من أجمد الموضوعات اللى قريتها .. و شغل جامد و جميل و احترافى فعلا .. بس واضح انك عندك خبرة فى الحاجات دى.
و أنا كمان أؤيد تثبيت الموضوع :-)
من أجمد الموضوعات اللى قريتها .. و شغل جامد و جميل و احترافى فعلا .. بس واضح انك عندك خبرة فى الحاجات دى.
و أنا كمان أؤيد تثبيت الموضوع :-)
الموضوع دة يا باشا كلفني 400 جنيه تقريبا
هو بصراحة انا عملت الموضوع دة في وقت الإنفلات الأمني بعد الثورة و اللجان الشعبية فطبعا ماكنتش بنزل الشغل و كنت قاعد فاضي في البيت عشان كدة عملت الأرضية الجلد و خدت مني إسبوع كامل لأني كنت كل شوية أغير في المقاسات و اعمل تعديلات براحتي و كدة
هو انا شغال في مجال الكمبيوتر
فمن الصعب بأمانة إني اعمل الموضوع دة لأنه هيحتاج وقت كبير شوية
السلام عليكم ورحمة الله وبركاته
ازيك يا ريس بعد ازنك انا عايز اسالك سؤال انا معايا 128 وفيها شرخ فى الحوض لحد تحت الطابلوه فا السمكرى قالى حل الطابلوه خالص علشان اعملها فطبعا حيث انى ححل الطابلوه فقولت اعمل عازل حرارى بالمرة لانى معنديش عازل خالص منى للكبوت على طول:36_1_8[1]: المهم طلعت على الكهربائى بتاعى هو كهربائى بسم الله ما شاء الله بس غالى فقلى فك وتركيب 250 جنيه مش عارف بس انا مستغليهم جدا والسروجى قالى 100 اعمل عزل للصدر كله من جوه ومن الكبوت فسالته معاهم لباد قالى لاء العزل بس لان اللباد بيكلكع والعزل كفاية(100 جنيه شاملة مصنعية + خامات )
فانا دلوقتى كان نفسى انا الى اعمل الكلام الى فات خصوصا انها 128 فكهربتها مش معضلة بس للاسف ملئتش فيديو او صور يورينى افك التابلوه ازاى او ابداء اعمل العزل ازاى فبسالك لو عندك فيديوهات او صور ماتبخلش عليا بيهم
وايه رائيك فى الاسعار ديه حاجة اخيرة بجد احييك على شغلك وصبرك
بص يا باشا
اولا الكهربائي دة غالي اوي اوي اوي ...... من الأخر فك التابلوه كله و تركيبه مش هيكمل 50 جنيه .... دة لو انت مثلا قولتله فك التابلوه و روحت رايح للراجل السروجي و عمل العازل و ترجع تاني للكهربائي عشان يركب التابلوه ( مصنعية الكهربائي 50 جنيه بس + السمكري هياخد مثلا 50 كمان عشان اللحامات + السروجي 100 جنيه مش مشكلة عادي ) يبقي الأجمالي 200 بس
بالنسبة للعازل اللي تحت التابلوه مابيكونش لباد لأنه هيكلكع فعلن زي ما السروجي قال
الصح هو العازل الحراري فقط و طبعا يتلصق كويس بالسيليكون أو الكولا مع تنظيف المكان اللي هتحط فيه العازل عشان التركيب يكون علي نظافة مايكونش عالتراب و خلاص
رأيي الشخصي
انا لما عملت الأرضية الجلد عندي قمت بفك التابلوه بنفسي و هو كله مثبت ب 8 مسامير فقط
4 مسامير من ناحية الموتور
4 مسامير من تحت التابلوه من داخل العربية
لو دورت عليهم هتلقيهم ان شاء الله
المهم لما فكيت التابلوه لقيت عندي انه ملوش لازمة موضوع العازل لأني لقيت دفيرة الكهرباء هتضايقني شوية في تركيب العازل و كمان مالقيتش غير فتحات قليلة اوي هي اللي ممكن تدخل هوا سخن من الموتور قمت بسدها بقطع من الجلد لأن الفتحات دي بيمر منها الأسلاك و الدواسات و حاجات تانية
الفتحة الوحيدة اللي قمت بسدها اثناء ماكنت بشد العربية من فترة كبيرة هي فتحة التكييف ( قمت بسدها بقطعة صاج مع اللحام الجيد )
فطبعا لو فتحة التكييف عندك مش مقفولة قم بعمل عازل فيها و قمت بتنظيفها الأول جيدا عشان تقدر تلصق العازل كويس
لو تقدر تفك التابلوه بنفسك ( قبل الفك قم بالنظر حول التابلوه و مساميره و ماتتسرعش في الفك و خلاص ) و إحفظ مكان كل مسمار عشان تقدر ترجع الدنيا تاني
الموضوع سهل مش صعب بس عايز تركيز أوي
و بعد كدة روح للسمكري و خلص اللحامات المطلوبة
و ارجع تاني عالبيت عندك و نظف مكان التابلوه كويس بالمكنسة عشان تشفط التراب و بقطعة قماش مبللة عشان تمسح مكانه كويس و الصق العازل بعد كدة و ركب التابلوه و بكدة تبقي وفرت كتير ( أحسن من الحوجة للصنايعية )
و صباح الفل
السلام عليكم ورحمة الله وبركاته يا رياسة مش عارف اقولك ايه الف شكر كده الحوار اتضح بالنسبالى وان شاء الله اعمله الاسبوع الجاى وابلغك بالاسعار الى عملتها بيها ان شاء الله:satelite:
السلام عليكم ورحمة الله وبركاته انا عملت العربية يا رياسة بس مع الاسف معرفتش اعملها فودتها اتعملت انا حقول على الاسعار علشان الناس تستفيد
فك وتركيب التابلوه 70 جنيه واخد حوالى ساعتين فك وتركيب وتجربة ان كل حاجة شغالة
العزل كلفنى مصنعية +خامات 80 جنية وتبقى حتة عزل خدها معايا حتى الراجل قالى سيبها حتعمل بيها ايه قلتلو تنفع وبعدين انا دافع تمنها:36_6_3[1]: الوقت حوالى ساعة ونص علشان الصنايعى كان بيدلع
السمكرى اخد 30 جنية لحام فى الحوض وفى العربية من جوه الوقت حوالى نص ساعة
حبيت اقول علشان الاعضاء تستفيد
ااسسسستاااااااذ ورئيس قسم والله العظيم