اية احسن حاجة ممكن امسح بيها العربية من التراب؟
وتكون حاجة غير الفوطة الزفرة لانها مش عملية وكمان بتجرح العربية.
ياريت اللى عندة طريقة عملية وكويسة يقلها , لان الواحد خلاص زهق من التراب اللى مالى البلد:confused:
عرض للطباعة
اية احسن حاجة ممكن امسح بيها العربية من التراب؟
وتكون حاجة غير الفوطة الزفرة لانها مش عملية وكمان بتجرح العربية.
ياريت اللى عندة طريقة عملية وكويسة يقلها , لان الواحد خلاص زهق من التراب اللى مالى البلد:confused:
التراب لو كتير والفوطة ناشفة العربية هتتخربش
من التراب.
ممكن فوطة مبلولة .... بس اساساً لو التراب كتير
مينفعش معاها غير المية الاول وبعدين الفوطة القطن او
في فوط جلد بيقولوا عليها حلوة وبتمتص المية كويس
"انا شوفتها مع ناس هنا في المنتدى .. بس مجربتهاش"
الدراع الطويلة اللي فيها شراشيب بتتباع ب 25 او 30
دي بتشيل التراب كويس قوي
ولو هاتمسح بمية يبقي الفوطة اللي ب 10 جنية دي ممتاز
فوطة وبلة
بس اهم حاجة لما تجيبها اول مرة تنزلها في مية سخنة قوي قوي
هيا عالية الامتصاص وما بتسيبش اثر
+100000000000اقتباس:
الدراع الطويلة اللي فيها شراشيب بتتباع ب 25 او 30
دي بتشيل التراب كويس قوي
ويا سلام لو تزفرها على خفيف كدة - حل نهائى واكيد
لو بتركن العربية في مكان مليء بالتراب وعادم السيارات يبقي تلمع السيارة أولاً بالريشة النايلون وبعد ذلك تطوقها بفوطة مبللة بالماء كثير علشان العربية ماتتجرحش نهائياً ودة كل يومين أو ثلاثة منعاً لحدوث بارومة أو ضرر.
أما يومياً فيكفي بالريشة فقط لتطيير التراب الملامس لسطح السيارة.
لم اجد احسن و الطف و انعم و انظف لليدين من استعمال المهفه الريش نعام
ذات اليد الخشبيه المتوسطه وهى متاحه فى محلات بيع الادوات المنزليه
وسعرها يتراوح بين الثلاثة عشر جنيها و الخمسة عشر جنيها .. للتراب
و هى افضل شىء لتنظيف " النجف " فى المنازل الانيقه ..و خفيفة الوزن جدا
و لا تشغل حيزا كبيرا .. و لها استخدامات اخرى لطيفه خلاف الفوط
فهى تعمل بكفاءه فى ايقاظ من يصعب ايقاظه من النوم لثقل طبيعته ، بمجرد
تمريرها بين اذنه و انفه مرتان ،.. فيخيل اليه ان قبيلة من الصراصير
تعبر وجهه مهاجرة جنوبا.. فينتقل فورا من الوضع افقيا الى الوضع راسيا . شاكرا
لك ظرفك البالغ ، ها انا قد.. اخلصت نصحى . ، فاستلفها من كل الجيران .. و جربها جيدا
قبل فوات الاوان .. فللحيتان اذان .. و سيقراون الكلام .. و يجمعوها
من كل دكان ، كما هى عادتهم من قديم الزمان ، وتختفى من الاسواق
شهرا ، ثم تطل علينا من محلات قطع الغيار مزهوة بسعرها الجديد ،
و قد زاد عشرا .
نييييييهههههههه
حلو يا استاذ مدحت
---------
الفوطة في منها نوعين
في نوع بيسموه جلد غزال وده بيتباع في محلات الاكسسوارات في علبة او كيس او في كارفور وسبينس
وتمنها حوالي 15 جنية
الو ما تجيبها بتكون ناشفة وماسكة نفسها قوي وما تتخيلش انها ممكن تمسح اي حاجة
تفتح الحنفية في البيت وتخللي المية سخنة على الاخر تكاد تكون بتغلي
وتحطها فيها قيمة 3 دقايق وتطلع تعصرها
بس لو اتلسعت ماليش دعوة
وبعد كدة تكون جاهزة للاستعمال حتى لو مسحت بيها مرايات البيت الحاجة هاتدعيلك من نضافتها
وفي كمان فوط بتاعت المطبخ بتتباع في كافور ال 3 ب 5 جنية بتكون غالبا الماني
الفوطة دي عالية الامتصاص جد لو وبليت العربية جامد بتسحب المية بسرعة مهما كانت غزيرة وبعد كدة تلمع بالجلد الغزال دي
اوووف على الللمعة
ابقي ابعتولي على حسابي 5 جنية من رصيد كل غسلة
يا ريت يا جماعه حد يقولنا على اسم الاسبراى اللى بترش على الدراع الطويل اللى فيه شراشيب ده لأن انا جبته ب 35 جنيه و حاسس انه لا بيلم تراب و لا حاجه و لو فيه حاجه كمان لتلميع العربيه من جوه
هو اسمه Arraffa
ولونه احمرفي علبه صفيح زي بتاعت الريد كده
ومتواجد في هايبر وكارفور
معرفش فين راحت الفوط اللى ف العربية عندى بس اللى اعرفه انى صحيت الصبح ادور علي واحده علشان انظف العربية مش لاقى قولت انزل كارفور لان قرأت هنا انه عنده فوط جلد غزال بس لما رجت هناك شوفت نوعين من فوط الغزال ( صفرا ب 10 جنيه و اصفر محمر ب 25 جنيه) كل واحده مكتوب عليهم جلد غزال بس مادتهم نفسها مش زى الجلد
وسؤال تانى
ازاى اعمل لى فوطه زفره ؟ اللى اظنه انه انقعها ف زيت او حاجه زى كده
magyver شكرا لسرعه الرد
اللى اعرفه ان لما الفوطه الزفره تكون قديمه وتكون فتلت " يعنى سطحها مبقاش ناعم " تبقى بتجرح وان لازم اشيل التراب الاول قبل ما استخدم الفوطه الزفرة
بالنسبة لازاى اعمل فوطه زفرة
احط عليها زيت ولا اغطسها فى زيت وهل لو زيت من اللى بيطلع من الموتور يكون افضل ليها ولا زيت صافى افضل
فعلا مفيش احسن من الفوطة الزفرة
بس لذيذ قوى السؤال بتاع ازفر الفوطة ازاى ههههههه
هيا زمان كانت بتتزفر لوحدها من كتر العك اللى فى العربيات مسحة شحم على مسحة زيت على شوية بنزين ميضرش تلاقى الفوطة بقت أخر زفارة
يعنى وقف أى تاكسى من الهكعين خد منة الفوطة بتاعتة واديلة الجديدة وريح دماغك
مع التراب الكتير بأى فوطة عادية او اى حاجة ريش ولا ديل قط و طير التراب التقيل وبعد كدة بالفوطة الزفرة بتبقى الدنيا تمام
اة والأزاز بقى مفيش احسن من الجرنال المبلول
وبعدين فوطة نضيفة تلميع
والمرايات كذلك
انا بحس ان الفوطه الزفه بتجرح العربيه فعلاً
بس انا اول مره اسمع عن جلد الغزال ده...هاجربها
اقتباس:
الدراع الطويلة اللي فيها شراشيب بتتباع ب 25 او 30
عملية جدا جدا جدا
انا عندي جلد الغزال كنت جايباها من هايبر بس لما التراب بقي كتير قوي مبقتش تساعد ياعيني التراب كان بيغطيها ولازم اغسلها بس بصراحه حلوه
محطتهاش في مايه سخنه اول لما جبتها احطها دلوقتي ولا خلاص مش فارقه
البتاعه اللي بدراع دي لسه جايباها و زفرتها بزيت وجاز بس فعلا بتحرك التراب علي جنبوخلاص ولو التراب كتير تخلي العربيه بدل سوده رمادي ومش عارفه اعمل فيها عشان تبقي كويسه
معلش كمان بتاع ايه Arraffa ده عايزه اعرف
افضل حل وجدته لجمع التراب من على السيارة بسرعة هى الفرشاة ذات الشعرات الغليظة التى تشبه خيط التريكو او الكروشيه الغليظ
ويتم تبليلها بزيت شعر(ايوة زيت شعر، مش زيت موتور ومش زيت أكل) ، التبليل بتم باليد وبتمرير اليد بالزيت على كل شعرات الفرشاه، ثم تدليك الفوطة حتى يمتزج الزيت بالشعرات تماما ولا يترك اى أثار تلوث السيارة، هذة الفرشاه يمكن تلميع السيارة بالكامل فيه فى اقل من ثلاثة دقائق دون ترك اية اثار ترابية على جسم السيارة، بشرط عدم وجود اتربة ملتصقة مثل تلك التى تتراكم خلف الرافارف او وجود بقع ماء على السيارة، الأتربة الملتصقة لن تفعل معها هذة الفرشاه شيئا، اما بقع المياه فستلوث السيارة عند اختلاطها بزيت الفرشاه، لذلك تستعمل هذة الفرشاه والسيارة جافة فقط، فى حالة وجود اتربة ملتصقة او أثار املاح علبى السيارة من بقاء ماء متبخر فالحل الآمن هو الماء والصابون(يمكن استعمال صابون اطباق سائل او شامبو سيارات فقط ، مساحيق الغسيل والصابون الجاف وشامبو السجاد والكلور واضافات غسيل الملابس وجميع اصناف المنظفات بكافة انواعها فيما عدا الانواع المخصصة للسيارات او الأطباق ممنوعة منعا باتا)
اة الغلب دة متروحو بنزينة وخلاص الموضوع كلة مش هياخد اكثر من 10 دقايق
فعلا الفرشه دي ممتازة
ولكن لا استعمل زيت الشعر
انما كنت بستعمل منتج اسمه ARRAFFA وده بتستخدمه انك تزفر به الفوطة من جديد بعد غسلها عندما تمتلئ بالتراب
ودي صورة منه علشان لو حد لقاه يبقى يقولنا
ابحث مع الشرطة
http://img175.imageshack.us/img175/3442/dsc00292ce0.jpg
والمنتج ده ميزته انه بينظف جيد جدا وفي نفس الوقت خفيف وايضا بيعطي لمعه واضحه لسطح السيارة بعد تنظيفها بالفرشاة المزفره عن طريق هذا المنتج
ولكن من فتره لم اعد اجده في السوق
وعندما اسأل عليه في هايبر او كارفور وهو كان بيتباع عندهم بصف مستمره
الاقيهم مش عارفين حاجه عنه خالص ولا عارفين انا بتكلم في ايه
المهم سألت احد اصحابي فاتح محل منظفات والحاجات دي وله علاقة بالشركات دي
فلما عرضت عليه المنظف وشافه عرف الشركة المتجه له وقالي اصلها اتباعت من فتره وبيعيدوا تغيير كل العبوات بتاعتها
ومن ساعتها وانا مش لاقيه
ولما سألت بعض المحلات الأكسسوارات عن اي سائل تزفير
واحد نصحني وقالي علبة بيروسول وطلعت ميه ميه
هيا عيبها الريحة بس وانما بتعمل شغل ميه ميه بجد
اه طبعا الفوطة الجلد دى جامد اولا بتمتص المية بتنضف بسهولة جدا يا سلام لو غسلتها بمية وبريل وتنشفها هتديك النضافة اللى انت عاوزها
فى شرشوبة بيد بتتباع بحوالى 25 بمسح بيها العريبة الصبح وهى جميلة جدا وكمان مش هاتوسخ هدومك
ميرسي ليكو كلكو يا جماعة علي النصايح الجميله دي
عن جد كتير استفدت من كلامكو
اول مرة كنت اعرف موضوع الفوطة الزفرة ده
ده اختراع بوابيين مصر...
عمار يا مصر
سواء الفوطة أو الفرشة أم شراشيب لازم تتزّفر
إزاى؟
تتعدد الطرق:
بالنسبة للفوطة: كنت بتغير زيت العربية بنفسك وجه على إيدك زيت؟ إمسح إيدك ونظفها تماما بالفوطة .. خلاص الفوطة بقت زفرة
لو خايف على إيدك أى ولد من اللى بيغيروا الزيت يزفرهالك بإيديه فى ثانية
بالنسبة للفرشة: رش عليها زيت تلميع الموبيليا أو زفرها بنفس طريقة الفوطة
فوطة جلد الغزال بكل انواعها:
فشلت فى تحقيق نتائج جيدة بها رغم كل المحاولات
دايما بتسيب أثر
كنت زمان باخد فوطة زفرة من الميكانيكي
لحد ما عرفت الفكرة
شوية جاز والموضوع انتهى
مش محتاجة تدوروا على مادة مخصصة او خلافه
الجاز سهل ومتاح ورخيص
ونفس الحكاية للفرشة
طبعا الفرشة اسحن علشان تحافظ على نضافة وريحة ايدك
لما مش بيكون في فرشة بلبس كيس وانا بلمع بالفوطة الزفرة
شكرا دكتور احمد على ردك
بس انا شايفه ان العربية اللي مش نضيفه محرجة اكتر من تنظيفها
ولما بكون مستعجلة ومضطرة امشي بيها مش نضيفه او رايحة البنزينة اغسلها فعلا والله ببئه مكسوفه جدا
بالظبط كأني ماشية بشوز او شنطة ايد مش كويسه
بس منكرش اني لو قدرت استغل جوزي وهو ينضفها مش بضيع الفرصة :C_laugh[1]:
صورة عضوية Dr Ahmed
Dr Ahmed
د.أحمد باشا
انت مابتتعبش من المشى:N_no[1]:
معلومة قد تكون مفيدة، بلاش الجاز، الجاز بيتفاعل على المدى الطويل مع مكونات طلاء السيارة وبياكل فيها، المادة اللى تترطب بيها الفوطة يفض انها تكون زيت، زيت موتور زيت شعر زيت اكل زيت كبد الحوت مش مشكلة، المهم انه يكون زيت (بس طبعا ميكونش زيت فرامل لأنه بيتافعل مع الطلاء بضراوة)
انا جايب للبواب فوطة اللي هيا بتاعت تنشيف القدمين من كارفور
محدش يتريق ويقول في فوطة للرجلين
ايون فوطة سميكة وملمسها ناعم وحجمها كبير يملي العين
تمنها حوالي 10 جنيهات
اللي بتتحط قدام باب الحمام دي تنشف رجليك فيها وانت خارج
وهو بيحطلها شوية زيت ويتعمل بيها يوميا
ولو في بقع من مية او فضلات طيور شوية ميه وبيتعامل
ولما بيكون مش موجود الشرشوبة اللي بدرا طويل بعملها انا وهيا بتلم التراب فعلا
بس بعد كل مسحة تنفضها كويس وخلاص