المشاركة الأصلية كتبت بواسطة ashour100
السلام عليكم
الموضوع ده جاء في وقته تمام
عندنا بيت على مساحة 360 م بأحد الأماكن الراقية في طنطا إجمالى الايجار 30 ج شهري، ( 5 شقق ومحل تجاري).
طبعاً أكيد المبلغ ده زمان كان له قيمة لكن دلوقتي طبعا ما يعملش حاجة خالص.
الغريب ان فيه شقة قاعد فيها دلوقتي الحفيد!!!
من فترة جاء واحد يشتري البيت ويراضي السكان، طبعا مطالبهم تراوحت بين ضرورة توفير شقة بديلة " تمليك طبعا " أو الحصول على تعويض متوسطه 250 الف جنيه،يعني تقريباً عايزين ياخدوا من ربع الى ثلث ثمن البيت!!!
طبعا من وجهة نظري الحلول العادلة تتمثل في الآتي:
1- وضع فترة انتقالية بين المالك والمستأجر.
2- خلال هذه الفترة الإنتقالية يتم اعادة تقييم قيمة الايجار وفقاً لمعطيات السوق.
3- بعد انتهاء الفترة الانتقالية، يكون العقد منتهي ويترك للمالك حرية التصرف إما بإعادة الايجار، او بيع الوحدة للمستأجر، أو استردادها نهائياً.
4- لا يمتد العقد للأبناء أو الزوجة أو خلافه.
طبعا الحسنة الوحيدة عندنا هي العلاقة الطيبة والمثمرة مع المستأجرين فكلهم وللحق أناس محترمين جداً.