كنت كلمتكوا عن مشروع الكمبيوتر اللى كنت بفكر فيه http://www.nilemotors.net/Nile/showthread.php?t=17956
النهاردة وصل بالسلامة و يادوب عرفت أجمعه تقريبا خلص بس فاضل توصيله بكهربة العربية
قريب هقولكوا النتايج
عرض للطباعة
كنت كلمتكوا عن مشروع الكمبيوتر اللى كنت بفكر فيه http://www.nilemotors.net/Nile/showthread.php?t=17956
النهاردة وصل بالسلامة و يادوب عرفت أجمعه تقريبا خلص بس فاضل توصيله بكهربة العربية
قريب هقولكوا النتايج
الف الف مبروك
بس بسرعة كدة ركبتة، مش كنت تصورة الاول وتصورة
اثناء التركيب.
لا انا جمعت أجزاء الكمبيوتر بس لسه ماتركبش فى العربية
النهاردة الأحد والكهربائ قافل
الكمبيوتر اصغر من العادى بكتير بس برضه أكبر مما توقعت
بس اصلا عبال مانزلت ويندوز عملت لفة طويلة خدت الهارد حطيته فى اللاب توب بتاعى و نزلت ويندوز وبعدين خدته ركبته عشان طبعا موضوع ال12 فولت ده عامللى مشكلة وكمان عبال مافهمت ال PSU طلع روحى أربع أسلاك مش لاقيلها لازمة و فى الأخر بالبحث على النت لقيت حاجة ضحكتنى
Orange amp rmt ground
Orange amp rmt
NOTE: The Black and Green wire harness labeled “not connected” is intended to special projects use. For example, should you need additional 5V or 12V output, you could take advantage of this pre-installed wires
1000 مبروك و با ريت تصوره زي نادر ما بيقول .. :):)
يمكن سلو بلدهم ان عيب يكون السلك الاسود هو الارضي:)
طيب كويس انك ملحقتش تركبة في العربية:)
علشان تصورة بس وانت بتركبة والله مش اكتر.
طيب هتركبة فين في العربية؟؟ وعملت اية في الشاشة؟؟
الموقع قال ممكن تحطه فى الشنطة او تحت الكرسى او التبلوه
بس طبعا ده لو فيه شاشة تتش
حاليا انا مكتفى بشاشة TFT عادية وماوس وايرلس فالمكان مربوط بعمل الماوس يعنى لو فى الشنطة - ولو انى ماعتقدش رغم ان الماوس مداه 10 متر- يبقى ماشى ماكانش يبقى تحت الكرسى
بس مايركبش ابدا فى الكونسول
Dimensions: 210(W)x265(L)x66(H)mm
وبرضه مؤقتا هوصله بالكاسيت AUX لغاية ماشوف موضوع الأمبليفاير
بس عايز أقرا كويس المانوال بتاع ال PSU عشان فيه حاجات كتير و إختيارات و جنابر
وطبعا كهربائى العربية مايعرفش حاجة عن الكمبيوتر وانا فكرتى عن الهاردوير بسيطة
موضوع الشاشة فعلا كان فيلم غبى بسببه إضطريت انى أدور على مازر يورد فيها تى فى وده ادى الى انى إخترت بوردة مافيش فيها أبجريد بس مش مشكلة
اه صحيح نسيت أقول المواصفات
البروسيسور 1.5 1 جيجا رام مع هارد 40 ساتا
مبروك الكمبيوتر ياباشا
ملحوظه هو في الكمبيوتر ده وايرليث؟؟ علشان لو حبيت افتح النت :)
وياتري سعره كام الكمبيوتر ؟
الف مبروك يا هشام
وعقبال التركيب والتشغيل والتظبيط
واي حاجة عايزها في الهاردوير قووول ما تكسفش دي شغلتي
وانا كمان ناوي بس لما اشوفك هاتوصل لفين يا نجم
مبروك يا هشام
ومنتظرين صوره وهو متركب وتقيمك ليه
لا حاليا لا انا طلبت الحاجات اللى مش موجودة فى مصر
Case
Mother board
PSU
RAM and HDD
أى حاجة تانية هتركب USB بلوتوث أو حتى Wirelss
المشكلة كانت انى إشتريته من ألمانيا و بصراحة المانيا فعلا غالية بس كان فيه مشاكل فى الكريديت كارد مع المواقع التانية
لو واحد صايع هاردوير ممكن يشترى PSU بس ويضبط الباقى
الله يبارك فيك ياكريم
أعتقد لسه قدامى شوية وقت لحد ماوصل للصورة النهائية
بس انا اللى مريحنى ان الموضوع Upgradeable
يعنى ممكن كل شوية أضيف حاجة
الوضع الحالى هيكون توضيل الكمبيوتر بالشاشة ال TFT
مع AUX الكاسيت
وتوضيل كابل ال OBD
بعد كده غالبا هوصل على ابليفاير بدل ال AUX
وممكن بلوتوث و كاميرا خلفية
ومين عارف يمكن الجى بى إس يشتغل ساعاتها برضه هتبقى سهلة
فيه برنامج إسمه CerntaFuse
ده يعتبر Front End
منه عرفت ايه اللى مكن يتوصل طبعا فيه حاجات مش عاجبانى
مثلا راديو و تى فى و فيه ناس مركبة كروت ساتالايت وناس مركبة بلاى ستاشن مش عارف دول عايشين فى العربية والا ايه
اول ما الدنيا تضبط معايا شوية هوريهولكوا ان شاء الله بس المكشلة انى اليومين دول عندى مشاوير كتيييييييييييييييير
الف مبروك يا استاذ هشام....
و ابقي قولنا الجديد ان شاء الله
ملخص اليوم
محاولة تركيب الكمبيوتر على العربية
1-مافيش اى إشارة الى ان الكمبيوتر شغال
2-تم فكه تانى والتأكد من الكابلات
3-الباور سبلاى داخل له باور لكن المازر بورد لا
4-إتحلت المشكلة والمازر بورد إشتغلت
5-ملفيش حاجة على الشاشة
6-المشكلة فى درايفر التى فى أوت
7-إشتريت باور سبلاى تانى 220-12 عشان أشغل الكمبيوتر فى البيت وانزل الدرافر
8-الحمد لله الباور إشتغل و الدرايفر نزل
9-الكمبيوتر مش راضى يشتغل مباشرة مع الكونتاكت لازم المس جمبر كان ى بعدمل باور سوتش
10-لازالت المشكلة قائمة
والى لقاء أخر ان شاء الله :)
ربنا يوفقك و الف مبرووووووووووك
يا عيني يا حنفي
شكلك هايطلع عينك
بس الصبر جميل
واللي يصبر ينوول
الف مبروك يا باشا و ما تخفش نافيش عقده ملهاش حل بس الموضوع عاوز صبر
دى صور الكومبيوتر أئناء التجارب
http://i225.photobucket.com/albums/d...a/DSC00432.jpg
http://i225.photobucket.com/albums/d...a/DSC00433.jpg
ربنا معاك يا باشا و يوفقك
مشكلة باور المازر بورد إتحلت الحمد لله
بس طبعا لسه الدنيا مش وردى
طلعت مشكلة تانية و هى إزاى أخلى الكمبيوتر يعرض على شاشة تى فى مش شاشة كمبيوتر
الكمبيوتر فيه Video/RCA Composite TV-Out
لسه بدور على الحل
لو حد جرب الموضوع ده قبل كده يقول
فى سؤال بس لحضرتك
هو الويندز اللى منزله على الكمبيوتر ده ........ فيستا و لا Xp
لأن الفيستا سمعت إنه فيه شوية مشاكل مع ال TV -Out
فلو حضرتك فيستا قوللى و أنا أسألك على الحل
بسم الله ما شاء الله ... ربنا يبارك فيك يباركلك فيه وفي سيارتك ..
لا XP مش Vista
ممكن تقول لى بالتفصيل الخطوات اللى بتعملها على الكمبيوتر العادى؟
بص أنا بجيب الوصلة اللى زى دى بالظبط
اللى هى المفروض عندك
http://www.optimization-world.com/up...site_small.jpg
و بوصل ناحية بكارت الشاشة اللى عندى و الناحية التانية بال TV
هو حضرتك لما بتوصله بشاشة كمبيوتر بيشتغل عادى؟
و برضه هو إيه اللى بيحصل بالظبط لما توصل بال TV
يعنى فى صوت بيطلع و يحمل عادى و الشاشة بس هى اللى مش شغالة ولا الكمبيوتر مبيشتغلش أصلاً
هو ممكن يكون حاجة من الإتنين
يا إما كارت ال VGA اللى عندك سواء منفصل أو built in مفهوش TV Out و ده تتأكد منه من دليل الإستخدام
أو فى حاجة فى ال settings بتاعة ال Display من ال control panel بتغيرها.
استاذ هشام الف مبروك (استفصار )
صوره الماذبرد دى شبه الماذبرد الكمبيوتر العادى ولا دى ماذربرد خاص بعربيه
تقريبا وصلت للحل لقيت حاجة فى إعدادات البيوس CRT/LCD/TV بس لسه ماجربتش
اه لما بيتوصل بشاشة كمبيوتر بيشتغل عادى انا نزلت الويندوز و درايفرات المازر بورد وكله تمام
لما بيتوصل على شاشة تى فى الشاشة ساعات بترعش و ساعات مافيش اى حاجة غير شاشة سودة
طبعا انا متأكد فى البوردة فيها تى فى انا ختارها بالذات عشان فيها الأوبشن ده
بص هى شكل المازر بورد العادية بس على صغير إسمها mini-itx
كل حاجة فيها built in البروسيسور و الصوت والشاشة و اللان حوالى 4 او 6 يو إس بى
طبعا فيها حاجات ماعتقدش موجودة فى البوردة العادية بخصوص الباور
الخلاصة ان البوردة والباور سبلاى متصممين عشان عربية تشتغل امتى و تطفيش مرة واحدة لو قفلت الكونتاكت
وغير توصيلات الباور فيه سلكين عشان تركب امبليفاير و سلكين إحتياطى
الى فى اوت إشتغل على التلفزيون بعد تغيير إعدادات البيوس
بس صورة زفت شكلى لازم أشوف مونيتور 7 بوصة فى أسرع وقت
الصورة حلوة لو شغلت فيلم بس ويندوز و أيقونات و كلام لا لا لا
أها كده فهمتك
بص هو تقريباً عشان الشاشة صغيرة
أحسن حل إنك تصغر ال resolution من ال display لأصغر حاجة عندك (640x480)
لو برضه لسه حاسس الصورة صغيرة أو ال 640x480 مش عندك ..... ممكن تكبر الأيقونات من ال display settings>>appearace>>advanced>>then choose Icon from Items list
و بعديها كبر ال size و برضه ممكن تكبر حجم الخط
لو لسه معجكش الوضع بعد كل ده .... ممكن تجيب بقى ال 7 بوصة هتكون أكبر شوية
عامة كده خلاص التست خلص هحاول أركبه بكرة بإذن الله لو فيه وقت بعد الشغل
الف مبروك أ/هشام
و إن شاء الله تستمتع بالكمبيوتر بعد التعب ده... انت لو كنت روحت المانيا و ركبتوه هناك يبقى اسهللك.
و الحمدلله هايت خلاص شيد حيلك على الباقى .
الف مبروك وربنا يبارك لك في الجهاز دا
بس عايز الفت نظرك لحاجه مهمه جدا
وهو انك متحطش الكمبيوتر (المذر بورد) في الشنطه ورا ... اياك تعملها ...
هوا جايلك في الكتيب انه عادي ...
ولكن لاحظ ان دي المانيا (او دول اوروبا)... يعني لما بيكون الجو حر عندهم بتكون الحراره 20 ولا حاجة ... هنا في مصر في الشمس بتوصل 45 فما بالك انك لما تكون عامل حمل كمان على البروسيسور هتلاقي ان حرارته بتوصل فوق ال 90 ... ولاحظ ان البروسيسر عندك ممكن يضرب لو وصلت الحراره حدود ال 110 (ان مكانش اقل من كدا)
يبقا لازم تحط البورده جوا العربيه وفي منطقه متعرضه للهوا ... ويا سلام لو عرفت تفتكس له توصيله من التكييف علشان توصله هوا بارد
لو قفلت معاك اوي ممكن تجيبله تبريد بالفيريون بحوالي 900 جنيه
نصيحه خلي بالك من النقطه دي كويس لانها بتسبب مشاكل كتير بعد كدا
تحياتي
لحد دلوقتى مش عارف هحطه فين
الشنطة ليها مشاكل تانية غير موضوع الحرارة- طول الأسلاك
بالنسبة لموضوع الحرارة البوردة تستحمل لحد 50 و كمان فيها إعدادات فصل مع درجات الحرارة
شكلى كده هحطه فى التابلوه بس برضه مش عايز أعمل فتحات فى التابلوه
كنت هركبه النهاردة بس للأسف الأولاد عيانين ولازم اوديهم للدكتور
الف ألف مليون لا بأس عليهم ربنا يشفيهم بإذن الله وتكون بسيطة
بإذن الله يحصل خير وتستمتع بالكمبيوتر قريب .