الدينامو والمارش والتكييف

**wael6** · 03-04-2011 05:03 PM

السلام عليكم
عربيتي اكسيل 1500 مو 95 كربراتير
لسه عامل نص عمره ( شنبر وبساتم استاندرد ) وعندى خشونه فى الفتيس
روحت للميكانيكي عشان غياب دوارة العربيه بعد فصلها وهى سخنه
قعد ينضف الكربراتير و يظبط الاسبراتير وبرده مظبطتش معاه
وكان رايه ان المكنه بيدخلها هوا لما بتفصل عشان كده بتشرق
قالى عاوز اظبط تاكيهات (( لان البيه المحترم مكنش ظبط تاكيهات بعد العمره )) وقالى فى الصيف
وقالى هنحل الكربراتير ونعمله جوانات ؟ وكان بيشك فى المارش
والكهربائي اكدلى ان المارش سليم
نيجي للدينامو
عندى كتاوته خارجيه
ولما فصلها نور الطابلوه ثبت وزاد والرعشه راحت وطبعا مينفعش امشي من غير كتاوت للدينامو عشان البطارية متبوظش
وقالى ان الكتاوت ملهاش علاقه بخفتان النور او ضعفه وممكن يكون النور العالى والواطى عندك مش مظبوط مستواهم ع الارض فانت حاسس انهم ضعاف
خصوصا ان عندك كتاوت للفوانيس ومغيرين لمبات 260 وات
تعالالى بالليل اظبطلك مستوى النور الواطى والعالى ونقرر هل الفوانيس عاوزه تتغسل مثلا او فى شئ اخر ؟

بالنسبه للتكييف
قالى المشكله عندك مش تثليج انما مشكله ان الهوا اصلا بيدخل ضعيف من الهوايات
بيقولى المفروض قبل مات تشغل الكمبروسر ومشغل المراوح يخش هوا جامد والهو اللى داخل ضعيف؟
ونزود فريون ؟
اسف للاطاله
ولكم جزيل الشكر والامتنان

**eslamspirit** · 04-04-2011 09:40 AM

المشكلة الاولى اكبر احتمال ليها هى الموبينة لانها لنا بتسخن بتفصل و لازم تستني شوية علشان تبرد و بعد كدة تدور عادي

**wael6** · 04-04-2011 03:59 PM

المشاركة الأصلية كتبت بواسطة eslamspirit

المشكلة الاولى اكبر احتمال ليها هى الموبينة لانها لنا بتسخن بتفصل و لازم تستني شوية علشان تبرد و بعد كدة تدور عادي

شكرا جزيلا

روحت للميكانيكي النهارده
ظبط التاكيهات والحمد لله العربيه اتحسنت كتير( بقت بتدور على طول و هى سخنه او من تانى مره بالكتير )
والنتشه اللى ع التانى قلت كتيييييييير بس لسه هجربه تانى انا بحاول وانا ع الغيار الثانى اهدى سرعة العربيه خالص واطلع بالراحه عشان اشوف هتنتش ولا لا ؟
....*بس فى رعشه بسيطه فى الدركسيون وهى بارده ولما تسخن بتقل شويه ده من ايه ؟
فى جزء تحت الكربراتير اسمه المنفو اللى راكب فيه خط السخن بتاع التكييف
اولا خط السخن ملغى وسادين خراطيمه بخشب
بس المنفو نفسه بايش ودايب؟
هل فيه خطورة انه ينفس ميه ويأثر ع الموتور ولا ايه نظامه ده
انا ميهمنيش اشغل السخن بس قلقان يسرب ميه فى اى وقت ويعمل مشكله
ولو جيبت المنفو ده استيراد الغي برده السخن ولا اسيبه عادى وياترى تكلفته كام ؟

بالنسبه لكتاوت الدينامو ليها مقاس معين ولا اقوله على اسم العربيه وخلاص ؟

فعلا هوا المروحه ضعيف على السرعه 4

ولكم جزيل الشكر والامتنان

**wael6** · 06-04-2011 06:39 PM

السلام عليكم
ايه رايكم بقا فى مشكلة الدينامو ( كتاوته خارجي)
شحنه مظبوط والبطاريه كذلك
بس فى رعشه فى النور ولما بدوس بنزين بثبت ويزيد
الكهربائي وكثير غيره قالى كتاوت
غير النهارده 2 كتاوت ومظبطوش برده وقالى هيضيعه الرعشه وهيبوظوا الشحن
فشالهم وقالى هاتلك دينامو جديد احسن يكون كتاوته داخلى
ملحوظه العربيه كانت بنتش فى الاول والتانى روحت للميكانيكي فعلى كهربة المكنه الرعشه تعتبر شبه مختفيه بس فى رعشه فى الموتور نفسه ع السلانسيه
هو السلانسيه خلاف كهربة المكنه ولا الاتنين واحد
اصل السلانسيه وهى بارده مابين الشرط الثانيه والثالثه تحت 1 rpm
ولما بتسخن بترفع الى قرب 1
rpm
ويوجد رعشه فى الدركسيون والموتور وهى بارده
بعد كل ده هل يوجد علاقه بين رعشة الانوار وكهربة المكنه والسلانسيه؟
اسف ع الاطاله
ونرجو التوضيح القيم منكم اعزائي الكريم
وشكرا جزيلا

**abo_kanze** · 09-04-2011 03:37 PM

حضرتك لو انت بتزود البنزين النور بيثبت , يعني اعربيه عايزه تعلي شويه السلانسيه يعني,او تتظبط هوا,

ولو عايز شغل كهربائي نضيف انا اعرف واحد استاذ وعنده ضمير .

**wael6** · 09-04-2011 10:40 PM

المشاركة الأصلية كتبت بواسطة abo_kanze

حضرتك لو انت بتزود البنزين النور بيثبت , يعني اعربيه عايزه تعلي شويه السلانسيه يعني,او تتظبط هوا,

ولو عايز شغل كهربائي نضيف انا اعرف واحد استاذ وعنده ضمير .

شكرا جزيلا
لكنى للاسف من المنصورة