الموضوع: العربية بتتاخر فى الدوارة الصبح

نفس الي انت قلتة دا بيحصل معايا
العربية بتتاخر في الدوارة الصبح بس مش لدرجة عشرين مرة
انا كمان شاري العربية مستعملة بس مغيرتش اي حاجة من الي انت قولتها
بس معلوماتي انه فعلا دا من حساس السرعة
و يا ريت حد من الوحش يساعدنا

انا عندي نفس المشكلة بس مش بدور غير من 2 او تالت مرة
المشكلة قيد البحث ع الموضوع ده
http://www.nilemotors.net/Nile/210423-a.html
تابعونا
و ربنا يسهل

مشكور

المشاركة الأصلية كتبت بواسطة scraper2012

أنا عندي ميجان 2005 شاريها مستعملة من 7 شهور من القاهرة ونا عايش في الإسكندرية,

دايما ً كل كام يوم تواجهني مشكلة مش لاقيها حل لحد دلوقتي من ساعة ما إشتريت العربية,

المشكلة إن العربية مش بتدور من أول مرة, و سعات مش بتدور خالص إلا بعد عشرة أو عشرين مرة لحد ما تلقط و تدور,
المارش شغال لكن مش بتلقط, انا غيرت سنسور الكرنك او بيسموه حساس السرعة, جبت مرة صيني ب150 جنيه و إشتغل كويس شهر و بعدين باظ, فجبت الفرنساوي ب 350 جنيه و إشتغل حلو و بتدور من لأول مرة لمدة 3 أسابيع و باظ,

فضلت عالحال ده مرة تدور من أول مرة و مرااات كتيرة لازم بعد عشرة أو أكتر من كده بكتيير لحد ما البطارية تقرب تخلص - و هي لسه جديدة في الضمان بالمناسبة, و سعات ما بتدورش خالص,

أنا جايب بوجيهات الأصلي جديدة و مغير فلاتر الهوا و الينزين و منضف البوابة, و الترمبة البنزين بتشتغل و بسمع صوتها و أنا بدور المارش لكن مش بتلقط,

فيه ملحوظة, إن المشكلة ديه بتحصل معظم الوقت في الصبح عالبارد , و سعات برده بتحصل بعد ما أطفي العربية ب خمس دقائق,

أرجو المساعدة و أسف لأني طولت, و شكرا ً مقدما ً,

على فكره اكيد هتكون ده المشكله ان البطاريه بتاعت الريموت هى الى خلصت عشان حصل معايا موقف مشابه لده:
انا معايا كليو 2002 والمفتاح بتاعها فيه ريموت اصلى كنت افتح العربيه بالريموت وبعدين ابدا ادور العربيه مش راضيه تشتغل ساعات المارش يلف شويه وبعدين يقف لوحده وساعات ميشتغلش اصلا.
رحت لناس كتير وكل واحد اعد يفتى وفى الاخر قريت على منتدى بتاع رينو ان المشكله ده هى البطاريه بتاعت الريموت علشان الايموبيلايزر مش راضى يوقف السيكيوريتى لانه مش حاسس بالريموت.
فعلا غيرت البطاريه ب 7 جنيه بس !!!!!!!!!!!!!!!!
والمشكله اتحلت تماما.

البطاريه بتاعت الريموت علشان الايموبيلايزر

الميجان لو شلت البطاريه خالص ... برضه حدور ... مش دي المشكله.

المفروض ان حساس الكامه هو سبب المشكله..... لو غيرتو يبقي قولي سحب العربيه شكلو ايه ؟