النملة بتقرص :rolleyes:
وبعدين الزبادي ده كان زمان ايام الحاج كانتالوبه ... دلوقت بقي جيلاتي ... انت مش بقرأ جرايد والا ايه :D
عرض للطباعة
"نقول تور -ثور- يقولوا احلبوه" :d
بيرن في ودني كتير اليومين دول، بس دايما المديرين مقتنعين انه ممكن نحلب التيران .. حاجة تفلق :)
بعض الامثال
زمن الرجالة عدا وولي ، قوم يا ابني اغسلك حلة
ان كبر ابنك خاوية ، وان كبر ابوك تاويه :)
ياللي مخلفة البنات ياللي في الهم للممات
لما قالو دا ولد انشد حيلي وانسند ، ولما قالو دي بنية انهدت الحيطة عليا
ابن اسم الله مابيعيشي
اللي ماخادتوش القرعة تاخدة ام الشعور
اقلب القدرة علي فمها تطلع البنت لامها
اجسام البغال وعقول العصافير
صاحب بالين كداب
يامستنية السمنة من بطن النملة عمرك ماهاتشوفي التقلية
"مسير الحي يتلاقى" مثل جميل وشاعري جداً (لسة فاكره في الموضوع بتاع الذكريات وقلت اكتبه هنا)
تيتي تيتي زي ما رحتي زي ما جيتي
يموت المعلم ولا يتعلم
كل بروطين و العب فى الطين
أقرع و نزهى
ابوك بصل وامك توم تجيلك منين الريحة الحلو يامشئوم
افتكرلك ايه يابصلة كل عضة بدمعة
اقلب القدرة على فمها
الفول يقع منها
طالما مش عاجبك الامثال الحشراتي ... خد المثل النجاري ده ;)
اللوح قال للمسمار : انت فلقتني
رد عليه المسمار : لو كنت جربت الدق اللي علي دماغي كنت عذرتني
....
...
وبعدين اللي في الصورة ده محمود ابني ... مش محمود بنتي الأروبة :rolleyes:
بس كانو راسمينله الخزعبلات اللي علي وشه دي في جونية الحيوانات :eek:
عموما بشرة خير ... ربنا يرزقني ببنت ويبقي لك الحلاوه :D
"ضربوا الأعور على عينه .. قال: خسرانة خسرانة" مثل ظريف جداً وبليغ جدا جدا جدا !!
أنا لما كنت باسمعه كنت باقول هو ليه ماتكونش العين اللي انضربت هي العين السليمة؟! ليه المثل افترض إن الضربة جاءت في عينه المعطوبة؟! المثل -من بلاغته وحلاوته- بيرسم صورة سيريالية لأعور وهو بينضرب في عينه المعطوبة ويقول في لامبالاة "خسرانة خسرانة"، كلمتين وبس يحملوا معاني عميقة وظريفة
وممكن يكون المقابل العربي له "لا يضير الشاةَ سلخُها بعد ذبحها" ده بقى ماكنتش بافهمه لأني ماكنتش عارف إن الفاعل للفعل "يضير" متأخر وهو "السلخ" ماكنتش فاهم أي حاجة خالص :)