عندك سؤال عن الاتوس - الاتوس برايم تفضل و اسأل

**Nile_Storm** · 10-10-2008 12:03 PM

المشاركة الأصلية كتبت بواسطة Amrrr

تقصدني انا ؟

ايوه يا استا عمرو بما انك مالك ليها ياريت تشرفنا بتقييمك

**Nile_Storm** · 10-10-2008 12:05 PM

المشاركة الأصلية كتبت بواسطة lion_hh2006

سلام عليكم
يا جماعة محدش ردعليه بخصوص كود لون العربيه
المفروضان الاخوه يردوا على اى سؤال يخص الاتوس وللا انا غلطان
على العموم عاوز اعرف كود لون العربيه بيبقى فين و اى رقم بالضبط
يا ريت حد يفيدنى فى الموضوع ده
سلام عليكم

هي المشكله بس اني معنديش اتوس فمش عارف افيدك قوي بس عموما هيونداي اكواد اللون و الحاجات دي يا اما في قايم باب السواق يا اما في صدر العربيه

**Amrrr** · 12-10-2008 02:12 PM

المشاركة الأصلية كتبت بواسطة Nile_Storm

ايوه يا استا عمرو بما انك مالك ليها ياريت تشرفنا بتقييمك

ماشي يا سيدي

جبتها من شهر 7/2007 وعملت لحد دلوقتي 59000 كم معظمهم كان سفر يعني طرق مفتوحة وعلى سرعة من تسعين لمية وعشرة معظم الوقت

مميزاتها :
1- حجمها صغير أوي ، وتقدر تعمل بيها مناورات جامدة اوييييييييييييي ، وانت بتركن او وانت بتجري وبتعمل غرز لو مين بيجري وراك ميعرفشي يياخدها يعني تخيط اي عربية لو الطريق زحمة وعايز غرز بس بعد ماتتعود على العربية طبعا
2- صالونها من جوة واسع ، القعدة قدام : البرابريز طويل والتابلوة بعيد عنك فتحس وانت سايق بالبراح والزراير والتابلوة والتكييف سهل وفي متناول ايدك وانت سايق وهي عموما بسيطة ، القعدة ورا : الكنبة عالية عن مستوى الكراسي اللي قدام وعن مستوى أرضية العربية كمان فممكن يقعد ورا شخص او اتنين طوال مهما كان طولهم مش مشكلة (عن تجربة عملية ) بس ميكونوش تقال عشان المساعدين ضعيفة
3- استهلاك البنزين اقتصادي جدا ( ما حسبتوش ولا مرة عشان بانسى اصفر العداد او ابص فيه كل ما أملا بنزين ، وبقالي سنة بانسى) بيبقى كل همي عداد الفلوس في البنزينة ، بقى بيعد جامد اويييييييييي

4-انا لحد دلوقتي شايف ان غبور - أبو رواش مافيهوش مشاكل & ومعظم المشاكل وانا هناك بتبقى من اصحاب الفيرنا
5-مستوى الكراسي والقعدة في العربية اعلى من العربيات السيدان العادية وتحس انك راكب عربية مرتفعة نسبيا وبتبص للناس تحت بس مش اوي عشان محدش يتريق
6- فراملها كويسة عشان العربية خفيفة بتقف على طول وجربتها في مواقف صعبة ( فرامل وانا باخد غرزة وقفلت والعربية كانت في ملف بس طبعا لازم تسيطر عليها وتلمها & وعموما العربية لحد تسعين كدة انت مسيطر عليها 100% ولحد مية وعشرة انت مسيطر خمسين ستين % فوق كدة بقى ربنا يستر ( عملتها في الحتة اللي اتسفلتت جديد في الصحراوي ومشيت لحد 150كم واول ما عديت من جنب عربية نقل حسيت العربية بقى مالهاش وزن )

عيوبها :
1- العفشة بتدبدب على خفيف ولازم تحسس في المطبات والحفر لدرجة ان والدي امبارح قاللي سواقتك مملة بس اعمل ايه ؟ لو خدت الحفر بسرعة بسمع وبحس بترزيع بيقطع في قلبي (اول عربية اركبها وانا تعبان في فلوسها - بفلوسي يعني محدش جابهالي)
2- طبعا صاجها ضعيف
3- لازم تظبط رجلك جامد في الطلعة عشان ماتسقفشي & وبعد كدة بنقل زي ما الكتالوج كاتب عشان الأداء واستهلاك البنزين ولما بنقلها زي الكتالوج بحس انها مريحة اوي في اللحظة اللي بدوس بنزين وبرفع الدبرياج:k32:
4- هي عموما مش بتاعة جري ونفسها قصير في النقلات

وفي الاجمالي العربية عملية ومريحاني الحمد لله

**Amrrr** · 12-10-2008 02:18 PM

المشاركة الأصلية كتبت بواسطة Nile_Storm

هي المشكله بس اني معنديش اتوس فمش عارف افيدك قوي بس عموما هيونداي اكواد اللون و الحاجات دي يا اما في قايم باب السواق يا اما في صدر العربيه

انا هدور وارد بكرة او النهاردة بالليل

**Khalid_Mostafa** · 12-10-2008 02:23 PM

المشاركة الأصلية كتبت بواسطة Amrrr

ماشي يا سيدي

جبتها من شهر 7/2007 وعملت لحد دلوقتي 59000 كم معظمهم كان سفر يعني طرق مفتوحة وعلى سرعة من تسعين لمية وعشرة معظم الوقت

مميزاتها :
1- حجمها صغير أوي ، وتقدر تعمل بيها مناورات جامدة اوييييييييييييي ، وانت بتركن او وانت بتجري وبتعمل غرز لو مين بيجري وراك ميعرفشي يياخدها يعني تخيط اي عربية لو الطريق زحمة وعايز غرز بس بعد ماتتعود على العربية طبعا
2- صالونها من جوة واسع ، القعدة قدام : البرابريز طويل والتابلوة بعيد عنك فتحس وانت سايق بالبراح والزراير والتابلوة والتكييف سهل وفي متناول ايدك وانت سايق وهي عموما بسيطة ، القعدة ورا : الكنبة عالية عن مستوى الكراسي اللي قدام وعن مستوى أرضية العربية كمان فممكن يقعد ورا شخص او اتنين طوال مهما كان طولهم مش مشكلة (عن تجربة عملية )
3- استهلاك البنزين اقتصادي جدا ( ما حسبتوش ولا مرة عشان بانسى اصفر العداد او ابص فيه كل ما أملا بنزين ، وبقالي سنة بانسى) بيبقى كل همي عداد الفلوس في البنزينة بقى بيعد جامد اويييييييييي

4-انا لحد دلوقتي شايف ان غبور - أبو رواش مافيهوش مشاكل & ومعظم المشاكل وانا هناك بتبقى من اصحاب الفيرنا
5-مستوى الكراسي والقعدة في العربية اعلى من العربيات السيدان العادية وتحس انك راكب عربية مرتفعة نسبيا وبتبص للناس تحت بس مش اوي عشان محدش يتريق
6- فراملها كويسة عشان العربية خفيفة بتقف على طول وجربتها في مواقف صعبة ( فرامل وانا باخد غرزة وقفلت والعربية كانت في ملف بس طبعا لازم تسيطر عليها وتلمها & وعموما العربية لحد تسعين كدة انت مسيطر عليها 100% ولحد مية وعشرة انت مسيطر خمسين ستين % فوق كدة بقى ربنا يستر ( عملتها في الحتة اللي اتسفلتت جديد في الصحراوي ومشيت لحد 150كم واول ما عديت من جنب عربية نقل حسيت العربية بقى مالهاش وزن )

عيوبها :
1- العفشة بتدبدب على خفيف ولازم تحسس في المطبات والحفر لدرجة ان والدي امبارح قاللي سواقتك مملة بس اعمل ايه ؟ لو خدت الحفر بسرعة بسمع وبحس بترزيع بيقطع في قلبي (اول عربية اركبها وانا تعبان في فلوسها - بفلوسي يعني محدش جابهالي)
2- طبعا صاجها ضعيف
3- لازم تظبط رجلك جامد في الطلعة عشان ماتسقفشي & وبعد كدة بنقل زي ما الكتالوج كاتب عشان الأداء واستهلاك البنزين ولما بنقلها زي الكتالوج بحس انها مريحة اوي في اللحظة اللي بدوس بنزين وبرفع الدبرياج:k32:
4- هي عموما مش بتاعة جري ونفسها قصير في النقلات

وفي الاجمالي العربية عملية ومريحاني الحمد لله

تقييم جميل و قريب جداً من الواقع و احب اضيف للميزات :
-شنطتها الأوسع في فأتها (راجع المقارنه دي : http://www.nilemotors.net/Nile/showthread.php?t=22085 )
-مجال الرؤيا للسائق ممتاز مقارنه بكثير من العربيات الهاتشباك و السيدان علي حداً سواء

**Amrrr** · 12-10-2008 03:11 PM

المشاركة الأصلية كتبت بواسطة Khalid_Mostafa

تقييم جميل و قريب جداً من الواقع و احب اضيف للميزات :
-شنطتها الأوسع في فأتها (راجع المقارنه دي : http://www.nilemotors.net/Nile/showthread.php?t=22085 )
-مجال الرؤيا للسائق ممتاز مقارنه بكثير من العربيات الهاتشباك و السيدان علي حداً سواء

هي العربية كلها الأوسع في فئتها وأوسع من ال I 10
نسيت كمان اقول على التكييف : انه جامد جدا وبشغله على واحد لو انا لوحدي في العربية وعلى اتنين لو معايا حد ومش بجيب الترموستات على آخره كمان يعني تكييفها جامد جدا ودي سمعة تكييف هيونداي من ساعة الاكسيل من كذا سنة

**Khalid_Mostafa** · 14-12-2008 10:09 AM

سؤال يا جماعه لمالكي الأتوس...فيه لمبه في التابلوه شبه دي كده
انا عارف انها ليها علاقة بنظام immobilizer ...بس هل هي موجوده في سيارات غبور(لأن الي معايا خليجي) وهل معني وجودها اني لا استطيع عمل مفتاح إلا في التوكيل ؟؟

**casperinoo** · 15-12-2008 12:42 AM

هي موجوده بس مش شغاله عندي

**Amrrr** · 17-12-2008 03:17 PM

أ.casperinoo
أ.Khalid_Mostafa
العربية بقالها معاكو مدة أد ايه ؟ وعامل كام كيلومتر؟ وبتنقط مياه من الشكمان ولا بطلت ؟
انا فوجئت بعربيتي لسة بتنقط من الشكمان الصبح وانا بأسخن وعامل 64000كم
وياريت لو حد تاني عندة آتوس يقوللي وألف ألف شكر ليكو يا جماعة!!!

**casperinoo** · 17-12-2008 08:45 PM

انا معايا بقالها سنه ونص وعامله 13000كم..حكاية المايه من الشكمان ديه انا عمري مبصيت عليها...
بصراحه انا بقي عندي ثقه غريبه في عربيتي..ومش بحاول ابص فيها علي حاجه...لان الحمد لله واثق انها تمام..

اللي يشوف كده يقول اني راكب بي ام :)