لو عربيتك عاملة العداد ده فعلا وحالتها العامة كويسة يعنى مش محتاجة شغل كتير يبقى تعملها 27 ولو فيه زيادات زى سنتر وانذار وتكييف ممكن تلعب فى 28 أو 29 ... وربنا يوفقك فى بيعها
عرض للطباعة
ازيكم يا شباب وبجد الله ينور كان ليا استفسار
هل ممكن يتركب تكييف للكيا برايد العصفورة؟
وايه هى الانواع الجيدة وسعرها بالتركيب كام تقريبا؟
وايه تأثيرها على الموتور والسحب؟
وشكرا
ممكن طبعا وانا لسه شارى عربية برايد 99 سنتر وانزار وجنوط سبور بدون تكييف وبفكر اركبه بس معرفش مين يركبه وهيعرف يظبطه ولا لأ وبصراحة نفسة اضبط طقم الفيبر بتاع العربية لان معظمه بحالة سيئة جدا وربنا يكرم
فى حاجة تانية مكنة الفليشر سريعة اوى وهى علبة مربعه كده عايز اغيرها محدش يعرف بكام؟
ثانى حاجة عداد السرعة بيرمى جامد يعنى انا لو ماشى 70 ممكن يجيبلى 110 مش عارف ايه ده يعنى انا جبت وانا مروح ال160 بس طبعا هى اكيد كانت 120 مثلا ومسمعتش انزار السرعه خالص؟ هل يوجد حل؟
غيرت صليبتنين كوبلن داخلى الواحده ب 30 ج صينى
بلى عجل خلفى الواحده ب 30 ج
و قصيت حلقه من السوست عشان اهبط العربيه عشان كانت عاليه
فكلى قاعده الموتور الى عند القنطره و حشاهالى عشان كانت ضعيفه شويه
مصنعيه 100 ج فى الحرفيين
طلعت على الطريق بعدها و 150 و 160 و ولا كانى ماشى و العربيه انسيابيه مع الهوا جدا
حضرتك متأكد من العداد ده مش مزود وهى العربية 1100 ولا 1300؟
عشان انا لسه شارى العربية 1100 والعداد مخرف وبيرمى جامد يعنى وصل لل 160 وال rpm معداش ال 4 :b4_048:
انا لسه معملتش اى صيانات بس فكيت فلتر الهواء لقيته اسود وفى بقايا زيت نظفته بالهواء والبوجيهات مبصتش عليها لسه تنصحوانى أغير ايه تانى بالمرة وياريت الاسعار لو تكرمتم؟
العداد شغال و عربيى السايبا 1300 انجكشن موديل 2006 ..انا كمان عاوز انظف الرشاشات عشان اقفل بيها العداد و اغير اسطوانه و ديسك عشان المكنه تبقى مرتاحه بس هيا بتجيب 160 بالعافيه ...ال 150 بجيبها عادى و دا بسبب الاسطوانه و البجوهات و فلتر الهوا و الرشاشات عاوز انظفها
السلام عليكم يا ملاك الكيا برايد سيدان انا اول مرة اكتب فى الكيا لانى لسة مجربها الاسبوع الى فات فقط ودى عربية زوجتى اصلا و انا معى كورولا جديدة و قبلها اوكتافيا و جيتا انا اخدتها بعد مشكلة البنزين الى مش متوفر و فوجئت بالاتى حوالى 10 ايام الان و استهلاك السيارة حلو جداجداجدا موفرة جدا يعنى ببنزين 80 يدوب نص التنك يعنى حوالى 15 جم فقط و التكيف مش عالى قوى بس مقبول جدا و الثبات لغاية 100 كويس بس عندى كام سووال انا مرايات الجنب عندى مكسورة حد يعرف بكام وو تتجاب منين و لو مش موجودة اية البديل و عندى مشكلة تانية ان الزجاج بيطلع ببطىء الامامى و هو كهرباء بجد انا اهنئكم على العربيى دى لانها ممتازة فعلا فى كل حاجة فى مصر موفرة اقتصادية بس عيبها الوحيد انها خشنة شوية
انا ياما شوفت ملاك برايد بتطلب اكتر من كده بس وقت البيع الفعلى محدش بيبيع بالارقام دى خالص ... أنا لسه واحد قريبى مشترى برايد من حوالى 6 شهور بالتكييف موديل 99 وعداد 76 الف ب 28.5 وأنا بعد ما اشتريت عربيتى واحد من اللى كنت موصيهم يدورولى على البرايد قالى لقيتلك واحدة 97 بتكييف وسنتر وانذار على 27.5 وكان عدادها اقل من 100 الف ... وازيدك من الشعر بيت أنا لسه بايع عربيتى الاسبوع ده على 25 الف
المرايا هتلاقيها استيراد فى الحرافيين اكيد بس عند مين بصراحه مش عارف اسم المحل بس انت لو سالت هناك هيدلوك....فيه فى الحرفين الى اعرفه الاستاذ بيبيع جديد
الزجاج هتروح لواحد بتاع ابواب يفكلك يكشفلك على المكنه و فى الغالب هتلاقى الموتور ضعف بتاع المكنه و غيره بمكنه يابانى و انساها
العربيه مش خشنه اطلاقا ...اكيد فى مشكله عندك ...يا ريت توصف و تحدد خشنه ازاى
بس انتعها فاميه وطقم جنط وزينون وعدة صوت حلوة واتفرج عليها :)
وحوش البرايد .. صباحكم زي الورد
بسألكم على كام حاجه
معايا برايد سايبا 2009 هي بتاعة أخويا وهو سافر بره بعد شرائها بأسبوعين فقط ، وكان اشتراها في شهر أغسطس 2010 ، وبالتالي اصبحت العربيه معايا .. طبعا لأنها مش بتاعتي فبيكون استخدامي للعربيه بمنتهى الحرص لدرجه ان في السنة دي ماكملتش لسه الـ 6000 كيلو
المهم هو راجع مصر قريب وطلب مني أركبلها إنذار والسينسور الخاص بالركن ده زائد وحدات رفع الزجاج .. المهم انا مش عارف أفضل الأنواع إيه .. ولو تنصحو بحاجه معينه ياريت حد يقولي .. كمان انا كنت سألت من فتره ع الانذار وحد قال ان البرايد الايراني بتحرق الانذار يعني مش بيعمر في العربيه دي فهل ده صحيح ولا كلام وبس
مع مراعاة اننا في المنيا وانا نازل القاهره اول الشهر بالعربية اخلص شغل خاص بيا واعمل الحاجات دي في العربية
كمان من اكتر من اسبوعين عملنا صيانة الـ 5000 في التوكيل .. مشواره محدوف اخر الدنيا بس استقبال الناس كويس والتوكيل موفر قدر كبير من قطع الغيار للعربية بس مش كل حاجه .. عموما العربية آدائها حلو قوي مينقصهاش حاجه بالمقارنه بفئات تاني ممكن تكون اغلى منها شوية .. التكييف حلو قوي .. السحب معقول جداً بس معدل البنزين حوالي 11 كم / لتر ع الطريق السريع مع سرعات من 100 الى 120 جوه البلد ما حسبتش كويس بس اعتقد ده معدل كتير على 1300 سي سي . ثباتها معقول قوي جريت بيها لغاية 150كم وكان الثبات مرضي وكنا فيها أنا وجوز اختي وتلات اطفال .. العزل مش قد كدا خصوصا لو بتجري جامد .. لو فاتح القزاز بتحس ان العربيه مش مستقره كويس او تحكمك فيها بيقل .. الباور بتاعها هايل ويخوف لو الطريق منحنيات بس حلو قوي في الركن بتبقى سهله جداً .
حبيت اقولكم على تقييم سريع للعربيه ، وأي استفسار تحت أمركم .
مستني مشورتكم .. صباحكم ورد
ألفي بشرى
السلام عليكم يا جماعة حد يعرف ازتى انظف الراديراتير لانى زهقت من التعامل مع الصنايعية و اية المواد المستخدمة فى تنظيفة وانا سمعت انة ممكن ينظف بالخل ودة صح ولا لا
ثانيا انا جربت انى انظف الكاربيراتير بالتنر و النتيجة هائلة جدا جدا جدا
سؤال يا شباب
هيا البرايد سيدان اخر الكوري موديل 99 و للا 2000 ؟
طيب و اللي بعد كده يعني مثلا 2004 و 2006 يبقى ايراني و لا مصري ؟
انا مش فاهم مكن حد يدلني ؟
و شكرا
ده اللى اعرفه وقلته فى اول الموضوع
بالنسبة للموديلات اللى نزلت مصر فأنا حقول اللى اعرفه ولو فيه حاجة غلط ياريت حد يصححلى
الهاتش باك موديلاتها من 96 لغاية 99 واغلبها 1100 سى سى 52 حصان بس فيه واحد اعرفه معاه واحدة 1300 سى سى 64 حصان ولما دورت عرفت انه كان فيه موديل نزل منها 1300 سى سى وده نادر وجوده فى مصر
بالنسبة للسيدان فهى 1300 سى سى وبتبدأ موديلاتها من 98 لغاية 99 تقفيل كورى وفيه موديلات من 2000 لغاية 2004 تقفيل مصرى وبرضو الشكل القديم بعد 2004 وحتى الان فيه الشكل الجديد وده ايرانى واسمها سابا ودى لسه بيتباع منها جديد لغاية دلوقتى
السلام عليكم
معلش ليا سؤال الاكسيل التوماتيك فيها مشاكل في الفتيس ويا تري هيا افضل ام كيا برايد مين انعم وعفشتها افضل
وهل ممكن اعمل كبوت عمولة للاكسيل وازود سمك الصاج بتاعه شوية وجزاكم الله خير
قولوهم يا مناور ;-) انا عن نفسف في الفترة الاخيرة بقيت اجري بعربيتي كتير لاني بقيت امشي مسافات طويلة والطريق بيكون شبه مفتوح قدامي.. النهارده كنت ماشي علي 140 واحنا كنا 5 في العربية 3 مننا مش من اصحاب الوزن الخفيف :-) وكنت مشغل التكييف والعربية كانت عاوزة تجيب تاني بس الطريق هو اللي قفل شوية :-)
بص يا سيدي... في الاول موضوع الانذار. ابقي ركز في حاجة مهمة جدا انك تجيب انذار بيفتح الشنطة لان الشنطة مالهاش مفتاح
وحكاية ان العربية بتحرق انذار ده موضوع مالوش اي اساس من الصحة دي تعتمد علي نوع الانذار نفسه
وبالنسبة. لموضوع البنزين اعتقد انه زيادة عندك شوية
اشهر انواع الانذار هى ولف وسباى وسيمفونى أنا قعدت اقارن بينهم واغلبهم زى بعض المهم مين اللى هيركبلك واحسن حد ممكن يركب هو توكيل الانذار نفسهاقتباس:
المهم هو راجع مصر قريب وطلب مني أركبلها إنذار والسينسور الخاص بالركن ده زائد وحدات رفع الزجاج .. المهم انا مش عارف أفضل الأنواع إيه .. ولو تنصحو بحاجه معينه ياريت حد يقولي .. كمان انا كنت سألت من فتره ع الانذار وحد قال ان البرايد الايراني بتحرق الانذار يعني مش بيعمر في العربيه دي فهل ده صحيح ولا كلام وبس
فاكر يا صواف لما قلتلكم فكرونى على حاجتين عملتهم بالعربية حاقولكم عليهم دلوقتى
الحاجة الأولى كنت على طريق مصر الاسماعيلية وكنا 5 فى العربية وكنت ماشى ما يعادل 20 كيلو على 140 ودى البرايد الهاتش باك 1100 فما بالكم بال 1300
الحاجة التانية ودى يا اما مش حاتصدقوها أو حاتشتمونى بسببها وهى انى خليت 9 يركبوا فيها مرة واحدة فيها ومشيت بيها مسافة حلوة والحمد لله العربية استحملت
فمستقلوش بالعربية دى حمالة قاسية ووقت الجد تشيل
بالنسبة لحكاية تشيل 9 دى ممكن لو ثنيت الكنبة الورانية والناس تقعد مقرفصة :d
بس والله هايلة اوى حكاية الكنبة اللى بتتثنى دى لو معاك شنطة سفر ولا حاجة بتبقى تحفه
-------------------
سؤال على جنب : اجيب منين مكنة الفليشر عشان اللى عندى بايظة وهل فيها انزار سرعة ولا لأ برايد 1100 هاتش مو99
انا 140 دى ... شايفها عادى ... انما 9 دى ... ازااااى يا مفترى :00020140: .. ركبتهم 9 ازاااى ... وقعدتهم فين :majd(4):
انا اكبر عدد شفته ركب فى عربية كان 8 بس مكانش معايا كان مع واحد صاحبى معاه 131 ... وكان راجع من لعب كورة ركب 2 جنبه قدام و4 ورا وكانو واخدين واحد نايم بالعرض على رجلهم ومطلع دماغه من الشباك D:
باشكرك على اهتمامك ..
أنا كنت شوفت في سبير كار حاجات بس مش فاكر وولف أو سباي .. هل هما مكان كويس ولا تنصح بحد تاني .
بالنسبة لفتح الشنطة .. مفتاحين العربيه اللي جايين معاها واحد منهم بريموت لإن هي فيها سنترلوك وبالتالي هو بيفتح الشنطة فهل لو ركبت انذاتر فيه خاصية فتح الشنطة مش هيكون متضارب مع عمل الريموت الأصلي .
لا سبير كار محترمين بشهادة الناس هنا فى المنتدى :)
وبعدين موضوع الريميوت الأصلى .. المفروض اصلا بعد الانذار هتلغى الريموت الأصلى علشان التضارب بينهم ... لو فتحت بالسنتر هتلاقى الانذار فضحك :) .. فاعتقد انه احسن انك تدور على انذار فيه زرار لفتح الشنطة هيبقى احسن بدل ما كل ما تعوز تفتح الشنطة تفتح العربية الأول ... وانا اللى عندى وبيفتح الشنطة كان Adrian
وده من محل ادريان بتاع الاكسسوارات
ويا سيدى لا شكر ولا حاجة :)