باظت مباراة الزمالك و الأفريقي التونسي في دقائقها الأخيرة في منظر مؤسف . بصراحه مش عارف اقول ايه . ايه رأيكم انتم في اللي بيحصل ده .:untitled 1:
عرض للطباعة
باظت مباراة الزمالك و الأفريقي التونسي في دقائقها الأخيرة في منظر مؤسف . بصراحه مش عارف اقول ايه . ايه رأيكم انتم في اللي بيحصل ده .:untitled 1:
زفت بصراحه
بس مين اللي نزل الاول !!!
انا مش مصدق نفسي
انا اهلاوي وحاليا مش بتابع الكورة قوي
بس اللي حصل في ماتش الزمالك ده مصيبة بكل المقاييس
حركة قذرة ومكشوفة من حزب قذر ولازم وزير الداخلية يتحاسب ولازم مدير الأمن يتشال فيها صورتنا باظت وعاوزين الناس تخاف ويقولوا نتائج الثورة وعشان الناس تقول عرفنا قيمة الحكومة والحزب الواطي وطول ما الأفاعي موجودة في البلد ولسة ما أتحاكمتش هنفضل في الموال دة للنهاية لازم نقطع راس كل أفعى منهم في ميدان عام .
علشان مفيش شرطة و امن فى الملعب الجمهور نزل و بوظ الماتش
والله العظيم عيب اوى كده ما الدورى الانجليزى الجمهور بيبقى مفيش بينه و بين الملعب حاجة و محدش بيعمل كده
الجماهير نزلت المعلب والمنظر كان فضيحة
طبعا ده هيأثر على كل شيء وهيرجعنا تاني للصفر
يعني السياح ممكن يخافو يجو لما يشوفو الامن عامل كدة
ربنا يستر من اللي هايحصل
والله ما كنت اعرف ان فيه ماتشات النهاردة لكن فجاة سمعت صراخ عالى في الشارع جريت على التليفزيون اشوف فيه ايه لقيت الماتش وكارثة دخول الجماهير
ايا كان السبب او النتيجة
تولع الكورة على الماتشات
ليه تخريب الاستاد
ليه محاولة الاعتداء على لاعبي الافريقي التونسي مش التوانسة دول اللي ساعدوا المصريين الهاربين من ليبيا ؟
ليه اظهار الفوضي الرهيبة وعدم الامن مما يعيدنا مرة اخري لمربع الصفر في الحالة الامنية ويخيف السياح
حرام والله العظيم اللى حصل ده حرام
في حاجه مش مفهومه
لا يمكن يكونوا جماهير الزمالك
فوضى فوضى حتى النصر ...
هل من اخلاق الثورة اللى حصل ده
عايزين نتغير بجد وياريت نبدأ بانفسنا قبل الحكومة
اقتراح الغاء الدورى العام مادام الامن نايم فى العسل
من قبل المباراة ماتبدأ أساسا والأمن نايم في العسل
انا شايف انه مكانش في امن من أساسه
بصراحة مش قادر أقول غير ان الأمن كان في التراوة- شوفتوا كم الشماريخ
والدخان الكثيف ، والليزر اللي شكله حيعمي حراس المرمى !!! إيه ده !! والله حاجة تقرف
متهيألي كده الافريقي التونسي كسب وبصراحة حقه
ولو المباراة باظت فده تقصير من مصر وهيا بس اللي تتحمله
جماهير الزمالك نزلت الملعب بالأسلحة البيضاء جرى ورا لعيبة الأفريقى و الحكم !!!
بجد انا مش مصدق دا جماهير محترمة !!!
مذيع مودرن كورة قال ان وايت نايس اكدوا فى حالة خروج الزمالك من البطولة سينزلوا الملعب !!!
التقصير من جماهير الزمالك فقطاقتباس:
ولو المباراة باظت فده تقصير من مصر وهيا بس اللي تتحمله
هى الجماهير دى ماتعرفش تشجع بإحترام الا فى وجود امن !!!
ده ياريته حدث فردي
إنما معظم الناس نزلت أرض الملعب
خايف من استغلال اللي حصل النهاردة بشكل ما من أجل فرض أجندة من أي نوع
بصراحة قلبي كان حاسس إن الماتش ده مش هيعدي على خير.
تخيلوا لو كان فيه امن مركزي في الاستاد زي ما كان بيحصل قبل كدة والجماهير حاولت تنزل الملعب كدة والامن منعها كنا هنقول ايه ؟
تخيلوا لو بعض المخربين اللى نزلوا الملعب وكسروا في الاستاد وحاولوا يعتدوا على لاعبي تونس كانوا اصيبوا في اشتباكهم مع الامن كنا هنقول ايه ؟؟؟؟؟؟؟؟؟؟
قبل ما نلوم الامن المفروض نلوم الناس اللى ما صدقت يقل الامن علشان تمارس الفوضي والبلطجة والتخريب
.................................................. ....
لقد خالفت القاعدة رقم (9) بند (أ) من قواعد المنتدى لذا يتوجب حصولك على وقف.
يرجى مراجعة قوانين المنتدى.
مشرف القسم
4/4/2011
3:38pm
اعلنها صريحة بعد 20 سنة من تشجيع الزمالك كفاية كده خنقتونا فاض الكيل جيم اوفيييييييير ....
والى جماهير الزمالك التى نزلت للملعب اطرح عليهم سؤال بسيط من انتم . من انتم ؟؟؟!!! يا ..............
انا شوفت ناس نزلت الملعب تعمل لجان شعبية حوالين الحكم واللاعيبة
والله يا جماعه كرة القدم ديه بتزيد الأحتقان بين الشعوب العربيه :angry06:
التوانسه جايين رافعين يفط تحيه للشعب المصرى وشكر ليهم عشان المصريين كان موقفهم مؤيد للثوره التونسيه
ولما المصرييين خرجوا من لييبيا الى الحدود التونسيه الناس أستقبلتهم أحسن أستقبال وأكرموهم
بجد أنا كمصرى مكسووف جدا من نفسى
وأقل حاجه لازم تتعمل وفورا وفد دبلوماسى مصرى على أعلى مستوى وليكن من الجيش
يسافروا تونس ويقدموا أعتذار رسمى لدولة تونس الشقيقه
والغاء الدورى العام ومحاسبه وزير الداخليه على هذه المهزله
لك الله يا مصر :_Alshmokh22[1]:
حضرتك كده جبت من الآخر
اللى بتقوله أكيد كان متوقع .....
وجود الأمن المركزى ممكن يسبب كارثة
وكان لازم يتعمل حسابه من اللى ماسكين البلد دلوقت
يبقى يعملوا ايه ؟
بلاها أمن
ما احنا كنا بنشوف الجيش كان بيبعث جنود يشجعوا مصر فى الدرجة الثالثة ..... حتى دول مش موجودين
فين الجيش ؟؟
فالحين يروحوا يمنعوا مظاهرات التحرير ؟؟؟
الجيش أيضاً مسئول ....
شوفوا يا عالم العرب كانوا عامليين أزاى قبل ما يخدروا الناس بالكوره
YouTube - ‫ظ‡ظˆط§ط±ظٹ ط¨ظˆظ…ط¯ظٹظ† ظˆظ…ظˆظ‚ظپظ‡ ط§ظ„ط¨ط·ظˆظ„ظٹ ظ…ظ† ظ†ظƒط³ط© 1967‬‎
شوفتوا الجزائر كنا كارهنهوم أزاى ؟؟
أنا هجيبلك شوية ردود من موقع اليوم السابع ومن موقع مصراوي أتفرج معايا :
فوضي فوضي حتي النصر
==========
ا نت فين يا عدلى بجد ومنتهى الصراحة البلد بعدك خربت
==========
الفوضــــــــــــــــــــ ـــــــــــــــــــــــــ ـى
هههههههههههههههههههههههه
سلامات يا ثورة الفوضى
==========
طبعا نتيجة ثورة الفشل والخراب اشربو
=========
انت فين يا ريس البلد خربت بجد سمحنا يا ريس
وخد عندك بقى كدة في الكورة وفي الأعياد وفي أي مناسبة هيستغلوها عشان يبوظوا البلد ويخلوا الناس تكره حاجة أسمها الثورة ويقولوا يارتنا كنا سكتنا وحطينا --- في بوقنا وياريت تستمر على كدة وبس خد عندك فتنة طائفية بين مسلمين ومسيحيين وفتنة طائفية بين سلفيين وأخوان وصوفيين والبلد تولع باللي فيها عشان دافعنا عن حقنا وقولنا للظلم لأ ......... لازم رأس الأفعى تتقطع والبقية هيطلعوا يجروا زي الفئران وهنجيبهم وهنفضل وراهم بيت بيت ودار دار وزنجة زنجة .
كويس قوي اللي حصل ده . . . ياريت الجيش يلغي الكوره و يهد الاستادات و يعملوها حدائق عامة و الملايين اللي بتتصرف في الهجص ده يصرفوها في تقديم خدمات لاهل العشوائيات و المقابر . . . كفاية تفاهة بقى . . عايزين نشوف مصالحنا . .
لا ثبت تورط أى حزب فى الردود دى !!
حضرتك تعلم ان حسام بيه مدرب الزمالك دعا جمهور الزمالك الى النزول للملعب زى ما الأفريقى عمل ؟؟؟
سؤالى واضح
هو جمهور الزمالك ما يعرفش يشجع بإحترام من غير امن ؟؟؟؟؟
تسطيح جدا ان احنا نتكلم فى مصيبه زى ديه على جمهور اهلى و جمهور زمالك
ليه كده؟؟ هو لغاية دلوقتى مش باين المشكله فين؟
حضرتك ليه اخترت ردود بعينها وتركت ردود اخري تقول عكس ما تقوله زي الردود التالية:
مش عارف ايه الغباء ده حد يقلى ثوره مضاده بقى
ايه علاقة الثورة بالجهل والتخلف وقلة الادب اللى حصلت؟
يعنى الثوار هما اللى قالوا لجماهير الزمالك انزلوا؟
ماتبطلوا بقى
مشكله كبيرة احنا شوفنا الا طلعوا سرقوا يوم 28 وشفنا كمان الابيعطلوا الطريق ويخلفوا القانون ودلوقتى الفوضه فى المبارة هو دة سلوك كثير من المصريين للاسف الشعب عاوز ثورة تطهير اكثر من الوزراء ورئيس الجمهوريه
هو الحزب الوطني السبب
بلطجية نظام مبارك لازم يتعدموا
أنا بصراحة نفسى بأطالب ونفسى يلغوا الكورة والهلس ده طالما العالم دى مش قد المسئولية
دى عالم فاضية ومش فى دماغها يا ناس وبتكلف البلد على الفاضى
كمان وفروا الفلوس بتاعت الكورة دى الشغب أولى صدقونى
الله يسامحكم يا اللى كنتوا السبب
أرجوكم امنعوا المهازل دى
دى ناس مش حاسة بالثورة ولا تفرق معها
السبب فى الفوضى هو ابراهيم حسن حقن الجماهير قبل اللقاء وامرهم بالنزول الى الملعب
وهو تاريخه اسود وتاريخ فوضوى لكنه جعل هذا اليوم اسود ايام الرياضة المصرية
فتنة ابراهيم حسن الزمالك الرياضية !!!!!!!!!!!!!!!!!!!!!!!!!!!!!!!!!!
ما حدث نتيجة شحن زائد ضد فريق الافريقى او تحريض الجماهير من ناس غير مسؤلين
يعني مش كل الناس بتخمل اللى حصل للثورة
تانى برضه اهلى و زمالك؟؟
تانى نقول لو جمهور الاهلى عمل هنقول؟؟
الموضوع اللى احنا فيه مافهوش جماهير الزمالك عملت ولا سوت - الموضوع اكبر كتير من ان احنا نقول كده يا دكتور
المشكله اعمق و حضرتك عارف كده
يا ريت بلاش نسطح المصيبه اللى احنا فيها و نقول جماهير اهلى ولا جماهير زمالك
ده سلوك عام و احنا فى مصيبه لا فيها اهلى ولا زمالك
فيها مصر بس