أنا رايح بكرة إن شاء الله مركز الصفا علشان اظبط الكربراتير والعفشة وحابلغكم بالمستجدات لما أرجع
عرض للطباعة
أنا رايح بكرة إن شاء الله مركز الصفا علشان اظبط الكربراتير والعفشة وحابلغكم بالمستجدات لما أرجع
هو الأستاذ Tawfic كان عارضها على 40 بس كعادة الشعب المصرى لازم نفاصل فى أى حاجة .. فأخدتها منه على 39 :)
هى عاملة حاجة و 30 ألف كيلو لحد دلوقتى بس لسه معملتش فيها أى حاجة من ساعة ما اخدتها منه وده علشان اهتمامه بيها :) .. بس انا همشى بيها شوية صغيرين كمان كده واعمل طقم سرفيس يعنى علشان برضه ابقى فى المضمون إن شاء الله.
وهى العربية حالتها بالظبط هجيبها من الإعلان اللى كان الاستاذ tawfic عمله هنا فى قسم البيع ولما شوفتها لقيتها زى ماهى مكتوبة :)
1-ماركة السيارة - سايبا برايد ( ايرانى)
2-الموديل/السنة - 2009
3-عدد الكيلومترات -35000 الف ( العداد العالى 14000 وكان تم تغير العداد السابق عند 21000 فى التوكيل وذالك لاحتراقه وذالك للامانه )
4- نوع ناقل الحركة ( مانيوال - أوتوماتيك - ستيبترونيك ) - مانيول
5-لون السيارة - احمر
6-الكماليات (كاسيت-تكييف-زجاج كهرباء-باور) - كاسيت كينوود-تكييف تحفه بجد -زجاج كهرباء امامى-باور -سنتر -انذار-ماكينه رفع-كاميرا ركن خلفيه-dvdشماسه - جنوط اسبور
7-حالة الصاج او الخوارج -- فبريكه بالكامل (إضافة منى مع طبعا بعض الخرابيش اللى مفيش عربية فى مصر بتسلم منها :) )
8-حالة الدواخل -- فبريكه بالكامل
9-حالة الصالون (معقول-جيد-جيد جدا - ممتاز- حالة نادرة) - ممتازه كانها زيرو ويوجد كسوه على الفرش الاصلى منذ شرائها
10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) -- ممتازه جدا
11-حالة البطارية -- بطاريه جديده منذ 3 شهور
12-حالة الكاوتش (جديد او مستعمل كام كم؟) -- الكاوتش منذ شرائها ويحتمل 10000 كيلو اخرى ( لاتوجد اى فرده ممسوحه)
13-السعر المبد ئي كام (هل قابل للتفاوض او نهائي) --- 40000 جنيه وعفوا غير قابل للتفاوض واعتقد ده سعر مناسب
14-اسم صاحب الاعلان ورقم هاتفة -- التواصل عن طريق هذه الصفحه
15-تاريخ انتهاء الرخصة؟ يناير 2012
16-اول يد او ثاني او ثالث ---- اول يد
17-امكانية البيع بتوكيل او اشتراط التسجيل --- شرط التسجيل
18-حالة الموتور-- ممتازه
19-مكان المعاينة -- الهرم
20- سعة المحرك اللترية و عدد السلندرات -- 1300 cc
الحمد لله عملت شوية صيانات النهاردة ظبطت العربية وحاقولكم على التفاصيل بكرة إن شاء الله
بص على الموضوع ده يا جميل
http://www.nilemotors.net/Nile/223131-a.html
من مدة وأنا بعانى من مشكلة الكربراتير اللى كنت قلتلكم عليها بسبب ميكانيكى ابن حلال ، المهم بقالى مدة سامع عن مركز الصفا لصيانة الكاربراتيرات فنويت انى اروحلهم وفعلا عرفت انهم بيفتحوا من 10 فكنت عندهم من 9:45 الراجل ادالى ورقة اكتب فيها المشاكل اللى بتقابلنى فكتبت عن استهلاك البنزين الزيادة والدخنة السودة من الشكمان والسحب الوحش والرجرجة لما ببقى واقف وتقطيع على الغيار التانى فقالى ده فعلا كله من الكربراتير وقلتله على الصيانة اللى عملتها قبل كده للكربراتير وبعد ما كشف على العربية قالى انه لازم يحل الكربراتير لأن فيه حاجات من اللى اتغيرت مش مظبوطة فعاملة المشاكل دى قلتله توكل على الله واستغرق الموضوع بتاع ساعتين ونص بعد لما رجعلى الكربراتير قلتله غيرلى البوجيهات بالمرة فجابلى طقم ngk وراح مركب جهاز كده فى الشكمان يقيس بيه استهلاك البنزين وعلى اساس قراءة الجهاز كان عمال يظبط هوا الكربراتير وبعد ما خلص قالى نطلع بالعربية نجربها تجربة ... عايز اقلكم انى حسيت بفرق السنين فى العربية نعومة ايه وسحب ايه ومفيش تقطيع يادوب كان فيه تسقيف بيحصل على الغيار التانى الراجل ظبطه لما رجعنا المركز تانى ، فاضل بس انى اعمل تجربة لاستهلاك البنزين لأن بناء على كلام الراجل العربية المفروض تسحب دلوقتى من 5 إلى 6 لتر بالكتير فى ال 100 كيلو
بس للاسف الحلو مايكملش جيت بقى علشان احاسب صدمت بان مبلغ الصيانة 180 جنيه :( .... قلت يا واد طنش خالص ادفع زيادة فى سبيل ان العربية تتظبط بدل ما ادوخ ورا كذا صنايعى مجموع حسابهم حايجيب مبلغ اكتر من كده .... المفروض انى اروحلهم كشف مجانى كمان اسبوعين علشان اطمن ان كل حاجة تمام.
طلعت من المركز لقيت فى وشى بنزينة كالتيكس روحت داخل سائل إذا كان فيه تنضيف ريداتير قالولى فيه ، لانى لاحظت الريداتير عندى فيه صدا والقربة نفسها كنت لسه منضفها بنفسى من شهر وحطيت ميا عادية لقيتها بقى فيها ميا مهببة وكمان كنت عايز احط ميا خضرا لان مؤشر الحرارة فى العربية كان بيعدى النص مع الميا العادية المهم عملية الغسيل اخدت حوالى نص ساعة نزلت فيها صدى قد كده ولقيت ميا خضرا مصرى ب 25 جنيه وسعودى ب 35 جنيه بس تحسهم مش قد كده روحت اشتريت جركنين ميا خضرا نوع امريكى الجركن لتر وب 20 جنيه لونه اخضر غامق قوى ودرجة لزوجته عالية وزودت الباقى ميا ، الغسيل عمل 25 جنيه و40 جنيه ميا خضرا يبقى كله 65 جنيه
طلعت من عنده بتاع الريداتير دخلت على ظبط الزوايا كله فى نفس المحطة حط العربية على الكمبيوتر وقالى شكلك خدت مطب جامد قلتله اه فعلا قالى عندك مش عارف ترحيل فى العجلة الشمال مش فاكر كام سنتى ومحتاج كمان يعملى زرجينة ومش فاكر ايه تانى اصلى كنت خلاص هنجت من الوقفة والشمس فنص الكلام وقع منى المهم أنا كنت خلاص فلست فقلتله ظبطلى الترحيل والزويا ورصص وربط على العفشة وحابقى اجيلك تانى اكمل الباقى .... الراجل خلص فعلا ودفعت 25 ظبط زوايا و20 ترصيص وكانت الساعة جابت 5 وكنت مستوى على الاخر
النتيجة بعد الكلام ده العربية سحبها وادائها بقى احسن مؤشر الحرارة كان يادوب معدى الشرطة الحمرا اللى فى الأول العربية مابقاش فيها رجرجة من بعد ال 100 ولا بقت بتحدف يمين أو شمال وطبعا جيبى ماكنش فيه غير 5 جنيه!!!
الله يبارك فيك يا أبو حميد
أنا كده اعتبر عملت حاجات خفافى فى العفشة مش شغل جامد.
بالنسبة لمركز الصفا لما سألتهم عن موضوع العفشة عرفت انهم عندهم ميكانيكى شغال فى ميكانيكا وعفشة بس بسبب المبلغ اللى دفعته فى تصليح الكربراتير كنت مقلق ادخل نفسى فى تكلفة مش حاقدر عليها غير ان المركز كان على الساعة 2 بقى زحمة جدا وكنت حاطول عقبال ما يفضالى ، فممكن إن شاء الله لما اروح زيارة الكشف اخليه يبصلى عليه من بدرى .
اما عن البنزينة فبينى وبينك انا لا اثق فى كلام صنايعية البنزينات يعنى هما اخرهم حاجات خفافى انما الشغل التقيل بلاش منه عندهم علشان كده أنا سمعت من الراجل ونيمته وناوى اظبط العفشة عند حد فاهم ، أنا اصلى استويت من عك الصنايعية وكلفونى كتير بسبب فتيهم .