motor flush.....?

**singer2005** · 03-04-2011 08:28 PM

ماهو motor flush?
وما الفائدة من استخدامه؟
وسعره كام ؟
ومكان البيع؟
مع العلم العربيه لانوس 2003 عامله 125 الف كليو

**ehabomar1987** · 03-04-2011 09:00 PM

متابع باهتمام

**fosfos010** · 03-04-2011 11:06 PM

انا اشتريت نوع بى 30 جنيها ماركة gunk وليسة مجربتوش

**kar!m** · 03-04-2011 11:28 PM

المشاركة الأصلية كتبت بواسطة fosfos010

انا اشتريت نوع بى 30 جنيها ماركة gunk وليسة مجربتوش

أنا كمان اشتريته و لسه حاطه امبارح .. كنت بغير زيت و حطيتة قبل ما أغير الزيت و دورت العربية لمدة 5 دقايق و بعدين بطلت و مكتوب تحذير بخط كابيتال "اوعى تمشى بالعربية "وبعدين نزلت الزيت و هزيت العربية عشان أشيل أى أثر ليه و ركبت فلتر جديد و حطيت زيت جديد.

هو فايدتة انه بيشيل الرواسب اللى فى الموتور من جوه .. و ينزلها مع الزيت .. و مكتوب كمان ان لو عربيتك قديمة أوى .. المفروض بعد ما تحطه تفك كارتيرة الزيت و تنضفها.

أنا حطيط تلت أو نص العلبة بس .. خفت بصراحه.

ملاحظتش فرق كبير .. الا انا لما كنت أكون ماشى على التانى بالراحه و أشيل رجلى من على الدواسه كانت العربية تنتش كده بسيط .. النتشة دى راحت.

بس أنا لسه حاطه امبارح .. لو فى جديد هقول لكم.

**kar!m** · 03-04-2011 11:41 PM

على فكرة أنا جبتة ب 26 جنية و نص من بنزينة شل اللى جنب مسجد نورى خطاب.

**fosfos010** · 04-04-2011 12:46 AM

المشاركة الأصلية كتبت بواسطة kareemz

أنا كمان اشتريته و لسه حاطه امبارح .. كنت بغير زيت و حطيتة قبل ما أغير الزيت و دورت العربية لمدة 5 دقايق و بعدين بطلت و مكتوب تحذير بخط كابيتال "اوعى تمشى بالعربية "وبعدين نزلت الزيت و هزيت العربية عشان أشيل أى أثر ليه و ركبت فلتر جديد و حطيت زيت جديد.

هو فايدتة انه بيشيل الرواسب اللى فى الموتور من جوه .. و ينزلها مع الزيت .. و مكتوب كمان ان لو عربيتك قديمة أوى .. المفروض بعد ما تحطه تفك كارتيرة الزيت و تنضفها.

أنا حطيط تلت أو نص العلبة بس .. خفت بصراحه.

ملاحظتش فرق كبير .. الا انا لما كنت أكون ماشى على التانى بالراحه و أشيل رجلى من على الدواسه كانت العربية تنتش كده بسيط .. النتشة دى راحت.

بس أنا لسه حاطه امبارح .. لو فى جديد هقول لكم.

انا اشتريتة من بنزينة توتال الشيخ زايد
انت حطيت زيت اية عشان انا محتار ليسة فى النوع ؟

**elpasha1** · 04-04-2011 02:09 AM

يعنى انا بنزل الزيت القديم ...وبعدين احطة ... وبعدين انزل... وبعدين احط الزيت الجديد ؟؟؟؟

**singer2005** · 04-04-2011 05:57 AM

شكرا ....لسرعة الرد ...وجزاكم الله خير

**piezo** · 04-04-2011 06:02 AM

لا و الزيت القديم موجود تحط عليه المنظف و تسيب العربيه 5 دقائق دايره و بعد كده تطفي العربيه و تنزل الزيت و تحط زيت جديد وطبعا الفلتر الجديد

**haroun707** · 04-04-2011 06:49 AM

بص ياباشا الموضوع سهل جداً جداً

الفلوش ده وظيفته الأساسيه تنظيف وازله الزيوت المتراكمه فى جنبات الموتور واعلى الكامه والبساتم
وكل الاماكن اللى ممكن تتخيلها ولا تتخيلها وبيرجع الموتور لنظافته الداخليه

( كانه مغسول من الداخل )

بيتعمل ازاى بقى
حضرتك بتحطه مع الزيت القديم وانت واقف فى مكان تغيير الزيت

( بأكد تحطه بعد ماتوصل للمكان اللى حتغير الزيت فيه يعنى الميكانيكى او البنزينه )

وتدور العربيه لمدة خمس اللى سبع دقائق حسب التعليمات المكتوبه على العلبه

( بدون ما تتحرك بيها يعنى تدورها وهى واقفه فى مكانها )

وبعد كده بتبطل العربيه وتغير الزيت عادى جداً وطبعاً لازم تغير الفلتر مع الغيار ده

بس فى خطوة حقولك عليها بناء على الخبرة
بعد ما تنزل الزيت القديم وتفك الفلتر
( تفضى الفلتر من الزيت اللى موجود جواه كويس وتركبه تانى فى مكانه وتحط 1 كيلو زيت من نوع رخيص وتدور العربيه كام تدويره يعنى ( يعنى مارش وتبطل لمجرد ان الكيلو ده يلف جوه الموتور ويشيل اى بواقى للزيت القديم والمفلوش ) وبعد كده تنزل الزيت وتفك الفلتر القديم وترميه )

وتركب الفلتر الجديد وتحط الزيت الجديد ومبروك الموتور الجديد

نصيحه بقى مهمه جداً
الموضع ده ميتعملش الا فى حالات الضرورة القصوى ( يعنى انت شايف ان مهما بتغير الزيت وبيكون بردوا لونه غامق ومليان شوائب )
علشان الفلوش ده بيأثر شويه لواستعمل بصورة مفرطه لتأكل اجزاء الموتور
بس ده مش معناه انه وحش او بيعمل مشاكل لكن ده معناه انى استعمله مرتين بالكثير فى عمر الموتور

الموضوع: motor flush.....?

LinkBack

أدوات الموضوع

عرض

-

-

-

-

-

المواضيع المتشابهه

?? Engine Oil Flush

Motor Treatment / Flush

Motor Flush

Oil flush

flush oil !!!!

الكلمات الدلالية لهذا الموضوع

المفضلات

المفضلات

ضوابط المشاركة