كنت عاوز اعرف اية هوة فيوز جوان المنافولد واية هية لزمتة وسعرة اية ؟؟
عرض للطباعة
كنت عاوز اعرف اية هوة فيوز جوان المنافولد واية هية لزمتة وسعرة اية ؟؟
اول مرة اسمع مصطلح ( فيوز جوان ) برجاء التوضيح اكثر لكي نستطيع افادتك ونستفيد منك
اللى انا اعرفة انه مش غالى بحوالى 10 جنية
الفيوز ده كهربى وبيستخدم للحمايه
الجوان ده بيبقى كاوتش وأو كرتون (ورق مقوى او حاجات شبه كده) لتوصيل قطعتين ميكانكيتين ببعض (ثابتين مش متحركيين)
إيه بقى علاقتهم ببعض
اصل انا قبل كدة روحت التوكيل بتاع دايو كنت بصلح العربية هناك وكتبولى من ضمن الحاجات اللى عاوزة تتصلح حاجة اسمها فيوز جوان المنافولد بس شكلها كدة اسمة جوان المنافولد بس ممكن يكون غلطة فى الورقة الى كانت مكتوبة فا كنت عاوز اعرف بس هوة اية الجوان دة بالظبط
الجوان ده زي ما شرحتلك كده والمنافولد جزء من الشكمان الي بيتقال عليه الفرن بالعربي تقريبا (مش متأكد من المصطلح العربي)
http://www.caradvice.com.au/wp-........6/manifold.jpg
المانيفولد ملوش علاقه بالشكمان .... و الفرن ده حاجه تانيه غير المانيفولد ....
المانيفولد غالبا ما بيكون خلف الموتور .... و ده عباره عن المواسير الى بتوصل الهواء و البنزين الى الموتور .... و المانيفولد غالبا ما هتلاقيه متوصل بفلتر الهواء بواسطة خرطوم ... الخرطوم ده بيوصل بجزء من المانيفولد اسمه البوابه ... و ده الجزء الى بيتحكم فى كمية الهواء المطلوبه للموتور .... و ده عن طريق دواسة البنزين .... ايوه دواسه البنزين كل الى بتعمله انها بتحدد كميه الهواء الى داخله للموتور ... و على اساسها الكمبيوتر بيحسب قد ايه هيضخ بنزين جوه الموتور و ده عن طريق حساس ال tps ... الى بيقيس زاوية انفراج قرص البوابه و يبعتها للكمبيوتر .....
المانيفولد كمان بيركب فيه الرشاشات فى الانوس و جهاز ال egr .....
اما الفرن غالبا ما بيكون امام الموتور و غالبا ما هتلاقيه متغطى بصاجه مرسوم عليها يد و عليها علامه ممنوع .... يعنى ممنوع اللمس .. و ده لانه بيكون سخن جدا من شدة سخونة الغازات الخارجه من غرف الاحتراق فى الموتور ... و تحت الصاجه ديه فى مواسير على قد عدد غرف الاحتراق ... و واصله كلها فى بعضها على الشكمان .... و فى الفرن هتلاقى حساس الاكسجين ... و ده بيقيس نسبة الاكسجين فى العادم عشان يحدد جودة الاحتراق و بيبعت الاشاره للكمبيوتر علشان يحدد ان كان يقدم و لا يأخر كهربة الموتور عشان جودة الاحتراق تزيد و بالتالى كفاءة الموتور تزيد ....
وده بإختصار شرح لكل من المانيفولد و الفرن و اتمنى انى اكون افادتكم ...
و الله اعلم ...
تمام بس فيه فرق بين ال air intake manifold
والexuhst manifold وأعتقد إنه قصده على ده لإن ده هو الي الجوانات فيه بتبوظ من كتر الحرارة لكن بتاع الintake مفيهوش حرارة عاليه قوي تبوظ الجوان