| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 41 1 2 3 4 5 6 11 ... الأخيرةالأخيرة
النتائج 1 إلى 10 من 404

  1. #1

    الصورة الرمزية adhamhossam

    رقم العضوية : 20794

    تاريخ التسجيل : 02Oct2008

    المشاركات : 473

    النوع : ذكر

    الاقامة : cairo

    السيارة: 127 فيورا

    السيارة[2]: 127 فيورا

    دراجة بخارية: لايوجد

    الحالة : adhamhossam غير متواجد حالياً

    Smile طريقة تركيب أرضية جلد للسيارة و عوازل الصوت ( بنفسك ) - Facebook Twitter whatsapp انشر الموضوع فى :

    hasad">

    السلام عليكم و رحمة الله و بركاته
    الإخوة الكرام أعضاء منتدي نايل موتورز

    الكثير مننا يعاني من صعوبة تنظيف ارضية السيارة الموكيت و القليل قد يستطيع تنظيف الموكيت و لم يعاني من شيء
    بالنسبة لي أعاني من هذه المشكلة و كذلك اعاني من الصوت العالي سواء من الموتور أو من صوت الإحتكاك الناتج من الكاوتش بالأسفلت

    فقررت ان اغير ارضية السيارة بالجلد بدل الموكيت

    نزلت التوفيقية و عملت جولة لشراء مسلتزمات الأرضية الجلد و لم اتمكن من شراء ما ارغب فيه نظرا لسوء الخامات اللي شوفتها و كمان لعدم توافر الألوان و بعض المستلزمات الأخري

    المهم نزلت منطقة المناصرة في شارع محمد علي بالعتبة و لقيت محلات متخصصة في الحاجات دي

    فقمت بشراء الأتي مع العلم ان سيارتي فيورا 127

    3 متر جلد أرضيات (العرض بيبقي 138 سم ) وش جلد و الضهر شبيه بالموكيت سعر المتر 25 جنيه

    2 متر (عرض متر واحد) فوم مغطي بطبقة سيلفر سعر المتر 13 جنيه

    1 متر (عرض 2 متر) لباد شبيه ببطاطين الجيش سعر المتر 15 جنيه

    متر و نص (عرض متر) جلد أو كاوتش إستعملته في عمل دواسات امام كل كرسي و الكنبة إللي ورا سعر المتر 65 جنيه هو غالي شوية لأن الخامة مستوردة

    متر (عرض 140 سم) جلد خفيف يستخدم أصلا في فرش الأبواب سعر المتر 14 جنيه

    نص كيلو كولا لأستعمالها في اللصق ب 12 جنيه

    و دي صور لما قمت بشراؤه

    دة الجلد بتاع الأرضيات



    و دة الفوم المغطي بالسيلفر و أيضا اللباد اللي عامل زي بطاطين الجيش ههههههههههه




    و دة الكاوتش أو الجلد إللي هيستخدم في دواسات أمام كل كرسي



    و طبعا اول شيء عملته اني قصيت الجلد دة و عملت الدواسات بما ان دي أسهل عملية في الموضوع كله




    ابتديت أولا بفك الكراسي و الكنبة و الموكيت القديم من السيارة و فك اللباد القديم و غسله في الغسالة و تنظيف الأرضية الصاج جيدا بالمكنسة الكهربائية لشفط الأتربة و الرمل الموجود في الأرضية

    بدأت بعد كدة بتقطيع الفوم العازل للحرارة علي شكل مستطيلات بمقاسات مختلفة كما في الصورة و طبعا موضوع التقطيع علي شكل مستطيلات دي حاجة شخصية مش أساسي
    انا عملت كدة لسهولة وضع الكولا عليها و سهولة لصقها في الزوايا و المنحنيات جنب بعضها



    بعد كدة وضعت الكولا علي الفوم بفرشة دهان لتوزيع الكولا جيدا و تسيبها دقيقتان تنشف و تقوم لاصقها في مكانها كما في الصورة




    طبعا هتسألوني و تقولولي إيه فائدة الفوم
    من خلال تجربتي الشخصية الفوم بيمنع دخول أي حرارة أو دخان أو صهد بجانب ان اي عربية بيكون فيها فتحات في الأرضية معرفش ليه و دي كل ما أغسل العربية من تحت في أي بنزينة لازم ألاقي الأرضية غرقانة مياه و بتاخد مدة عقبال ما تنشف و يا سلام لو الموضوع قلب بريحة عفانة أو غيره

    بعد كدة حطيت اللباد القديم بتاع السيارة أصلا بعد ما غسلته في الغسالة و سبته لغاية ما خد وقته و نشف
    و رجعت ركبته مكانه فوق الفوم مع العلم ان اللباد مش لازم يتلصق بالكولا زي الفوم

    و بدأت بعد كدة بتقطيع اللباد الجديد و اهم شيء في الموضوع كله طبقة الفوم و طبقة اللباد إللي بيبقي علي صدر العربية من الداخل عشان لما تكون قاعد و سايق ماتسمعش صوت الموتور و ماتحسش بصهد أو حرارة جاية من الموتور

    دي صورة لطبقة اللباد إللي حطيتها عند الصدر




    اللباد يا جماعة بيمنع الصوت العالي و دة من خلال تجربتي الشخصية

    و دي صورة تانية للباد في الأرضية




    و دي صورة كمان للباد




    بعد الخطوات اللي فاتت دي إبدأ خد مقاساتك عشان لو خدتها قبل الخطوات دي هتلاقي الدنيا خربت و دة إللي حصل معايا ههههههه لأن طبعا طبقة الفوم و طبقتين إللباد بيفرقوا في 2 سم

    بعد كدة بدأت في تقطيع الجلد بمقاسات معينة و خد بالك لازم تسيب زيادة واحد سنتيمتر عشان الخياطة




    طبعا إحترت شوية أبدا التقطيع منين أو أبدأ الخياطة منين المهم بدأت بعمل حرف T إللي هو علبة الشاسية إللي تحت الكنبة و علبة الشاسية إللي فيها الفرامل اليد و الفتيس بما ان دة أصعب جزء و فيه منحنيات و تانيات كتير كما بالصورة
    و طبعا قعدت أفنن في قطعة الجلد الخفيف بتاع فرش الأبواب و عملت منها غطاء لفرامل اليد




    و المشكلة اللي كانت مضايقاني و مكرهاني في عشتي هههههه ان للأسف ماكينة الخياطة صغيرة لكن كتر ألف خيرها (علي قد لحافك مد رجليك) صح برده و لا انا غلطان هههههههههه




    بعد ما إنتهيت من حرف إلــ T عملت الجزء الشمال كما بالصورة



    لاحظوا ان في أجزاء صعبة علي ماكينة الخياطة فقمت بخياطتها يدويا بخيط أبيض لأني ماكنتش لاقي لون رمادي بس عملت حركة صايعة بعدها و لونت الخيط الأبيض بقلم فلوماستر رمادي ههههههههههههههه

    بعد كدة عملت الجزء اليمين زي ما حضراتكوا شايفين طبعا و قصيت مكان دوران الكارتيرات أو الرفارف الأمامية




    بعد كدة و دي كان اكتر حاجة صعبة بالنسبة لي و هي جزء الكارتيرات إني آخد مقاساتها صح و دورانها ودي خدت مني وقت طويل شوية بس الحمد لله جت معايا مضبوطة تماما و عملتها زي ما بالصورة




    شوية و قعدت أتسلي و عملت غطاء لعصاية الفتيس و طبعا خدت مني شوية وقت عشان تطلع بالشكل الجميل دة زي إللي في الصورة





    في النهاية بدأت تركيب الأرضية في العربية و الحد لله طلعت المقاسات مضبوطة بنسبة 99% و دة شي جميل




    و طبعا تم تثبيت بعد كدة المجري بتاعت الكراسي و العتب بتاع الأبواب و عصاية الفتيس مع العلم إني كنت خالعها خالص




    لاحظوا عند صدر العربية أو تحت التابلوه




    لاحظوا أيضا خلف دواسات البنزين و الفرامل و الدبرياش بس ممكن ماتكونش الصورة باينة شوية عشان عصاية الفتيس لسة ما ثبتهاش من تحت كويس





    بحمد لله و بفضله أشكره علي إني قدرت أوصل للشكل دة


    معلش هطول عليكم شوية و أقولكوا نصائح و نتائج

    أولا النتائج

    بالنسبة للتنظيف لاحظت سهولة جامدة فيها
    بالنسبة لصوت الموتور اثناء السير لاحظت إنعدام صوت الموتور بنسبة 80 % من الصوت قبل تغيير الموكيت القديم
    بالنسبة للحرارة و الدخان و الصهد و الهواء لاحظت انعدامه تماما بنسبة 100%


    ثانيا النصائح

    لما تيجي تشتري الجلد بتاع الأرضية هات خامة طرية و بلاش الخامات الناشفة لصعوبة ثنيها أو إنحنائها و دة مع الأسف إللي وقعت فيه و عملت فيها ناصح علي البائع و اخترت الخامة الناشفة مع العلم انه قاللي خد الخامة الطرية


    الموضوع دة بصراحة يا جماعة متعب شوية و محتاج كام يوم متواصل ( مش هتصدقوني لو قولتلكوا ان الموضوع دة خد مني خمس أيام متواصل ) كنت بشتغل حوالي 8 ساعات في كل يوم لأني اول مرة اقعد علي ماكينة خياطة و اشتغل بإيدي و اقصفص و ألصق

    إللي ساعدني إني عندي جراج قي البيت قدرت إن افك براحتي و أركب براحتي بدون ما حد يكون كاشفني أو جارحني
    انا بحمد الله كل دة عملته لوحدي محدش ساعدني فيه

    ربنا يقويكوا و تقدروا تعملو بنفسكوا أفكار أحسن من كدة و نستفيد من بعضنا

    أتمني من إدارة المنتدي تثبيت الموضوع

    شكرااا

    عمرة كاملة (موتور و فتيس) بنفسك - بدون ميكانيكي أو خراط
    http://www.nilemotors.net/Nile/383692-a.html
    [shfaf2]http://farm6.staticflickr.com/5528/11143708223_1d888c916f_z.jpg[/shfaf2]


  2. #2

    الصورة الرمزية magid1010

    رقم العضوية : 6398

    تاريخ التسجيل : 25Feb2008

    المشاركات : 1,583

    النوع : ذكر

    الاقامة : tanta

    السيارة: مش ناوى

    السيارة[2]: دايو نوبيرا 2007

    دراجة بخارية: لا

    الحالة : magid1010 غير متواجد حالياً

    افتراضي -

    استاذ ورئيس قسم ايه الحلاوه دى يا معلم و الله ده شغل عالى اوى اوى و كفايه انك اللى عامل الموضوع ده بنفسك احساس تانى انا للاسف عملته عند واحد ملا الارضيه خياطه بجد تسلم ايديك و تعبك فى الصور و فكر بجد تستفيد من الموضوع ده ابتدى مع صحابك مع هامش ربح بسيط و نرجو من الاداره التثبيت

    [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+ 2012.jpg[/aldl]


  3. #3

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    من أجمد الموضوعات اللى قريتها .. و شغل جامد و جميل و احترافى فعلا .. بس واضح انك عندك خبرة فى الحاجات دى.

    و أنا كمان أؤيد تثبيت الموضوع :-)

    القران الكريم بجودة صوت عاليه جدا
    http://www.nilemotors.net/Nile/230790-a.html


  4. #4

    الصورة الرمزية ahmedhilmy

    رقم العضوية : 13412

    تاريخ التسجيل : 22Jun2008

    المشاركات : 3,079

    النوع : ذكر

    الاقامة : cairo

    السيارة: سابقا lanos 2

    السيارة[2]: Optra AT

    دراجة بخارية: no

    الحالة : ahmedhilmy غير متواجد حالياً

    افتراضي -

    تسلم اديك و الله و الف مبروك علي الشغل الجميل ده

    A.Hilmy


  5. #5

    الصورة الرمزية ahmed_su

    رقم العضوية : 9524

    تاريخ التسجيل : 24Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي -

    الله ينور ...

    بس فعلا الموضوع مرهق ... مبروك

    وشكرا على تعبك فى الصور والموضوع

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  6. #6

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    بجد ما شاء الله
    شغل عالي وممتاز
    ربنا يحميلك العربية

    بحب الشغل العالي ده


    تحياتي

    don't judge a car unless you have driven it

    hm414 سابقا


  7. #7

    الصورة الرمزية adhamhossam

    رقم العضوية : 20794

    تاريخ التسجيل : 02Oct2008

    المشاركات : 473

    النوع : ذكر

    الاقامة : cairo

    السيارة: 127 فيورا

    السيارة[2]: 127 فيورا

    دراجة بخارية: لايوجد

    الحالة : adhamhossam غير متواجد حالياً

    افتراضي -

    اقتباس المشاركة الأصلية كتبت بواسطة magid1010 مشاهدة المشاركة
    استاذ ورئيس قسم ايه الحلاوه دى يا معلم و الله ده شغل عالى اوى اوى و كفايه انك اللى عامل الموضوع ده بنفسك احساس تانى انا للاسف عملته عند واحد ملا الارضيه خياطه بجد تسلم ايديك و تعبك فى الصور و فكر بجد تستفيد من الموضوع ده ابتدى مع صحابك مع هامش ربح بسيط و نرجو من الاداره التثبيت
    مشكووووووووووووور علي الروح الجميلة دي و مرورك الطيب و ردك تسلم ياباشا

    عمرة كاملة (موتور و فتيس) بنفسك - بدون ميكانيكي أو خراط
    http://www.nilemotors.net/Nile/383692-a.html
    [shfaf2]http://farm6.staticflickr.com/5528/11143708223_1d888c916f_z.jpg[/shfaf2]


  8. #8

    الصورة الرمزية adhamhossam

    رقم العضوية : 20794

    تاريخ التسجيل : 02Oct2008

    المشاركات : 473

    النوع : ذكر

    الاقامة : cairo

    السيارة: 127 فيورا

    السيارة[2]: 127 فيورا

    دراجة بخارية: لايوجد

    الحالة : adhamhossam غير متواجد حالياً

    افتراضي -

    اقتباس المشاركة الأصلية كتبت بواسطة kareemz مشاهدة المشاركة
    من أجمد الموضوعات اللى قريتها .. و شغل جامد و جميل و احترافى فعلا .. بس واضح انك عندك خبرة فى الحاجات دى.

    و أنا كمان أؤيد تثبيت الموضوع :-)
    مشكوووووور يا باشا علي الرد
    بس بصراحة معنديش خبرة انا اول مرة اعمل حاجة زي دي
    بس الأول كنت بشوف فيديوهات علي مواقع اجنيه و علي اليوتيوب
    اتعلمت منها

    عمرة كاملة (موتور و فتيس) بنفسك - بدون ميكانيكي أو خراط
    http://www.nilemotors.net/Nile/383692-a.html
    [shfaf2]http://farm6.staticflickr.com/5528/11143708223_1d888c916f_z.jpg[/shfaf2]


  9. #9

    الصورة الرمزية adhamhossam

    رقم العضوية : 20794

    تاريخ التسجيل : 02Oct2008

    المشاركات : 473

    النوع : ذكر

    الاقامة : cairo

    السيارة: 127 فيورا

    السيارة[2]: 127 فيورا

    دراجة بخارية: لايوجد

    الحالة : adhamhossam غير متواجد حالياً

    افتراضي -

    اقتباس المشاركة الأصلية كتبت بواسطة ahmedhilmy مشاهدة المشاركة
    تسلم اديك و الله و الف مبروك علي الشغل الجميل ده
    الله يبارك فيك و شكرا عالرد

    عمرة كاملة (موتور و فتيس) بنفسك - بدون ميكانيكي أو خراط
    http://www.nilemotors.net/Nile/383692-a.html
    [shfaf2]http://farm6.staticflickr.com/5528/11143708223_1d888c916f_z.jpg[/shfaf2]


  10. #10

    الصورة الرمزية adhamhossam

    رقم العضوية : 20794

    تاريخ التسجيل : 02Oct2008

    المشاركات : 473

    النوع : ذكر

    الاقامة : cairo

    السيارة: 127 فيورا

    السيارة[2]: 127 فيورا

    دراجة بخارية: لايوجد

    الحالة : adhamhossam غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ahmed_su مشاهدة المشاركة
    الله ينور ...

    بس فعلا الموضوع مرهق ... مبروك

    وشكرا على تعبك فى الصور والموضوع
    فعلن مرهق جدا جدا
    الله يبارك فيك و شكرا عالرد

    عمرة كاملة (موتور و فتيس) بنفسك - بدون ميكانيكي أو خراط
    http://www.nilemotors.net/Nile/383692-a.html
    [shfaf2]http://farm6.staticflickr.com/5528/11143708223_1d888c916f_z.jpg[/shfaf2]



 
صفحة 1 من 41 1 2 3 4 5 6 11 ... الأخيرةالأخيرة

المواضيع المتشابهه

  1. لتاني مرة .. اجيب عوازل الصوت والحرارة منين؟؟
    بواسطة eng.m7md.ali في المنتدى المنتــــــدى العـــــــــــام للسيــارات
    مشاركات: 7
    آخر مشاركة: 17-01-2012, 02:53 PM
  2. عوازل الصوت والحرارة
    بواسطة eng.m7md.ali في المنتدى المنتــــــدى العـــــــــــام للسيــارات
    مشاركات: 3
    آخر مشاركة: 14-10-2011, 09:15 PM
  3. عوازل الصوت و الحراره
    بواسطة essamenen في المنتدى ورشـــة نــايل مــــوتـــورز
    مشاركات: 3
    آخر مشاركة: 19-08-2011, 11:54 PM
  4. طريقة حسابية رائعة و سريعة جرب بنفسك
    بواسطة jisso82 في المنتدى المنتــــــدى الاجتمــاعى
    مشاركات: 2
    آخر مشاركة: 16-06-2009, 02:30 AM
  5. عوازل الصوت القيها فين؟
    بواسطة hossam_elwani في المنتدى المنتــــــدى الاجتمــاعى
    مشاركات: 3
    آخر مشاركة: 31-05-2009, 03:41 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2