YouTube - ‫ط§ط¹طھط°ط§ط± ط¯.ط.ط§ط²ظ… ط´ظˆظ…ط§ظ† ظ„ظ€ ط¯.ط§ظ„ط¨ط±ط§ط¯ط¹ظٹ - ظ‚ظ†ط§ط© ط§ظ„ط±ط.ظ…ط©‬‎
عرض للطباعة
هو دا دينا فعلا
شكرا ليه
مش هاعرف اشوف الفيديو دلوقت
بس عموما هو شيء يحترم , و اظن ان كل واحد مفروض ياخد باله لأن العين بقت عليه
بارك الله فيه
جزاك الله خيرا
والله بحبك في الله ياشيخ حازم
فين اللي كانوا بيقولوا ماله ده
اهدي ياعم شويه
هيا دي الطريقه بتاعت السلفيين
وحاجه قله ادب
هوا اسلوبه كده في الكلام
واللي يعرفه وبيسمعله حيعرف انه دي طريقته
انا كنت لما بييجي عالتلفزيون بقول ايه الي بيعمله ده مش طريقه دي
ولما سمعتله سلسله علي فين ياشباب
عرفت فعلا هوا بيزعق ليه وبيعمل كده ليه
هذا ما ندين به لله ... اذا أخطأنا اعترفنا بخطأنا
مينفعش تقول قلة ادب
طيب مهو انا بسمعله وعارف طريقته
بس واضح انه كان بيتكلم وهو مش عارف حاجه وبيشكك في اعراض ناس
وهو اول واحد مفروض يعمل بالايه (ان جاءكم فاسق بنبأ فتبينوا )
بصراحه لما سمعت الفيديو نزل من نظري كتير جدا
بس دلوقتي احترمته بس ياريت ياخد باله من اللي بيقوله
ملحوظه انا عن نفسي لم اخطيء في السلفيين
ومعرفش اي حد ممكن يغط فيهم ازاي
لأن معظمنا اساسا سلفيين مذهبا
الحمله المقامه ضد كل ما هو اسلامي سواء ضد الشيوخ او اي حاجه دي مسمهاش حاجه غير قله ادب
لما نهين علماء الامه يبقي دي قله ادب
لما نتريق عليهم يبقي اسمها قله ادب
انا معاك ان هما ساعات بيقولوا حاجات غلط
بس بيقولوا حاجات غلط في ايه؟
قال عالبرادعي ان بنته متزوجه من مسيحي ودي غلطه لانه المفروض لما يدخل عالنت يبحث كويس مش اي موقع كاتب اي حاجه ياخد منه وخلاص
احيانا كنت بسمع له كلام عن بعض مقاطع الفيديو اللي بيثبت بعدها انها ملفقه ومتركبه وهوا بياخد بيها في بعض دروسه علي سبيل الاستشهاد
دول الحاجات اللي انا ملاحظها شويه
انما علم ودين مقدرش اقول عليه حاجه
انما بقي اللي بيغلطوا في دينهم وشريعتهم ويقولك قال ايه عاوزينها حكم اسلامي ونمشي ينقبوا الستات بالعافيه ويضربوا المتبرجه
وقطعوا ودن فلان هنا وعذبوا ده هنا ويتريقوا علي ناس لمجرد انهم عاوزين يقيموا شرع الله
دي اسميها ايه غير قله ادب يادكتور عمرو
ليس فوق الحق شىء
و يا ريت كل واحد يغلط و يعرف الحقيقة لا يكابر و يسارع بالاعتذار
بارك الله فى د حازم
د. حازم كل إحترام لشخص حضرتك الكريم
فعلاً ما أشجع من أخطأ و إعترف بخطأه
وهل اعتذر عن تضليله المتعمد للناس بادعاءه أن الدولة المدنية معناها "إن أمك تمشي من غير حجاب" وأن الليبرالية معناها "إن ما يبقاش فيه فرق بين الراجل والست وممنوع الرجولة أصلاً" في نفس الفيديو الذي هاجم فيه البرادعي؟
شجاعة
اتمنى أن يحذو حذوه من أخطأ أو ظلم التيارات الاسلامية
وهل لو البرادعي لم تتيح له الفرصه أن يتحدث على شاشة التليفيزيون ويبرأ إبنته وإكتفى بالدعاء إلى الله أن ينتقم من الذين خاضوا في عرضه وإكتفينا نحن بكلام شومان وغيره ما موقفنا أمام الله يوم الدين يوم الحساب ها أقول يارب الإعلام المُضلل كان السبب ؟
لو سأله أشرف الخلق لماذا إستخدمت منبري في نشر الشائعات هايقوله الإعلام المُضلل يا رسول الله؟
فين الجمل و ليه مطلعش يعتذر
" لا اقصد الجمل بتاع المنتدى "
و اللى اعتذر برضه مش عاجب !!
الشيخ حازم شومان يعتذر للبرادعي باسمه وباسم كل من ردد الاتهامات والتجريح للبرادعي (في اشارة الى قوله ان ابنة البرادعي متزوجة كافر) وقال ما معناه "انا اصدقه لاننا نحن عانينا من تشويه الاعلام لنا "
هذا الموضوع ليس دعاية للبرادعي فانا سانتخبه ولكني واثق مليون في المية انه لن يفوز ولكن سانتخبه لاسجل موقف يرضي ضميري
سؤال جانبي
ما الثواب الشرعي لابنتة البرادعي كونها كانت سبب في دخول انسان في دين الله الاسلام ؟
YouTube - ‫ط§ظ„ط´ظٹط® ط.ط§ط²ظ… ط´ظˆظ…ط§ظ† ظٹط¹طھط°ط± ظ„ظ„ط¨ط±ط§ط¯ط¹ظٹ‬‎
ياراجل ياطيب والله أفتكرتك بتمدح في أخلاق الشيخ حازم لعدم المكابرة ورجوعه للحق وأعتذاره عن تسرعه بالحكم رغم عدم تأكده من صحة المعلومة
مع الاحترام لفضيلة الشيخ .. يعني بعدما رسخ في أذهان الناس معلومة خاطئة ييجي يعتذر عنها؟ الاعتذار شجاعة محمودة، ولكني أراها جاءت في إطار تسويقي لأفكار الجماعة السلفية .. يعني استفادوا بقذفه واستفادوا بالاعتذار عما اقترفوه.
لا حول ولا قوة الا بالله ..
الاعتذار غير كافي المفروض يتجلد 80 جلده اذا اراد ان يطبق شرع الله على نفسه
ولا هو كلام وبس ؟!!!
حد معترض ؟
والمفروض يعتذر عن المغالطات الاخرى الكثيرة وقلة علمة بالمصطلحات السياسية مثل "دولة مدنية يعني امه ماتلبسش حجاب" على اساس لو كانت دولة عسكرية يبقى تلبس حجاب
وياريت الشيوخ طالما قرروا يقتحموا السياسة ان يدرسوا السياسة
وكل واحد منهم قبل ما يتكلم في السياسة يفهم السياسة الاول
والافضل يتركوا السياسة للسياسيين ويتفرغوا للدعوة ويامروا بالمعروف وينهوا عن المنكر بعد البينة
ده المثال الواضح لما نقول بلاش ندخل الدين في السياسة
الدين ثابت مقدس والسياسة متغير دنيوي لايستويان في الخلط
جزاه الله خيرا
حازم شومان ماقلش فى الفيديو غير ... لو فى خبر لازم نتأكد منه ... و الراجل طلع أنكر بنفسه ... و انا نيابة عن كل شخص قال كده بعتذر ...
الاخ SkyBird
لو جلدنا شومان 80 جلدة...التيار المضاد اللي يبدو ان حضرتك بتؤيده مش هايلاحق على الجلد
على فكرة:
أنا ايضا هاكون مضطر انتخب البرادعي لو كان المرشحين من عينة بثينة كامل أو حمدين صباحي
و اطمئن...سيفوز لأن منافسيه ضعفاء جدا
أنا مش فاهم لحد دلوقتي بعض الناس عايزة الشيوخ تعمل ايه
اتكلموا يقولولهم خليكوا في الدين وابعدوا عن السياسة ، خلوا السياسة لأهلها
ما اتكلموش يقولولهم وانتوا كنتوا فين وفين مشاركتكم
الشيخ اتكلم وأخطأ (وده وارد والله العظيم) هيقيموا عليه الحد ، ولو اعتذر يقولك مش عارف ايه
طب الشيوخ تعمل ايه علشان الناس اللي مش عاجبها تستريح؟؟؟
الاخ SkyBird
الدين يدخل في اي شئ لانه هو الضابط له
ويجب ان تنضبط السياسة بالمعايير الشرعية فعلي سبيل المثال سياسية من غير ضوابط شرعية قد تبيح الاجهاض والشذوذ من باب الحريات لكي ترضي الغرب
اما عن مقولة الشيخ ان الدولة المدنية قد تؤدي الي الغاء الجحاب ، فهذا قد يحدث فعلا علي المدي الطويل بعد عدة اجيال ان كانت تلك الدولة المدنية نسخة من مفهوم الدولة المدنية في الغرب ممن تنحية الدين جانبا وهناك فعلا نموذجان في العالم الاسلامي ادي تطبيق الدولة المدنية فيهما الي نزع الحجاب وهما كمال اتاتتورك في تركيا وبن علي في تونس
الثقافة و الموضوعية كلمتين نسبيتين... تفرق من شخص الى الاخر
مش لازم عشان رأيي مش عاجب حضرتك..ان أنا مش مثقف و مش موضوعي
والا ده معناه ان اللي موافق على ترشيح بثينة كامل يعتبرك مش مثقف و مش موضوعي في وجهة نظره لو انت مش موافق على ترشيحها...والا حضرتك موافق؟؟؟
ما شاء الله
هو ده الحق
ان يعرف الانسان خطؤه و يعتذر
الف شكر د/ حازم
ما شاء الله هو ده التطبيق الفعلي للدين
ما شاء الله
الاخ الكريم
هدي نفسك شويه ممكن ؟
و صلي علي النبي عليه الصلاه و السلام
استأذن حضرتك اعقب علي كلام حضرتك ممكن ؟
بص يا اخي العزيز
انت بتقول يتجلد 80 جلده
حضرتك عارف امتي يطبق هذا الحد ؟ و لا مش عارف؟؟!!!!!
يا ريت تراجع الحد ده يطبق امتي و كيف
ثانيا ليا تعقيب علي حكايه الدوله المدنيه
حضرتك باين ان حضرتك دارس علوم سياسيه
و من منطلق الدراسه احب اذكر حضرتك ان تعريف الدوله المدنيه في المختصر يعني دوله يعود التشريع اليها الي الشعب بحيث ان لا تنتمي الي اي فكر ديني تشريعي-اي بمعني اصح دوله لا دينيه
و بمعني اصح هيمنع فيها الحجاب علي سبيل المثال لانه هيخالف الدوله المدنيه
ليه؟
علشان دي هتخالف مصادر التشريع المدني المبني عليه الحكم
بمعني ان ساعتها مفيش نص تشريعي مدني ينص علي موضوع الحجاب
بالاضافه الي انه ظاهره من ظواهر التفرقه العرقيه المبنيه علي اساس مذهبي
و ده طبعا عارف ان حضرتك تعلمه كويس بس انا حبيت اذكر حضرتك
و حكايه يتركوا السياسه للسياسين دي انا مش مقتنع بيها مع احترامي لحضرتك
متزعلش مني
بس مش حكايه ان المتدينين يبعدوا عن السياسه و يخليهم في الدعوه دي عامله زي
فصل الدين عن السياسه و فصل السياسه عن الدين ؟
تقريبا زيها
بلالضافه انا شايف ان لما طائفه دينيه معتدله تشارك في الحياه السياسيه ده هيثريها باشياء كتير حلوة
و معاني كتير كويسه
و لا تنسي ان عهد الصحاب و حتي الصالحين من الحكام ممن اتي بعدهم كان بيتحلي بالقدر الديني الذي ساروا عليه الصحابه الكرام
و لك في صلاح الدين الايوبي المثل
حاكم عادل و نزيه و متفتح
و في نفس الوقت كان ليه قاعده دينيه
في النهايه اخي الكريم
اتمني ان كلامي ميكنش ضايق حضرتك
و انا سعيد بالحوار مع حضرتك
الى الدكتور شومان
روي عن السيدة عائشة رضي اللّه عنها قالت، قال رسول اللّه صلى اللّه عليه وسلم لأصحابه: "أي الربا أربى عند اللّه؟ قالوا: اللّه ورسوله أعلم، قال: "أربى الربا عند اللّه استحلال عرض امرئ مسلم" ثم قرأ قوله تعالى (( والذين يؤذون المؤمنين والمؤمنات بغير ما اكتسبوا فقد احتملوا بهتاناً وإثماً مبيناً ))
هذا لمن يؤذى المؤمنين بغير ما اكتسبوا فما بالنا بمن رمى انسان مسلم بتهمة الكفر بهتانا و لا تكن الحجة له فى مثل هذه التهم هى الاعلام المضلل
فكان من الاولى ان يتصل بالرجل و ابنته ليتبين الحقيقة قبل اطلاق هذه التهم و هذا هو شرع الله و فى عصرنا هذا من السهل انك ترفع سماعة تليفون لتتبين الحقيقة
اما عن هذا الاعتذار و الذى به بعض الكبر حيث انه يقول بالنيابة عن كل من ردد هذا الكلام و اعتقد انه من الاولى ان قال انا اعتذر و نادم على رمى الرجل و ابنته بالباطل و انه يجب عليه ان يذهب الى الرجل و ابنته و يعتذر لهم عن ما اقترفه فى حقهما ,هكذا هى اداب الاعتذار و التوبة التى تعلمناها من ديننا
* ثم اين الاعتذار عن باقى الكلام الذى ردد من ان الدولة المدنية يعني الام ماتلبسش حجاب و نسى ان الاصل فى الاسلام ان الدولة مدنية اما ترديد البعض انه فى بعض الدول رفضوا ارتداء المرأة للحجاب فالقول لهم بأنه لا يمكن القياس عليهم لان تطبيق نظام الدولة المدنية يختلف بأختلاف البشر و طباعهم و اخلاقهم و التدين موجود بالشعب المصرى بمسلميه و اقباطه و لذا لا يجب المبالغة فى الخوف من مدنية الدولة
* نقطة اخيرة ارجو من بعض الدعاة ان يبتعدوا عن السياسة و الا يخلطوا بينها و بين الدين لانهم اذا تحدثوا فى السياسة يتحدثوا جهلا و اليكم المثال فى اقوال د/حازم شومان و الذى ردد اكاذيب عن الدولة المدنية
و اليكم ايضا ما يثبت جهله بأمور السياسة عندما ذكر ان النظام الانتخابى لانتخاب رئيس الولايات المتحدة قائم على ان الكونغرس و النواب يختاروا المرشحين ثم يطرحوهم للشعب للانتخاب و تباهيه بأن النظام هذا هو نموذج اسلامى
و لكنه لا يدرى ان النظام الانتخابى الامريكى قائم على الاقتراع غير المباشر و طريقة الترشيح تختلف تماما عما قاله حيث يتم اختيار المرشحين للرئاسة داخل الاحزاب المختلفة بالانتخاب بالاضافة الى بعض المستقلين و يتم انتخاب عدد من الناخبين ممثلين عن كل الولايات و يسموا electors و عددهم 539 و يتم عرض المرشحين عليهم و لابد للفائز بمنصب الرئاسة ان يحصل على 270 صوت
و بالتالى فكلام الدكتور شومان ليس له علاقة بما يجرى فى الواقع و لذلك اطالب رجال الدين بالابتعاد عن السياسة و لو مؤقتا حتى يتعلموها و يستطيعوا ان يتحدثوا فيها بشكل علمى و سليم بدلا من التحدث بالجهل مما قد ينتقص من قيمتهم و يسىئ الى شخوصهم الكريمة
كلام حضرتك غلط خالص. أولا الدولة اللي ترفض دخول الدين في السياسة هي الدولة العلمانية مش المدنية. بمعنى مثلا انك مينفعش تعمل قانون ضد الزنا أستنادا لحكم أي ديانة.
فيه دول علمانية كتير بتتعسف في موضوع فصل الدين عن الدولة الى حد محاربة مظاهر الدين زي ما كان بيحصل في تونس و زي ما بيحصل من محاربة فرنسا للحجاب. الكلام ده ضد الليبرالية تماما (اللي الناس فاكراها كفر) لأن الليبرالية تؤمن بالحريات الشخصية. يعني مثلا أمريكا علمانية أنما مفيش فيها رفض للمظاهر الدينية زي ما بيحصل في فرنسا, بالعكس فيه حرية كاملة لكل واحد انه يمارس شعائر عقيدته طالما لم يضر غيره.
الدول برة مش كلها علمانية زي ما فيه ناس فاكرة, فيه دول كتير في أوروبا دستورها بينص على ديانة رسمية زي أنجلترا و زي اليونان مثلا.
الدولة الدينية اللي الناس رافضاها هي الدولة الثيوقراطية اللي بيحكمها رجال الدين بأسم الرب. بمعنى ان كلامهم و أحكامهم مقدسة و لا يمكن مراجعتهم أو مخالفتهم و الا يبقى كافر و يقتل زي ما كان بيحصل في أوروبا و ده اللي خلاهم يلجأوا للعلمانية. الدولة الأسلامية هي دولة مدنية بالأساس تضمن حقوق المواطنة مع أخذ القوانين المنظمة من الشريعة الأسلامية و هو ده معنى المرجعية الأسلامية, انما ملهاش مرجعيات دينية كأشخاص زي الملالي في أيران الشيعية مثلا.
لو رجعنا للبرادعي, هو مش بينادي بالدولة العلمانية خالص بالعكس هو قال انه معندوش مشكلة مع المادة التانية طالما ضمنا حقوق الأقليات يعني لا حيقلع الستات الحجاب و لا حيقنن الشذوذ و لا الكلام الفارغ ده خاااااااااااااالص.