غاز خالص للبيع

**pher3oo** · 17-04-2011 11:39 AM

العربيه دوجان 1600 وانا فى القاهره انشاءالله والغاز مافيهوش اى مشاكل هى كل الحكايه انى انا شاريها كده ومش محتاجه فقلت بتمنه اقدر اعمل حاجه تانيه فى العربيه

**Elawany13** · 18-04-2011 10:14 AM

ياريت حد يفيدنا عن تكلفة نقل الاسطوانه من سيارة الى اخرى

**pher3oo** · 19-04-2011 11:19 AM

ايه يارجاله مافيش اى معلومات عن الموضوع دا ولا ايه

**abdo4422** · 19-04-2011 02:49 PM

هل فعلا نزل جهاز جديد بيحافظ علي السيارة وملهوش مشاكل زي الغاز القديم
لو سمحتم افيدون ي انا عندي اكسل 97 فهل لو قلبتها لغاز هتكون كويسة ولا هيبقي في مشاكل مستقبلا
وبكام تركيب الجهاز الجديد كاش او قسط

**magedtohami** · 20-04-2011 01:49 AM

الجهاز الجديد ب6000 كاش ومتخافش منه خالص مريح جدا ومبيتعبش العربية وسحبه احسن بكتييير

**pher3oo** · 20-04-2011 12:20 PM

طيب والقديم مابقاش مطلوب يعنى دلوقتى ولا ايه يعنى مالوش بيعه مافكرش ولا فى حد لسه بيشتريه حد يفدنا يارجالة نايل موتورز

**magedtohami** · 21-04-2011 12:52 AM

الجهاز القديم مطلوب طبعااااااااا بس انت محتاج طريقة تسويق ليه غير دي انا عن نفسي محتاجه لعربية اخويا انا مركب الجهاز القديم عندي هوا عيبه السحب وفكرة ان لو منظمتش تغيله هيقلل عمر المكنه بس مش بدرجه كبيرة ولا ملحوظه زي ماناس كتييييييييييييييييييييييي ير فاهمه وموفر جدا بانسبه للناس الي بتسافر والي مبتسافرش كمان انا عن نفسي بدرس فكرة اني اشتريه منك يعني لسه بفكر لو عاوز تبيعه بسرعه الميكانيكي بتاعك ممكن بسهوله يلاقيلك حد وانا عن نفسي ادام انت مستعجل كده هشوفلك اي تصريفه يانا اخده يا اشوفلك حد يشتريه بس قولي هوا شغال معاك كويس ولا في حاجه وعلى فكرة تقريبا هوا بيعمل فحدود 1000 كان في واحد فالمنتدى هنا عارضه على 900 واشأل برضوا عشان منبقاش بنبخس تمن الحاجه

**pher3oo** · 21-04-2011 10:36 AM

المشاركة الأصلية كتبت بواسطة magedtohami

الجهاز القديم مطلوب طبعااااااااا بس انت محتاج طريقة تسويق ليه غير دي انا عن نفسي محتاجه لعربية اخويا انا مركب الجهاز القديم عندي هوا عيبه السحب وفكرة ان لو منظمتش تغيله هيقلل عمر المكنه بس مش بدرجه كبيرة ولا ملحوظه زي ماناس كتييييييييييييييييييييييي ير فاهمه وموفر جدا بانسبه للناس الي بتسافر والي مبتسافرش كمان انا عن نفسي بدرس فكرة اني اشتريه منك يعني لسه بفكر لو عاوز تبيعه بسرعه الميكانيكي بتاعك ممكن بسهوله يلاقيلك حد وانا عن نفسي ادام انت مستعجل كده هشوفلك اي تصريفه يانا اخده يا اشوفلك حد يشتريه بس قولي هوا شغال معاك كويس ولا في حاجه وعلى فكرة تقريبا هوا بيعمل فحدود 1000 كان في واحد فالمنتدى هنا عارضه على 900 واشأل برضوا عشان منبقاش بنبخس تمن الحاجه

ياباشا اولا شكرا على ردك
ثانيا بقى لو انت عايزة والله والله ومن غير فلوس خالص مش هاتفرق يعنى انا كل اللى جهه فى بالى مادام انا استخدامى للعربيه مش كتير يبقى مش هاحتاجه وبتمنه لو جاب سعر كويس يعنى اقدر اعمل بيه مصلحه تانيه فى العربيه من كاوتش او جنوط او فرش للعربيه اى حاجه يعنى لان العربيه محتاجه مصاريف كتير لسه وبالنسبه للاسطوانه انا معرفش فى الموضوع دا اوى بس الاسطوانه اللى معايا كبيرة + ان مافيش اى مشاكل منه خالص بالعكس دا صاحبها قالى اوعى تفكر تبيعه علشان هايوفرلك جامد لكن انا حاسس انه هايكون تقل على العربيه وخلاص لانى مش هاتحرك كتير بيها ولا بسافر وشكرا لكل اللى ردو