حاجات موش عجباني في الصيانة!

**saidbakr** · 01-04-2011 05:40 PM

السلام عليكم
روحت يوم الثلاثاء اللي فات لصيانة 5000 في فرع العبور. كان من ضمن الحاجات اللي بشتكي منها، الحرارة اللي بتطلع من عند دواسة البنزين ودي بتبقى من ماسورة او حاجة معدن بتجيب حرارة موش عند دواسة البنزين - الدواسة دي اكتر حتة بتظهر فيها - لكنها بتسخن الكونسول اﻷمامي كله. لاقيت الجماعة هناك حاطين - موش مركبين - حتة لباد صغيرة حشر بين فرش ارضية العربية والماسورة اياها بحيث انك تقدر تخلعها بإيدك وطبعا الحرارة زي ما هية. يعني أي كلام في أي كلام.

كنت برضه بشتكي من ان عصاية فرامل اليد بتلق، وبرضه لسة بتلق.

اﻷهم من كدة إن مافيش حد طلع يجرب العربية معايا!.

اﻷكتر كمان إنهم على غير ما بيقولوا في الاعلانات في التوكيل، إن فيه حد هيتصل بيا بعد الصيانة ب 48 ساعة غلشان يسألني عن رأيي، ولغاية دلوقتي ما حديش اتكلم ولا عبرني.

موش عارف انطباعي عن التوكيل اصبح سلبي، موش هقدر اقول دلوقتي انه سيئ للغاية، بس اقل حاجة ممكن اقولها انه سلبي.

**MOUSTAFA_SAAD** · 01-04-2011 06:31 PM

انا روحت العامريه وهما ممتازين بصراحه واتصلوا بيا بعد 48 ساعه فعلا
بس خدوا منى 120 جنيه ظبط زوايا وغسيل ماتور مكنتش عامل حسابى عليهم لانها المفروض مجانيه بس بصراحه خدت العربيه زى الفل
يظهر النظام والمعامله مختلفه من فرع عن التانى

**emad73** · 01-04-2011 07:00 PM

واضح يادرش ان كل فرع يختلف عن التانى وربنا يستر علينا فى الصعيد
التوكيل عندنا مافهوش ضبط زوايا اصلا

**emad73** · 01-04-2011 07:01 PM

ياسيد بكر ربنا معاك

**amr.elsayed** · 01-04-2011 11:53 PM

هى صيانة ال 5000 كدة ماحدش بينبسط منها لكن انطباعك عن التوكيل حيختلف فى اول صيانة مدفوعة ان شاء الله

**saidbakr** · 02-04-2011 12:02 AM

المشاركة الأصلية كتبت بواسطة moustafa_saad

انا روحت العامريه وهما ممتازين بصراحه واتصلوا بيا بعد 48 ساعه فعلا
بس خدوا منى 120 جنيه ظبط زوايا وغسيل ماتور مكنتش عامل حسابى عليهم لانها المفروض مجانيه بس بصراحه خدت العربيه زى الفل
يظهر النظام والمعامله مختلفه من فرع عن التانى

من وجهة نظري: دي اسوء معاملة ممكن اتعاملها، ﻷن 5000 مجانية والحاجات دي كلها من اصل الموضوع.

المشاركة الأصلية كتبت بواسطة ringoo

هى صيانة ال 5000 كدة ماحدش بينبسط منها لكن انطباعك عن التوكيل حيختلف فى اول صيانة مدفوعة ان شاء الله

ليه هم بيجبوا علينا، يعني ابو بلاش يعاملونا زي ... وابو فلوس حاجة تانية؟!!! ابو بلاش ده احنا اصلا دافعين تمنه تالت ومتلت زي ما بيقولوا، واقل حاجة انهم يلتزموا بالكلام اللي معلقينه على الحيطة؟! موش كدة ولا إيه؟

**hragheb007** · 02-04-2011 03:38 AM

المشاركة الأصلية كتبت بواسطة saidbakr

من وجهة نظري: دي اسوء معاملة ممكن اتعاملها، ﻷن 5000 مجانية والحاجات دي كلها من اصل الموضوع.

ليه هم بيجبوا علينا، يعني ابو بلاش يعاملونا زي ... وابو فلوس حاجة تانية؟!!! ابو بلاش ده احنا اصلا دافعين تمنه تالت ومتلت زي ما بيقولوا، واقل حاجة انهم يلتزموا بالكلام اللي معلقينه على الحيطة؟! موش كدة ولا إيه؟

معاك و كلامك صح 100%

المفروض أني أروح أي فرع أتعامل نفس المعاملة و العربية تطلع مظبوطه في كل أحوال الصيانة سواء المجانية أو المدفوعة