شغل ممتاذ ما شاء الله
عرض للطباعة
شغل ممتاذ ما شاء الله
بس خلى بالك الناس اللى مستنه موديلات 2011 خرافى هينزلها بسعر خرافى هيزود الكماليات زى ماخوليو قال بس هيحطها فى ليفل سعرى مختلف تماما ودى معلومة انا واخدها من التوكيل الجديد نفسه ناس هناك
انا معايا شارك هاى لاين وكيل 2009 فيها نفس كماليات الخليجى وعلى فكرة نفس الباورهورس و التكييف و الدهان وكل حاجة لان اصلا التوكيل بيجيبها من الدفعات اللى نازله للشرق الاوسط كله كلها نفس اساسيات العربية ولو فتحت المانيوال هتتاكد من كده فرق بس ان المصرى بتنزل متفيمه كلها ومثبوت علرخصه والخليجى زينون عدسات وصب ده الفرق الوحيد بينهم وانا فضلت المصرى عشان التفييم و ركبت انا الزينون والساوند سيستم بتاعها رائع مش محتاج صب اصلا ...وبمسى على خوليو زميل الشارك اللى بحب تعليقاته بجد
السلام عليكم
افهم من كلام حضرتك اني اشتري موديل 2009 اللي موجودة دلوقتي؟؟؟و ان التوكيل الجديد حينزل العربية تاني؟؟؟و بسعر اعلى؟؟؟
حضرتك ما تعرفش حينزلها بكام او في حدود كام؟؟؟
بش عارف حاسس ان المبلغ المعروض دلوقتي مبالغ فيه شوية
بالنسبة للهاي لاين
ياريت حضرتك تفيدنا اكتر بمعلومات اكتر عن امتى حيبدأ التوكيل الجديد الشغل و ينزل العربيات بتاعته؟؟؟؟و يا تري حينزل بقى في سعر كماليات الشارك زي الفانوس و غيره؟؟؟
و ياريت حضرتك تفيدنا اكتر بمعلومات عن التوكيل الجديد
معلش اسألتي كتير,بس بفكر في العربية دي جامد و خوفي الوحيد كان اسعار كماليات السيارة المبالغ فيها
و تقبل مروري
ربنا يباركلك في العربية و يديك خيرها و يكفيك شرها
العربية عاملة معاك ايه؟؟؟و هل قابلت مشاكل؟؟
معلش عاوزك تديني زي تقرير مفصل كده عن العربية معاك في كل شئ
و طبعا الزميل العزيز خوليو كان اداني تفصيل عن عربيته و انا فعلا بحب تعليقاته و عجباني ,بس الفكرة ان عربيته خليجي كويتي,,و كنت بس عاوز اشوف المصري عامل ايه
و تقبل مروري
حضرتك يشرفنى طبعا انى ارد على اسئلتك الحمد لله وزى ماخوليو قال ان العربية دى ميعرفش قيمتها غير اللى ركبها بجد روعة ركوبة وقوة و شيك وكل حاجة حتى موتورها ان ناس كتير بتتكلم عليه بدون درايه بيطلع مواتير كتير جدا والله اوعى تصدق الضعف اللى بتكلمو عنه ده غير صحيح بالمرة وزى ماقولتلك فرق الكويتى عن المصرى هما واحد فى كل شىء بس المصرى ضمان طبعا وبتنزل متفيمة كلها مثبوت الرخصه والخليجى زينون عدسات و صب ده الفرق الوحيد غير كده هى عربية واحدة وبالنسبة لموديلات 2011 كان المفروض تنزل شهر 7/ 2011 بس طبعا فى ظل ظروف اليايان معرفش هتنزل ولا لا بس المعلومة اللى كانت عندى ان موديلات 2011 هتنزل الهاى لاين منها 165 فما فوق وهيزودوا الكماليات ودى حاجة متوقعه طبعا وكمان هتبقى موديل السنة وقطع غيارها ممكن تكون اغلى .... لكن انا بنصحك لو تقدر تجيب واحده الايام هاى لاين مصرة او خليجى لو لقيت الاتنين لانى سمعت ان الهاى لاين قل جدا لو قدرت احسنلك وتزبطها على مزاجك هتتكيف منها اوى برقبة كل الكورى اللى قدامك ده والله
استاذ ma7oo شكرا ليك جداااا
معلش تعبتك معايا و اسئلتي كتير
انا مصدقك طبعا سواء في قوة الماتور او كلامك على العربية عامة
انا اصلا بش عاوز اجيب كوري
هو تقريبا بش حلاقي خليجي,,حضرتك تعرف حد ممكن يكون بيبيع خليجي؟؟
ان شاء الله حشوف في التوكيل كده اذا كان عندهم هاي لاين ولا لا
و يا رب الاقي عندهم و يكون لون كويس
بس عاوز اسألك سؤال اخير
بالنسبة ان العربية راكنة بقالها مدة(الله اعلم المدة دي قد ايه,لاني بش عارف الشحنة جات امتى) هل فيه حاجات حتتغير او حاجة او حتحتاج تبص عليها بسبب الركنة الطويلة؟؟؟؟؟
انا عارف ان دى حاجة قلقاك طبعا بس بص ورق العربية وانت بتستلمها بيبقى مكتوب فيه رقم الدفعة وخرجت من مصنعها امتى ودخلت مصر امتى......انا عربيتى خرجت من مصنعها 26 /12/2009 وخدت افراج جمركى 24/6/2010 كل ده شفته فى الورق فانت لازم تشوف الورق ده وانا بصراحة مشفتش اى حاجة لا من البطارية ولا الكاوتش ولا الكلام الغريب اللى بسمعه ده كله زى الفل وبعدين دة كده زيها زى اى عربية 2010 يعنى .....توكل على الله ربنا يبارلك فيها
اولا الف مبروك يا سيد باشا علي الفرش .. واللون النبيتي من العربيه دي بيعقد برضه مع الكحلي والاسود .......بس اللانسر ميتركبش غير هاي لاين سبورت بأمانة.... وبعدين ميزة اللانسر او الياباني ككل .. لما بتجيبه من الزيرو وتصين في مواعيدك العربية من النادر انها تعمل حاجه غريبه او يحصل فيها عطل في الموتور الا لو كان عيب منك ودى حاجة انا لاحظتها ومهمة جدا في اختيارتي والمفروض الموتور بتاع العربيه دي بيوفر اكتر من ال1600 بتاع البومة عشان كدة اصدقك طبعا في كلامك عن البنزين ...... بس موضوع الباور دة انتو متأكدين انه كهربا ؟؟
اه ىاباشا الباور كهربه