الموضوع: Iphone 4 للبيع مفيهوش خدش واحد

امس جالي اكتر من 10 تليفونات مختلفة وكلهم جم في اوقات ورا بعض

غلطة مني اني محتفظتش بارقام الموبايلات لأن معظم الناس كانت بتفاصل من أجل الفصال ولو لتنزيل 40 او 50 جنيه من ثمنه

ناس اعزاء كانوا بينزلوا في سعر الموبايل 300 جنيه

اعلنتها على المنتدى اني متمسك بالسعر بتاعي وقلت اني تاجر خايب مبيعرفش يضحك على الناس

أخ عزيز كان في الاقصر وطلب مني اخلي الموبايل لآخر الاسبوع
أخ آخر طلب مني انه يجيلي العيادة وفعلا جالي وشاف الموبايل وقرر ياخده بس مكانش معاه فلوس وقتها والموبايل كان عليه بياناتي لسه
أخ عزيز والده كلمني وواحتراما لسنه طلب مني اني اوديله الموبايل للزمالك (او المهندسين مش فاكر) بس انا ميح في الجيزه او طلب اني اقابله في وسط البلد ووقتي لا يسمح لذلك ووعدته ببحث الموضوع

المهم في طريق الرجوع الساعة 11 بالليل طلعت على كبير مهندسي الايفون في المنتدى

مسحنا الايفون وفكيناه Unlock و Jailbreak

في طريق العودة للرحاب الساعة الواحده صباحا وجدت اتصالا من المهندس العزيز محمد عمر انه جاي لي الرحاب (دلوقتي)
الراجل وصل الرحاب 2 بالليل بعد ميعاد الحظر لدرجة انه معرفش يدخل من البوابات لانها كانت اتقفلت
دخلته الرحاب من البوابة الرئيسية واخد الموبايل مني في 5 دقائق لدرجة اننا ملحقناش نقعد مع بعض ونتعرف

اعتذر لكل من طلبوا مني الموبايل واذكرهم انه لم يصدر مني وعد قاطع لاي فرد منهم ببيع الموبايل لهم تحديدا خصوصا عدم معرفتي الشخصية لاي اخ عزيز اتصل

والمهم انه راح لصاحب نصيبه ربنا يبارك له فيه

ويرزقهم باللي احسن منه إن شاء الله

واذكرهم بقول الرسول صلى الله عليه وسلم

"" البيعان بالخيار مالم يتفرقا ""

صدق رسول الله صلى الله عليه وسلم