شكرا على الاهتمام بس احب الفت نظرك لحاجة لما التكييف بيشتغل مروحة الراديتر هى اللى بتشتغل وبتقوم بوظيفة تبريد السربانتينة وانا مش عارف الكلام ده صح ولا غلط .
عرض للطباعة
شكرا على الاهتمام بس احب الفت نظرك لحاجة لما التكييف بيشتغل مروحة الراديتر هى اللى بتشتغل وبتقوم بوظيفة تبريد السربانتينة وانا مش عارف الكلام ده صح ولا غلط .
تفتكر انا معنديش مروحة للتكييف او ممكن تكون مش موجودة وياترى ينفع اركب واحدة ولا لا وياريت لو عندك حل لمشكلة اكلان البنزين اللى انا ذكرتها فيما سبق
ايوة يا باشا لو مافيش مروحة على السربنتينة اشترى واحده و بتاع التكييف يركبها هية بتركب من جوة على السربنتية و راعى ان حجمها يكون مناسب هات على اد المساحة المتوفرة عندك للتركيب فية نوع يابانى اسمة سي بل موجود عند اولاد عللام فى القاهرة فى ش جسر السويس قريب من المستشفى العسكري .
بص على السربنتينة عندك هاتلاقيها قدام الرادياتير و اكبر منة ضعف حجمة تقريبا لو فى مروحة هاتكون باينة جدا قدام او ورا المهم انها لازقة فى السربنتينة
مشكلة زيادة استهلاك البنزين دية انا مش قادر احكم عليها علشان هية عندى بردو لو فيه حد من الاخوة الافاضل هنا اللى كان عندهم المشكلة دية و حلوها يا ريت يساعدونا
معلش يا استاذى و اللى الوالدة كانت مريضة و دخلنا فى موال مناظير و كدة و انا ما كنتش تقريبا بدخل هنا
انا بروح توكيل كيا اللى فى ابو رواش الصيانات بتتعمل مظبوطه فى الميعاد و اهم حاجة انة بيكشف على العربية كلها و لو حاجة محتاجة تتغير و مش موجودة بيقولك عليها فى التقرير فا انا بدور عليها اصلى عند الجندى و اركبها برة عادى مش هاقلك انهم توكيل سوبر و كدة بس انا عمرى ما مشيت من عندهم زعلان ولو فى حاجة او مشكلة تروح ترميلهم العربية فى وشهم ماهى بتاعتهم
هو بياخد كل موديلات كيا عادى جدا بس مش السايبا لازم تكون كيا كيا و لو مواظب عندة ليك صيانة كل 5000 كم مجانى
انا اى حاجة بيقول عليها فيها مشكلة بقولة ارميها و غير انا ما عنديش ادنى استعداد ان العربية تقف منى بسبب اهمال منى فى حقها.
اعذرنى والله ماخدتش بالى من ظرفك ، سلامة والدتك الف سلامة ويارب تكون صحتها بخير دلوقتى