كريستالة او نوبيرا
عرض للطباعة
كريستالة او نوبيرا
بص يا باشا
ربنا يعينك بجد على القرار و يقدر لك الخير حيث كان
اولا اللانوس جميلة و ممتازة في اعادة بيعها قطع غيار معقولة بس.... البنزين بتاعها نار
ثانيا الفيرنا جميلة شكل و كماليات و استهلاك بنزين ممتاز وقطع غيار سهلة و رخيصة و متوفرة بس فراملها سيئة جدا يعني مفيش امان دا عيبها المعروف
ثالثا المقترح تاني الاكسنت او بولو 99 او بيكانتو و كله طبعا مكيف و انا شخصيا بفضل الاكسنت لانها سيارة عائلية استهلاك بنزين ممتازة قطع غيار ببلاش ممكن يبيعها بكل سهولة
عموما في واحد صديق ليا كان بيقولي على عربية بيكانتو 2006 فابريكة بالكامل عاملة 40000 كيلو فاضية ب43000 جنيه و ممكن تركب تكييف ب2000 جنيه توقف عليك ب45000 جنية بس بيقولي ان حالتها شاذة و فيها رخصة سنه و نص كمان
عموما لو تحب تشوفها تليفوني 0105756566
هات كريستالة جامبوووو...عربية تحفة
وأحسن من الانوس كتيرررررررررررررررررررررر ررررررررررررررررررررررررر ررررررررر شكلا وموضوعا
اللانوس كويسة و بالذات الموديلات بعد 2000 و انت طاااااالع
الفيرنا معرفش لأني ماجربتهاش بس ناس كتير بتشكر فيها
و اللي كويسة برده اللانسر الكريستال
كل دول قطع غيارهم في المعقول و مرميين عند البقالين كمان ههههههههه
الأهم من دة كله التأني في الشراء و تاخد العربية عند سمكري أهم حاجة يبص علي العربية من اولها لأخرها و بالذات من تحت و من الصدر بتاع العربية و يا سلام لو سمكري معرفه و برده تاخد معاك ميكانيكي و عفشجي
والله ياباشا لا طبعاً فارق معايه وزن العربيه وثباتها وعلشان كده انا مخلى الفيرنا اخر اختيار بس انا فكرت فيها لانها موديل جديد وامكانيه انى الاقى حاجة نظيفه اكبر وساعتها كنت طبعاً حعدل فيها كام حاجة يعنى حجيبلها جنط 14 عريض وكمان كنت حغير طنابير الفرامل من مصرى لكورى
والله ياباشا انا لو اقولك انى بقالى سنه بدور ممكن متصدقنيش والحمد لله السنه دى بعد ما كان حدودى 20 وصلت 45 بفضل الله
بفكر فى كده فعلاً وربنا كريم
[/color][/size][/center][/b]
ياباشا شكراً على النصائح الغاليه بالنسبه للفيرنا انا عارف عيوبها كويس انها خفيفه ومشكله الفرامل بس انا عندى حلول ليها وبالنسبه للبيكانتو للأسف انا مستبعد عربيه هاتش باك علشان ظروف شغلى بحتاج الشنطة كثير
دكتور احمد اولا احب اقولك الف مبروك على التعديلات وظهور العربيه بالمظهر الرائع ربنا يباركلك فيها ويكفيك شرها
ثانياً انا فعلا بتمنى الجامبو بس للأسف مش لاقى حاجة فى الحدود بتاعتى خالص وتكون نظيفه طبعا
وخصوصاً كلكم عارفين الناس بتطلب اسعار وكأنها من من هنا
والله ياباشا انا عندى فعلاً بتاع دوكو معرفه وشاطر جداً جداً واكمنه بيشتغل فى الحاجات المدعوكه فا بيقدر يعرف كويس وان شاء الله لما الاقى حاجة ترضينى انا الاول ونيجى للنهائى يبقى حخليه يكشف عليها هو
وعلى فكرة انا اول عربيه اشتريتها كانت سوبر فيورا 1985 ايطالى كانت تحفه
ياباشا الأكسنت احسن استهلاك بنزبن من اللانوس وماتورها 1500 انجكشن اكبر من الكرستاله ده لو الأكسنت لحدموديل 2002 لأن اللى بعد كده 1300 كربراتير وقطع غيار بالنسبه للأوبل لا وجه للمقارنه ومن حيث الفرامل والثبات احسن من الفيرنا وربنا يوفقك للصالح
لانوس منتشرة جدا يمكن اكتر من اللب في المحمصه غير كدا روح علي اقرب عطار هتلاقي عندة ليها قطع غيار
ابن خالي شد مع والدي ابن خالي معاه شفروليه لانوس ووالدي معاه اوبترا لحد 160 وهو معافر جامد مع والودي لكن محسوبك صوت ووقفهم:-)
لانوس