى لاحظت ان تحت الفرش الاصلى مفيش حاجه على الصاج على طول
مفيش بس غير الحته اللى تحت الطابلوه فيها لباد بس الصوت مضايقنى قوى
وكان نفسى افك الطابلوه وافرش تحته بس عرفت ان دا موال كبير
وغير كده مكان مروحه التهويه اللى فى الحوض اللى بتدخل هواء من خلال الطابلوه دى طبعا مفتوحه فأكيد الصوت والسخونه بتدخل منها
على العموم ربنا يسهل واحاول اعمل زيك
تسلم يا كبير مره تانيه وشكرا
انا فعلا منبهر بالموضوع دة
1- لاصرارك علي تصوير كل خطوة لافادة الاخرين
2- بساطة اسلوبك
3-استخدامك للامكانيات المتاحة لاقصي حد وفي نفس الاتقان اللي حولت انك تجتهد فية
4- انك فكرت ودورت ومسبتش حد يضحك عليك
انا اول مرة اقرا موضوع في المنتد و اشعر بالانبهار دة
شكرا وجزاك الله عنا كل خير
يا باشا عينيا ليك و عيب عليك متقولش أزهق منك انت ناسي انك معاك 127 زيي بالضبط يعني إحنا إخوات ههههه
بالنسبة للباد أحيانا من خلال ما إتكلمت مع أصحابي و الصنايعية إللي أعرفها إن في عربيات مبيكونش فيها لباد و دي حاجة غريبة
اما بالنسبة للتابلوه أوعي أوعي تفكه عشان اولا بيبقي مربوط بطريقة محكمة و ممكن حاجة تتكسر منك دة غير أسلاك الكهرباء اللي مش هتعرف أولها من آخرها
و بعدين التابلوه في ال 127 مش هيبقي مشكلة بالنسبة لك لأنه ملوش علاقة خالص بالصوت أو اللباد
بالنسبة لمكان المروحة بتاعت التكييف دي انا عامل حركة ظريفة افتح الكبوت و فك علبة التكييف و اعمل أي حتة صاج علي قد الفتحة و اربطها بمسمارين و ركب العلبة بتاعت التكييف تاني هتلاقي الموضوع زي الفل
منتظر المزيد
يا باشا عينيا ليك و عيب عليك متقولش أزهق منك انت ناسي انك معاك 127 زيي بالضبط يعني إحنا إخوات ههههه
بالنسبة للباد أحيانا من خلال ما إتكلمت مع أصحابي و الصنايعية إللي أعرفها إن في عربيات مبيكونش فيها لباد و دي حاجة غريبة
اما بالنسبة للتابلوه أوعي أوعي تفكه عشان اولا بيبقي مربوط بطريقة محكمة و ممكن حاجة تتكسر منك دة غير أسلاك الكهرباء اللي مش هتعرف أولها من آخرها
و بعدين التابلوه في ال 127 مش هيبقي مشكلة بالنسبة لك لأنه ملوش علاقة خالص بالصوت أو اللباد
بالنسبة لمكان المروحة بتاعت التكييف دي انا عامل حركة ظريفة افتح الكبوت و فك علبة التكييف و اعمل أي حتة صاج علي قد الفتحة و اربطها بمسمارين و ركب العلبة بتاعت التكييف تاني هتلاقي الموضوع زي الفل
منتظر المزيد
يا باشا عينيا ليك و عيب عليك متقولش أزهق منك انت ناسي انك معاك 127 زيي بالضبط يعني إحنا إخوات ههههه
بالنسبة للباد أحيانا من خلال ما إتكلمت مع أصحابي و الصنايعية إللي أعرفها إن في عربيات مبيكونش فيها لباد و دي حاجة غريبة
اما بالنسبة للتابلوه أوعي أوعي تفكه عشان اولا بيبقي مربوط بطريقة محكمة و ممكن حاجة تتكسر منك دة غير أسلاك الكهرباء اللي مش هتعرف أولها من آخرها
و بعدين التابلوه في ال 127 مش هيبقي مشكلة بالنسبة لك لأنه ملوش علاقة خالص بالصوت أو اللباد
بالنسبة لمكان المروحة بتاعت التكييف دي انا عامل حركة ظريفة افتح الكبوت و فك علبة التكييف و اعمل أي حتة صاج علي قد الفتحة و اربطها بمسمارين و ركب العلبة بتاعت التكييف تاني هتلاقي الموضوع زي الفل
منتظر المزيد
الموضوع جميل وانا بهنيك انك مكسلتش تصوره وتنزله لانى عملت العازل دا فعلا فى ارضية العربيه كلها لحد الشنطه وانا معايا فيورا 86 برده بس الفرق انى مفكرتش ساعتها اصوره بس ممكن نتناقش مع بعض فى شوية افكار وخاصة انى بحب اعمل الحاجه بنفسى زيك كده وتقدر تقول انى فكيت كل حاجه فى العربيه فيما عدا التابلوه والسقف والخطوه الجايه السقف وانا سالت على القماش 25 المتر وسالت على مصنعية لزقه لاقيتها 80 جنيه وبناءا عليه قررت انى اعمله وحتى لو بوظت القماش مرتين او تلاته هتبقى نفس التكلفه بس هتفرق انى اتعلمت وان شاء الله هتنجح التجربه الحاجه الوحيده اللى قلقان منها ان القماش يتوسخ كله من ايدى لو الكله جت على ايدى وبالنسبه للافكار
1-لتجنب الحرارة الخارجه من فتحة فرامل اليد يتم قص قطعة عازل حرارى الفضى على شكل مستطيل صغير ويتم عمل فتحه بالقطر عباره عن قطع طولى واحد بحيث ان يتم ادخال اليد فيها بالضغط الى ان تاخذ حجم اليد وليس اكثر ثم يتم لزقها بالكله على ارضية الفرش .
2-لو حصل واتيحت لك الفرصه عزل الحوض من الخارج عن طريق الفوم لا تتردد مثلا لو حد طلع الموتور يجيب فوم ويلزقه بكله على صدر العربيه قبل ما يسقط الموتور.
3- وضع عازل حرارى فى السقف ودا اللى ناوى اعمله ان شاء الله لو فكيت السقف وعملته.
4-بالنسبه للهوايه ممك عزلها ايضاً عن طريف العازل الحرارى الفضى نفك الهوايه ونفصل الفوم عليها ونلزقه بالكله ونركبها ونجيب الهوايه اللى بتركب على الكبوت ويا سلام لو المروحه شغاله يبقى احسن من الكتمه اللى بتبقى جوه العربيه فى الحر اينعم الهوا مش هيبقى ساقع بس اهو هوا كانك واقف بره العربيه ولو طلبت معاك حط ازازتين ميه بلاستيك متجمدين فى الهوايه جوه الكبوت ههههههه دا لو مزنوق اوى يعنى.
5-الاهتمام بحالة الريداتير ودا انا ناوى اغيره بواحد تلاته ماسوره وبفكر احط ميه خضره عشان فعلا بتفرق فى التبريد وفايدة دا انا العربيه هتسخن اقل يعنى بد ما المروحه كل ربع ساعه تشتغل ممكن تبقى كل نص ساعه وبكده ترحم نفسك من الصهد بتاع الموتور يعنى هتريح الموتور وتريح نفسك.
6-بالنسبه للصوات يجب ربط جميع اجزاء العربيه كويس خاصة اى مسمار او صاموله يعنى مثلا لو الشنطة بتخبط رجلش القفل واحبكها متخلهاش تخبط الابواب نفس الموضوع والمسوجر بتاع الباب لو بترعش فى المطبات ويعمل صوت غيره وهات المسوجر اللى على اد الفتحه
فى كمان لزق بيتحط على الصاج بيكتم الصوت مثلا على صاج الابواب من جوه او الشنطه انا شفته فى عربيات زيرو بس لحد دلوقتى مش لاقيه ياريت حد يدور معايا هو عامل زى الجلد بس تخين وبيكلبش فى الصاج وفايدة بيكتم اى صوت خبطه او رنه للصاج.
بس دى شوية افكار ويا ريت اللى عنده افكار يقولها عشان نستفيد وانا اخوكم احمد