اخر اخبار هوندا سيتى 1300

**hanyathlon** · 14-04-2008 02:26 AM

الوكيل وقف الحجز لغايت اخر الشهر و من اول الشهر اللى جاى هيفتحوو تانى
ومقدم الحجز 10000 ( عشر بواكى)
و الاستلام فى خلال شهرين من دفع المقدم ....
الوكيل منظم و دقيق و قد كلامة .. العربية زودوو فيها سنتر لوك وطاسات جديدة وجميعها نازلة
بلون بيج
السيارة انا كنت متردد فى اختيارى لها و لكن الوكيل خلانى اعمل تست دريف
وفعلا العربية تستحق اكتر من كدة كلام .. العربية تحفة تحفة من نحية الثبات و النعومة و الجرى
و كمان الصالون بتاعها تحفة . :D
ياريت لو كل حد لية تجربة مع الستى فى السرعات العالية يزودنا بالمعلومات دى

ملحوظة : الوكيل نزل 3 الوان جديدة منزلتش قبل كدة .. يلا هيسوو و ادلعوو :p:p
بس بع كل دة وصباح الرخامة قالولى تعالى اول الشهر اللى حاى هنفتح تانى الحجز ..
محدش عندو واسطة فى توكيل الفطيم اروح احجز دلوقتى بدل ما استنى
عيشنا وشوفنا بقينة عاوزين وسايط كمان عشان نشترى عربيات

**ابوشريف** · 14-04-2008 03:02 AM

ياباشا شكرا على المعلومات

ياريت تقولنا هل نازله بريموت وانذار ؟؟؟؟؟

وايه الالوان الجديده

وعلى فكره موضوع الحجز من اول الشهر ده كويس وياريت تأجلها 3 اسابيع بعدها

انا سمعت معلومه كده على الماشى بتقول ان فى قرار بتخفيض فى اسعار الجمارك

على السيارات تحت ال2000 سى سى والقرار هيتنفذ ابتداء من 21 مايو والله أعلم

وأكيد القرار ده هيحول اتجاه الناس اللى كانت مضطره لل 1600 علشان السعر

وبالتالى الاسعار ممكن تنزل شويه .

**El Prince** · 14-04-2008 11:49 AM

المشاركة الأصلية كتبت بواسطة ابوشريف

ياباشا شكرا على المعلومات

ياريت تقولنا هل نازله بريموت وانذار ؟؟؟؟؟

وايه الالوان الجديده

وعلى فكره موضوع الحجز من اول الشهر ده كويس وياريت تأجلها 3 اسابيع بعدها

انا سمعت معلومه كده على الماشى بتقول ان فى قرار بتخفيض فى اسعار الجمارك

على السيارات تحت ال2000 سى سى والقرار هيتنفذ ابتداء من 21 مايو والله أعلم

وأكيد القرار ده هيحول اتجاه الناس اللى كانت مضطره لل 1600 علشان السعر

وبالتالى الاسعار ممكن تنزل شويه .

مبروك يا استاذ هانى
ويا ريت تقولنا كمان سعر العربية كام ( مانيوال و لا اتوماتيك )

**hanyathlon** · 14-04-2008 07:37 PM

الالوان .. هى رمادى على ازرق ميتالك .. لونو تحفة و كريمى بيج ميتالك
و فضى غامق ولن رابع مش عارف اية هو

مش منزلين ريموت لاءة بس المفتاح سكينة بكود و علية علامة هوندا بالكبير بالدهبى
المفتاح شكلة فخم و نظيف

مزودين طاسات جديدة و سنتر لووك

**أبومعاذ** · 19-04-2008 02:42 PM

انا مسوقتهاش بس كانت مع اخت لينا هنا في المنتدى و بتقول انها مش ثابتة على السرعات العالية

**Hassan Khalil** · 20-04-2008 04:39 AM

المشاركة الأصلية كتبت بواسطة مدحت منيب

حاسب ..! العربيه ثابته جدا لحد 120 و لن اتجاوزها ابدا ..

و اعتبرها سرعه جدا عاليه .. و ضربت فرمله قويه نزلتنى لسرعة 50

لم تحدف ذره يمين و لا عكسه

قيادتها متعه متكامله سواء بالليل او بالنهار ..

احلى من متسوبيشى ، و اطعم من ليجانزا

هى من احسن مضادات الاكتئاب التى استعملتها الى الان

ما شاء الله
ايه الغزل ده ..
ايه الحلاوة دي ..
فتحت نفسي علي العربية يا استاذ مدحت ..
و لو ان نفسي مفتوحة بشدة لاختها الـ 1500 بعد ما سقتها .. الله اكبر .. من اجمل العربيات اللي سقتها في حياتي ان لم تكن اجملهم علي الاطلاق ..
ربنا يبارك لكل اصحاب الهوندا .. و يرزقنا جميعا ..
امين