عايزين مقابلة قبل مقابلة عيد ميلاد المنتدى يعني قبل 15 إبريل وأنا الجمعة الجايه فاضي
عرض للطباعة
عايزين مقابلة قبل مقابلة عيد ميلاد المنتدى يعني قبل 15 إبريل وأنا الجمعة الجايه فاضي
الجمعه بعد الساعه 6 معنديش مانع :)
الجمعة حلو اوي اوي هاكون ان شاء الله في القاهرة, يا ريت نظبط علي الجمعة اللي جاية او السبت عشان انا مسافر الالاتنين الصبح
و نفسي بجد في مقابلة, بقالنا كتير ما تقابلناش و الكل ييجي.
أنا فاضي الجمعة الجاية
طيب فرصة كمان عشان لو ممكن نلم كلنا فلوس بتاعه عيد ميلاد المنتدى وندفعها مرة واحدة
أنا جااااااااااااااااااااااى :go: .. ان شاء الله
و راشق من الجمعة بعد الصلاة.. :36_2_46[1]:
هتضبط المكان يا Yoko ولا أيه؟؟!!!
مستني أسمع إقتراحات
اول اقتراح, الرحاب
هههههههههههههه
مقابلة؟؟؟ من ورايا يا احمد؟؟؟؟ لما اشوفك بس
الرحاب كلاكيت كام مرة كده :):)
الرحاب طبعا اوك وسيلانترو زى كل مرة ههههههه
انا قلت يا قاسم إنت رايح الفيوم!!!
Cilantro = No Shisha = No Go for me :(
tab can we make on saturday ??
i heard that it's not easy to enter El-Rehab without pass.
على رأى قاسم دة كدة الرحاب للمرة ال 4 ,,,, ممكن نغير ولا هايكون صعب
فعلا يا مصفطى هما كانوا بيسألوا رايحين فين وكده وفين الباص بس انا قولتلهم انا مش داخل لحد انا داخل الفوود كورت
عادى ممكن فى الرحاب بردو وفى السوق ها نلاقى قهاوى وشيش
ونخليها يوم السبت لو مصطفى مش ها يقدر خالص يجى الجمعة
السبت اوك اوي بردو
السبت بالنسبالي صعب ... بس ممكن احاول !
الجمعة شغال معايا, و لو انى كنت بفضل الخميس علشان اليوم اللى بعده أجازة
رسيتوا على اية يا جماعة ؟ السبت ولا الجمعة ولا الخميس ؟
الجمعه احسن ليا وانا اؤيد المقابله بشده ولازم تيجي يامصطفي يوم الجمعه بشده والا حاعملك مظاهره
حلاوتك يا يوكو انك بتقرى افكاري وبتسبقني :)
next fri. anywhere doesn't matter ba2a
ارسو و كلموني و ياريت لو الجمعة بعد الساعة 6 و يا سلاااااااام لو في الرحاب
طب انا عندى اقتراح
ايه رأيكم نتغدى فى البرنس؟؟؟؟؟؟؟
وبعد كده نتحرك فى اى حتة احنا عايزنها ان شاء الله
ولا يهمك يا باشا
البرنس ده فى امبابة يا باشا وسبق تمت مقابلة هناك وكلنا ما لذ وطاب من الاكل ثم الى قهوة ثم الى السينما :)
شغال يابو قاسم
حلوة فكرة المقابلة دي
كان نفسي أكون معاكوا في اليوم دة بما إني فياتاوي برده بس الأسبوع دة و إللي جاي كله مشغول في مشاوير عائلية خارج القاهرة
بالنسبة لوصف المكان بما انك من اكتوبر فايكون قريب ليك ان شاء الله ,,, بص حضرتك هاتخش ميدان سفنكس من عند سور نادى الزمالك ,,, وبعدين هتلاقى الطريق بيلف اجبارى زى ما اكيد حضرتك عارف ,,,, تمام انت هاتلف معاه وهتلف اول صنيه تقابلها,,, هاتمشى هتلاقى طلعه لكوبرى اكتوبر متطلعهاش تكمل كمان شويه هتلاقى طلعه التانيه برضو متطلعهاش ونسيت اقولك هتلاقى يافطة كبيرة متعلقه مكتوب عليها امبابه والعجوزة هاتمشى تحتيها هاتكمل هتلاقى مسرح البالون على يمينك هتلاقى الطريق بيلف هتلف معاه وتمشى هتلاقى المعهد البريطانى على يمينك هتكمل وتلف اول صنيه وترجع تانى وهتكمل على طول على الكت كات بس ,,, اكتر من كدة مش فاكر ,, بس انت ممكن تسئل انهى دخله عشان انا كنت من يوكو المرة ال فاتت ,,و
-------------------------------------------
انا عارف وصفى غبى شويتين:oops1: ,,, بس ان شاء الله ممكن حل تانى اشوف هما هايرسوا على ايه ويوم ايه وانا كدة كدة لو هاجى بالعربية هامشى الطريق دة فا ممكن اقبلك ونمشى ورا بعض
معجبنيش أكل البرينس أخر مرة بس لو الأغلبيه عايزاه مفيش مشاكل
هو البرنس يا برنس
لا مؤاخذة .. اي حد مش راكب فيات متكلمش اصلا ...
:p
طب ما نروح ناكل في فرح المهندسين ... اكله حلو و في اللذيذ :)
ممكن كباب وكفته في عمارات العبور الحرس الجمهوري وأصغارهم كويسه جدا (أرخص من أي حد بره)
وأكلهم حلو جدا