محاولة فاشلة للوصول لسرعة عالية باالميجان 2 :(

**farahat** · 01-06-2011 03:33 AM

المقصود إن الدفيزور ممكن يكون هو سبب ضعف التوب سبيد ، لكن لو التجميع كمان فيه مشكلة يبقى فيه حاجة تانية .
لاحظ إن تجميع الميجان الأوتو مش جامد قوي ، فاتأكد حضرتك انك بتقرنها بواحدة زيها بالظبط عشان يبقى الكلام أكيد إذا كان فيه مشكلة ولا لأ ، وكدة كدة محتاج تغير الدفيذور عشان تاخد أفضل خرج من الموتور

**farahat** · 01-06-2011 03:35 AM

المشاركة الأصلية كتبت بواسطة ahmed88hassan

اللي انا اكتشفته ان الكشف في مراكز الخدمة ده
ملوش اي لازمة
و حسيت انهم مش بيفهموا كده و صنايعية نص لبة
دول كدابين و بينصبوا كمان
انا قالولي ان الفيتيس فيه تفويت عشان كدا بينتش و مش بيشتغل مانيوال
روحت لكهربائي في الحرفيين ظبطلي الليلة دي في ساعة
و طلعت المشكلة ان مشط الكهربا كان عايز يتنضف و الكهربا يتراجع عليها من علبة الفيوزات

بس مشكلة نقلات الفتيس دة بيكون عادةً من سوتش الناقلات بتاع الدراع نفسه مش حاجة في علبة الفيوزات ولا دة عيب تاني ؟!

**تامر.محمد** · 01-06-2011 08:14 PM

المشاركة الأصلية كتبت بواسطة farahat

من غير ال دفيزور العربية مبيكنش فيها vvt وبالتالي الهورس بور بيقل ، بس مش كتير ، يعني الميجان موتورها 115 (لو موتور 2005-2006) ، من غير دفيزور هيكون الأداء فيها حوالي ٩٥ إلى ١٠٠حصان مثلاً (زي أي موتور 1600cc بدون vvt ) ، وبالتالي السرعة القصوى هتتأثر ، لكن العزم تأثره هيكون بسيط ، وبالتالي التجميع هيكون مش مختلف لكن التوب سبيد هتتأثر

امال 2007-2009 موتور تاني ولا ايه ؟؟؟؟؟؟؟؟؟

**تامر.محمد** · 02-06-2011 12:59 PM

المشاركة الأصلية كتبت بواسطة farahat

مع التعديل الجديد في الشكل رينو عملت تعديل بسيط في الموتور عشان يتوافق مع نظام euro-v للانبعاثات (القديم كان متوافق مع euro-iv ، انبعاثات أعلى قليلاً ) ، وبالتالي تم تخفيض الخرج إلى 110 حصان ، لو حضرتك دورت في مواصفات السيارة من خلال البرشور حتى في الخارج هتلاقي العربية قبل التعديل كنت 115 وبعد 2007 أصبحت مكتوب فيها 110 ولكن مكتوب أيضاً انها متوافقة مع euro-v .

همممممممممم , شكرا يا باشا

**ahmed88hassan** · 02-06-2011 08:09 PM

المشاركة الأصلية كتبت بواسطة farahat

المقصود إن الدفيزور ممكن يكون هو سبب ضعف التوب سبيد ، لكن لو التجميع كمان فيه مشكلة يبقى فيه حاجة تانية .
لاحظ إن تجميع الميجان الأوتو مش جامد قوي ، فاتأكد حضرتك انك بتقرنها بواحدة زيها بالظبط عشان يبقى الكلام أكيد إذا كان فيه مشكلة ولا لأ ، وكدة كدة محتاج تغير الدفيذور عشان تاخد أفضل خرج من الموتور

ربنا يسهل بس و افضي لها دنا حتي مش عارف اغسلها :(

المشاركة الأصلية كتبت بواسطة farahat

بس مشكلة نقلات الفتيس دة بيكون عادةً من سوتش الناقلات بتاع الدراع نفسه مش حاجة في علبة الفيوزات ولا دة عيب تاني ؟!

مش عارف .. بس هيه مكانتش مشكلة عويصة في حلها خالص و مخدتش كتير في ايد الكهربائي

المشاركة الأصلية كتبت بواسطة rsarabia

انا شاكك فى حاجة ممكن تكون المشكلة
هل انت مأكتف ال speed limiter على 120 ؟؟
اكيد اكيد دا السبب و انت مش واخد بالك انه شغال ؟؟

هوه في اسبيد ليمتر في الـ 2005 ؟؟
الكروز كونترول بيبدأ من آخر 2006 علي ما اعتقد

**midohits** · 04-06-2011 03:13 AM

بص ، انا بقالي سنتين وشوية جايب ميجان 2005 طبعا السحب بتاعها ضعيف جدا ، وغيرت كل حاجة في العربيه ولحد دلوقت موصلتش لأي حاجة فلاتر وزيت وبوجيهات وموبينات وكله وطرمبه بنزين وكله والسحب ولا حاجة مفرقش خالص ، الا فترات قليله بعد تغير الزيت وكده وبعد كده بيرجع عادي
بالنسبه للتوب اسبيد أخري جبت 160 بس مجربتش اجيب ازيد من كده علشان حسيت ان العربيه في صوت الماتور والدواسه مش هتجيب ازيد من كده خالص
فلو عرفت اي جديد او اي حاجة في موضوع السحب او التوب اسبيد ، ياريت تفيدنا
ماتنساش ، تتطمني موضوع النتشه والنقل بين النقلات عامل ايه معاك

**MoAmin** · 04-06-2011 02:43 PM

اعمل كشف على طلمبة البنزين غالبا فيها مشكلة - حصلت معايا وبعدها علطول باظت وتم تغييرها - برضه مهم تعمل كشف على الرشاشات وال Speed sensor وانشاءا الله هتظبط

**MoAmin** · 04-06-2011 02:46 PM

للاضافة الحمد لله وبستر ربنا انا باحب امشى بسرعت عالية - فى السفر لو الطريق مفتوح 190 -200 وفى مرة جبت ال 230 على طريق الغردقة
بس السرعة عن طريق ال Speed Control