-
مكان فلتر تكييف اللوجان , بمناسبة دخول فصل الصيف
في الصور التالية توضيح دقيق لمكان فلتر التكييف الخاص باللوجان , أرجو أن يكون مفيدا
1- http://img159.imagevenue.com/loc224/..._122_224lo.JPG
-
الله ينور عليك
أنا أول مرة أعرف إن اللوجان فيها فلتر تكييف
إلى قالوهولى إن مفيهاش فلتر تكييف
-
مش عارف اشكرك ازاى
الف شكر
-
بس الى سمعته ان اللوجان مفهاش فلتر تكييف
هى الصور ده من عربيتك ؟
الف شكر على مجهودك
-
يا جماعة ذي ماهو واضح من الصور دي من عربيتي اللوجان
-
اقتباس:
المشاركة الأصلية كتبت بواسطة alabigo
يا ريت تقولينا امتا بنغير او بنضف فلتر التكييف ؟؟
-
المفروض ينظف كل فترة تعتمد علي مقدار تشغيلك لخيار الهواء الخارجي الموجود في التحكم الخاص بالتكييف , او بحالة الجو الذي تستخدم فيه السيارة هل به أتربة أو لآ .
عامة : عندما تشعر بأن كمية الهواء الخارجة من مخارج الهواء بالسيارة أقل من الطبيعي و لاتشعر بالتكييف , غالبا يكون بسبب إتساخ و إنسداد الفلتر و الذي يؤدي إلي عدم تدفق الهواء بسهولة , و عندها يتحتم تنظيفه و غالبا يتم التنظيف عن طريق إستخدام هواء قوي أو بلاور
-
اقتباس:
المشاركة الأصلية كتبت بواسطة alabigo
المفروض ينظف كل فترة تعتمد علي مقدار تشغيلك لخيار الهواء الخارجي الموجود في التحكم الخاص بالتكييف , او بحالة الجو الذي تستخدم فيه السيارة هل به أتربة أو لآ .
عامة : عندما تشعر بأن كمية الهواء الخارجة من مخارج الهواء بالسيارة أقل من الطبيعي و لاتشعر بالتكييف , غالبا يكون بسبب إتساخ و إنسداد الفلتر و الذي يؤدي إلي عدم تدفق الهواء بسهولة , و عندها يتحتم تنظيفه و غالبا يتم التنظيف عن طريق إستخدام هواء قوي أو بلاور
يبقا بلاش من خيار الهواء الخارجى و نخليه داخلى علطول ، و لا ايه رأيك ؟؟
-
هو فعلا , عدم إختيار وضع الهواء الخارجي يقلل من سرعة إتساخ وإنسداد الفلتر , لأن الهواء الخارجي دائما ما يكون محمل بالأتربة , لكن أستخدام الهواء الداخلي فقط قد يؤدي أحيانا بالشعور بالضيق نتيجة للنقص النسبي في الأكسجين , و لاكن يمكن التغلب عليه عن طريق فتح الشباك قليلا ثم غلقه مرة أخري
-
مشكوووووور والله يعطيك الف عافيه
-
الف الف شكر والله ينور عليك
-
تصدق وتآمن بالله انا العربية معاية من سنة ونص وفاكر ان مافيهاش فلتر تكييف
بجد معلومة اكتر من رائعة والف شكر يا باشا على مجهودك وربنا يباركلك فى لوجى
-
الف شكر ليك على المعلومه المفيده انا كنت حاطط السؤال دا على جوجل من 5 شهور وانت اللى جاوبتنى عليه
بس ياريت لو مافيهاش تعب اذا كان حد يعرف تمن الفلتر دا جديد بكام لانى بفكر لو يطلع رخيص اشترى واحد جديد بدل الفك والتنضيف
-
اقتباس:
المشاركة الأصلية كتبت بواسطة ringoo
تصدق وتآمن بالله انا العربية معاية من سنة ونص وفاكر ان مافيهاش فلتر تكييف
بجد معلومة اكتر من رائعة والف شكر يا باشا على مجهودك وربنا يباركلك فى لوجى
اقتباس:
المشاركة الأصلية كتبت بواسطة hesham_tawfiq
الف شكر ليك على المعلومه المفيده انا كنت حاطط السؤال دا على جوجل من 5 شهور وانت اللى جاوبتنى عليه
بس ياريت لو مافيهاش تعب اذا كان حد يعرف تمن الفلتر دا جديد بكام لانى بفكر لو يطلع رخيص اشترى واحد جديد بدل الفك والتنضيف
تمام تمام
الف الف شكر
فعلا التوكيل نفسه قالي ان العربية مفيهاش فلتر بنزين وقلت في نفسي اذا كان مفيهاش فلتر بنزين عادي يعني
وطول عمري بقول ان الهوا الشديد بتاع التكييف سببه عدم وجود فلتر
بجد بجد الف شكر
-
-
شوف و أنا إللي كنت فاكر إن ما فيهاش فلتر تكييف .... و عموما في جدول الصيانه العام لرينو بيقول إن الكشف على فلتر التكييف بيكون كل 30000 كم و عموما حتأكد من المعلومه دي مره تانيه و ألف شكر و بجد تسلم إيدك.
-
انا كنت داخل الموضوع وعندي رد واحد بس في دماغي - العربية مفهاش فلتر تكييف - لاني كنت فاكر ان ده حيبقي سؤالك لكن اللي يعيش ياما يشوف - الحمد لله يا رجالة العربية طلع فيها فلتر تكييف ودا رد علي كل المتشككين اعداء اللوجان - او اللجان المضاديين - المهم تسلم ايدك يا برنس وشاكريين بجد المعلومة القيمة بس ياريت تغير العنوان عشان الناس اللي بتقرا العنوان من غير الموضوع بيفتكرو ان دا سؤال مش معلومة
-
الله ينور عليك يا باشا .. موضوع قيم جدا
-
شكرا جزيلا يا جماعة علي الردود الجامدة دي , و بالمناسبة أنا كنت فاكر إن مفهاش فلتر زيكوا , لحد ما دورت و عرفت مكانه
-
مشكور يا باشا ع المعلومة الغالية ديه
ربنا يباركلك
بيتهيقلي مناسب جداً يتنضف كل 3 شهور يعنى أربع مرات في السنه و حسب المنطقة اللي انت فيها برضه
تسلم يا باشا مرة تانيه
-
اقتباس:
المشاركة الأصلية كتبت بواسطة moustafa_saad
عربيتك رومانى ولا مغربى
فعلا عربية حضرتك اكيد روماني
لاني نزلت امبارح في نص الليل انضف فلتر تكييف اللوجان :Ka_che1[1]::Ka_che1[1]:!!
وبعدين ملقتش عندي فلتر
صورت فتحة الفلتر عندي لقيتها كده
[sor2]http://img43.imageshack.us/img43/3105/img0166qa.jpg[/sor2]
[sor2]http://img833.imageshack.us/img833/9536/img0168cn.jpg[/sor2]
يا خسارة بش برضه مش مشكلة لاني الهوا اكيد مع فلتر التكييف حيكون اضعف
لاني لما بسوق اللانسر كريستالة بتاعة حمايا بكون مبسطوط جدا من التكييف
ولما بسوق عربيتنا لانسر بومة 2007 بكون حفطس من التكييف اللي مش عامل حاجه بسبب الفلتر لدرجة اني قررت اقطع الفلتر في الصيانة الجاية
-
-
اقتباس:
المشاركة الأصلية كتبت بواسطة moustafa_saad
عربيتك رومانى ولا مغربى
ياريت حضرتك ترد على السؤال ده
عشان ده هوه إلى هيحدد
-
اقتباس:
المشاركة الأصلية كتبت بواسطة ahmedbakr50
ياريت حضرتك ترد على السؤال ده
عشان ده هوه إلى هيحدد
أنا عربيتي مغربي Full option , موديل 2011 , و إستلمتها شهر 10 سنة 2010
وفعلا الصور المرفوعة بتقول إن العربية الموجودة يالصور مافيهاش فلتر , بس ممكن يكون في موديلات معينة لأن صورة الفلتر الموجودة في بداية الموضوع من عربيتي , و بالمناسبة فيه زميل عمل موضوع بيتكلم فيه عن نقطة عدم وجود فلتر وكيفية تركيبه
http://www.nilemotors.net/Nile/211276-a.html
-
ده على كده كل واحد يبص على عربيته ويقولنا
بس كل واحد ياريت يكتب موديل العربية وصناعتها وهل موجود فيها فلتر ولا لأ
-
كده يا جماعة بقى ناس عندها الفلتر وناس معندهاش
انا عربيتي مغربي موديل 2010 ومفيهاش الفلتر
هل موديل 2010 هو اللي فيه الفلتر بس ؟؟؟
محتاجين تأكيد من كل اصحاب ال 2010
-
انا عربيتي موديل 2011 و فيها فلتر تكييف
انا لما قريت الموضوع سبت الشغل و نزل الجراج و فكيت الفلتر و ركبته تاني
اي خدمه
-
هبص النهاردة ان شاء الله و ارد عليكم انا عربيتي 2010
-
-
الف الف الف مليون شكر للاخ صاحب الموضوع ده
انا عربيتى 2010 اشترتها شهر 4
و نزلت اشوف موضوع الفلتر ده
ولما شفته فكيته و وجدت خلفه
بلاوى تراب وورق شجر و عظام ادمية و بقايا حفريات
و انا فعلا من فترة حاسس ان التكيف ضعيف شويه
طلعت البيت و حطيته فى ميه و نشفته بعد العسيل المبرح و نقعته فى انواع مختلفه من العطور
و نزلت عسلت العربيه و سحبت باقى التراب و الحفريات من فتحه التكيف و ركبت الفلتر و جربت التكييف
و حسيت بشعور مختلف تماما
علشان كده لازم نشكر الاخ صاحب الموضوع المهم ده بشده
-
اقتباس:
المشاركة الأصلية كتبت بواسطة د.أحمد عبد الرحمن
كده يا جماعة بقى ناس عندها الفلتر وناس معندهاش
انا عربيتي مغربي موديل 2010 ومفيهاش الفلتر
هل موديل 2010 هو اللي فيه الفلتر بس ؟؟؟
محتاجين تأكيد من كل اصحاب ال 2010
أنا كده لازم أتأكد من الموضوع ده ... علما بأن عربيتي 2010 و مستلمها شهر 11 2009.
-
اقتباس:
المشاركة الأصلية كتبت بواسطة shshmoh
الف الف الف مليون شكر للاخ صاحب الموضوع ده
انا عربيتى 2010 اشترتها شهر 4
و نزلت اشوف موضوع الفلتر ده
ولما شفته فكيته و وجدت خلفه
بلاوى تراب وورق شجر و عظام ادمية و بقايا حفريات
و انا فعلا من فترة حاسس ان التكيف ضعيف شويه
طلعت البيت و حطيته فى ميه و نشفته بعد العسيل المبرح و نقعته فى انواع مختلفه من العطور
و نزلت عسلت العربيه و سحبت باقى التراب و الحفريات من فتحه التكيف و ركبت الفلتر و جربت التكييف
و حسيت بشعور مختلف تماما
علشان كده لازم نشكر الاخ صاحب الموضوع المهم ده بشده
الف مليون شكر للأستاذ صاحب الموضوع ,
انا عربيتى 2010 فول اوبشن وفيها فلتر عرفت من وجود طرف الكلبسات انما مفكتهوش لسة :Ka_che1[1]:
-
اقتباس:
المشاركة الأصلية كتبت بواسطة shshmoh
الف الف الف مليون شكر للاخ صاحب الموضوع ده
انا عربيتى 2010 اشترتها شهر 4
و نزلت اشوف موضوع الفلتر ده
ولما شفته فكيته و وجدت خلفه
بلاوى تراب وورق شجر و عظام ادمية و بقايا حفريات
و انا فعلا من فترة حاسس ان التكيف ضعيف شويه
طلعت البيت و حطيته فى ميه و نشفته بعد العسيل المبرح و نقعته فى انواع مختلفه من العطور
و نزلت عسلت العربيه و سحبت باقى التراب و الحفريات من فتحه التكيف و ركبت الفلتر و جربت التكييف
و حسيت بشعور مختلف تماما
علشان كده لازم نشكر الاخ صاحب الموضوع المهم ده بشده
شكرا جزيلا علي الكلام الجميل ده , و يارب يكون كل العربيات فيها فلتر
-
أنا مستلم شهر 11 2009 (دفعة 2010), و عندي فلتر التكييف اللي أول مرة أعرف انه موجود عندي
ألف شكري يا alabigo
-
-
-
عربيتى 2010 مغربى و مستلمها مايو 2009 و مفهاش فلتر تكييف
-
عربيتي 2010 مغربي و مستلمها في نوفمبر 2009 و برضه مافيهاش فلتر تكييف.
-
اقتباس:
المشاركة الأصلية كتبت بواسطة tamer61
عربيتي 2010 مغربي و مستلمها في نوفمبر 2009 و برضه مافيهاش فلتر تكييف.
اقتباس:
المشاركة الأصلية كتبت بواسطة mohamed1979
عربيتى 2010 مغربى و مستلمها مايو 2009 و مفهاش فلتر تكييف
معلش يا جماعة حظكوا , بس هو ليه إستفسار بعد إذنكوا هي عربياتكم Full option ولا Half option و لا BASIC لأن العر بيات اللي فيها تكييف المفترض يكون فيها فلتر علشان نظافة المبخر , و لو عربياتكم مافيهاش تكييف و فيها هواية و تسخين بس يبقي مش هتلاقو فيها فلتر , و ياريت تفيدونا
-
اقتباس:
المشاركة الأصلية كتبت بواسطة alabigo
معلش يا جماعة حظكوا , بس هو ليه إستفسار بعد إذنكوا هي عربياتكم Full option ولا Half option و لا BASIC لأن العر بيات اللي فيها تكييف المفترض يكون فيها فلتر علشان نظافة المبخر , و لو عربياتكم مافيهاش تكييف و فيها هواية و تسخين بس يبقي مش هتلاقو فيها فلتر , و ياريت تفيدونا
half & full have an air condition ...just basic does n't have air condition in it
very bad thing in logan car .. some option in logan car and not in another logan car with the same model :oops1:
all of us remember the cd player .. some cars playing mp3 extension and the other don't
i don't like this :untitled 1: