السلام عليكم و رحمة الله و بركاته
الحمد لله اول امبارح استلمت الاكسنت 2011 مانيوال
و عملت من ساعتها 500 كيلو بالتمام و الكمال
بس ليا ملاحظات على السياره
التكييف ضعييف اوي مش زي ماكنت متوقع مش عارف هايتعدل بعد اول الف ولا لاء
العربيه ناشفه بس مريحه مش متعبه
طبعا مافيهاش مؤشر حراره
بما ان دي اول مره اسوق فيها مانيوال فبصراحه مش هاقدر احكم على الفتيس و الدبرياج بس هوه مريح و بينقل بسلاسه
صوت العربيه بيعلى اوي بعد 3 ار بي ام حتى وانت على الخامس مش عارف دي بقى مشكله ولا هيا كده
بس الصوت في السلانسيه و قبل 3 ار بي ام ماتسمعوش
الثبات لحد 120 ماشاء الله ماتحسش بيهم معرفتش لسه اجيب اكتر من كده عشان ساهر شغال جامد
تقييمي المبدئي للعربيه جيد جدا و استهلاك بنزين كويس جدا بس لسه محسبتوش بالظبط غير لما اعمل اول صيانه 1000 و بعد كده نشوف التقييم النهائي
انا شايف انها مناسبه جدا لسعرها و خصوصا هنا في السعوديه 30 الف ريال