إن شاء الله مش حاتندم
عرض للطباعة
باقولكم يا شباب أنا عندى فوانيس العربية الامامى بقت ضعيفة جدا بسبب ان الباغة أو وش الفانوس البلاستيك بقى لونه اصفر قوى فكرت انى اشترى فانوس جديد بس لقيت فانوس الاشارات اللى كنت لسه جايبه من حوالى 3 شهور بقى لونه اصفر برضو بس اخف شوية فلو اشتريت فانوس جديد حايحصل نفس القصة ، جربت الحلول اللى من برا زى منظفات أو معجون سنان وغيره ومفيش نتائج مؤثرة يادوب حاجات بسيطة ، فحد يعرف إذا كان وش الفانوس ينفع يتفك ولا لأ ولو ينفع افكه ازاى ؟
كل اللى انت محتاجه انك تغير وش الفانوس الباغ بواحد زجاج - الجوز حوالى 30 جنيه - ميزه انه مبيصفرش ويمرر الاضائه افضل من الباغ
فك وتركيب الوش سهل ومش بياخد وقت الكهربائى هو اللى غيرهم فى عربيتى وبالمرة
زود كمان كتاوت تقويه (حوالى 25 او 30 جنيه التركى ) وهات لمبات 240 او 200 فى نوع كويس المانى المستورد بتاعه اسمه بدر شاهين (حوالى 30 او 40جنيه للجوز اضائه صفراء وليست بيضاء- الاصفر افضل من الابيض فى الرؤيه ليلا)
مصنعية تركيب الكتاوت متضمن الاسلاك وتغيير الوش حوالى 100 جنيه
اللى بقولك عليه ده بالظبط هو اللى انا شخصيا عملته فى عربيتى البرايد والنتيجه كانت مبهره
بالتوفيق
ربنا يجازيك خير
طيب أنا ممكن اعدى على التوفيقية النهاردة فى سكتى تعرف فيه حد معين بيبع وش الفانوس الزجاج ده ؟
ولا ارقام ولا حاجة الناس كانت نايمه عشان بتحضر لرمضان و كل سنه و انتم طيبين و البرابطه رجعت تشتعل مره اخري
والله بالنسبه للرجوع مش عارف امتي بالظبط و ربنا يسهل و العفشه ما عملتش فيها حاجة لانها عايزة يوم فاضي فيه من الاول و انا سافرت فجاة ف مالحقتش اعملها بس ان شاء الله اول ما ارجع هاتبقي دي من الاولويات
هزة ف الطاره مع السرعات عندما بعدي علي مطبات او تقر صغيره ف الطريق لكن سرعات طوالي علي العين السخنه 155 كم و ماكنش فيها هزة واحده بس العجل فعلا بيتاكل بسرعه و بطريقه رهيبه كانو بيسيح و انا حتي حطيت صور للكاوتش لانو جديد ما بقالو سنتين تلاته
يا ريت اسم الورشه او الصنيعي اللي فيها او تليفون او صوره ليها علي الجوجل مابس و معلش بنتعب سيادتك معانا
يا استاذ مناور انا كان عندي الحكايه و صلحتها في شهر 12 اللي فات ازاي ... هاقول لسيادتك ازاي
اولا ممكن الفانوس يبقي سليم و اللي فيه دا عايز وش نضافه بس من جوا الا لو حصرتك متاكد انو خلاص الشمس كلتو
انا كان عندي ضايع بمشي بالعالي و انا اصلا مركب كتاوت نور "جهاز مربع ضغير كدا بيقوي النور و بيتكتك لما النور بيشتغل" و ما كنتش بشوف حاجة المهم جبت فانوسين مش شارع دمشق من اول واحد علي الشمال هوا قالي ب 30 الفانوس كامل و من غير اللمبه و اعتقد اني خدتوا منو ب 25 المهم رحت للكهربائي شال و غير الفانوس كلو و علي فطره الفانوس جاي ب باغه ازار معتبره حتي لما سيادتك تجيبها و تخبط عليها هتلاقيها حديد ف مش هاياثر فيها حاجة ان شاء الله .... انا عندي صور للفانوس القديم و ممكن اخلي حد ف البيت يصور الفانوس بعد ما اتركب و هابعتهم لحضرتك لو عايز تتفرج عليهم...و اسف علي التطويل
أنا نزلت النهاردة التوفيقية لقيت وش الفانوس الامامى فى محل الاهرام ب 25 الواحد بس ماجيبتوش لسه ، أنا بفكر قبل ما اشتريهم اروح للكهربائى افك وش الفانوس اللى عندى واحاول انضفهم من جوا لو مانفعتش الفكرة اجيب وش الفانوس.
وسألت برضو على عصاية الفتيس عند حلمى سليمان عامل 270 جنيه وسألت على طاسات الكيا برايد عاملين 50 جنيه الاربعة .
ده الموجز على السريع وليا عودة إن شاء الله لباقى التعقيبات
السلام عليكم
شوف يا باشا خلى ظهرك الجيزة و يكون نفق الملك الصالح فى وشك بدل ما تنزل النفق اطلع من فوق النفق و ادخل الشارع الصغير يمين النفق الراجل هاتلاقية واخد اول ناصية بعد ما تدخل الشارع دة على اليمين. فية واحد تانى الناحية التانية بس مش واخد ناصية و انا هناك كان فية واحد معاة بى ام 520 جديدة قالى انة ظبط قبل كدة عند الورشة الى مش واخدة ناصيىة دية بس ما ارتحش عندهم المهم و انت رايح اعمل حسابك تاخد معاك علبة زيت باكم صغيرة و صنفرة عشان بينضف بيهم الطنابير ورا و قدام و بينقع فيهم المسامير بتاعة العجل غير كدة هايقلك هات 20 جنية نجيب بيهم الكلام دة و طبعا ولا هاتعرف هو جاب بكام اصلا المهم الموضوع اتكلف 300 جنية للاربع فرد شاملة ال 20 جنية :fdsa:و هو بيحدد السعر حسب الكشف على الجنوط و كدة و اللة الموفق :)
السلام عليكم
شوف يا باشا خلى ظهرك الجيزة و يكون نفق الملك الصالح فى وشك بدل ما تنزل النفق اطلع من فوق النفق و ادخل الشارع الصغير يمين النفق الراجل هاتلاقية واخد اول ناصية بعد ما تدخل الشارع دة على اليمين. فية واحد تانى الناحية التانية بس مش واخد ناصية و انا هناك كان فية واحد معاة بى ام 520 جديدة قالى انة ظبط قبل كدة عند الورشة الى مش واخدة ناصيىة دية بس ما ارتحش عندهم المهم و انت رايح اعمل حسابك تاخد معاك علبة زيت باكم صغيرة و صنفرة عشان بينضف بيهم الطنابير ورا و قدام و بينقع فيهم المسامير بتاعة العجل غير كدة هايقلك هات 20 جنية نجيب بيهم الكلام دة و طبعا ولا هاتعرف هو جاب بكام اصلا المهم الموضوع اتكلف 300 جنية للاربع فرد شاملة ال 20 جنية :fdsa:و هو بيحدد السعر حسب الكشف على الجنوط و كدة و اللة الموفق :)
على فكرة الكاوتش لازم يتغير كل 50,000 كيلو حتى لو شكلة جديد و مش ممسوح مالوش علاقة :)
شكرا يا أبو حميد على التفصيل
بس ايه حكاية 20 جنيه للفك والتركيب هو الموضوع كيميا دول اربع مسامير عمى أنا مستعد افكلهم العجل وهما يبقوا يكملوا بقية شغلهم :grinder:
[frame="7 80"]و الله عندك حق بس يعنى مش عارف اظاهر ان انا زبون :8954[1]:
المهم انا النهاردة كنت واخد خالتى موديها المطار عشان عقبالنا كلنا رايحة تعمل عمرة فا قلت فرصة اجرب العربية بعد الاستعدال دة مع الاخذ فى الاعتبار ان انا سافرت بيها اسكندرية الاسبوع اللى فات و كانت مرعبة مرجيحة بمعنى الكلمة جيت فى خمس ساعات ماشى على 85 90 النهاردة الحمد لله كانت ماشية زاى الالف الحمد لله انا كنت متعكنن جدا بصراحة لما سافرت عشان انا اى حاجة بتحصل فى العربية بكون متضايق جدا و القولون بيتعبنى و بتنكد جدا
المهم بدون الخوض فى تاريخى القولونى :grinder: نتيجة الاستعدال مرضية جدا و الراجل نصح بعمل موضوع الاستعدال دة مع كل تغيير طقم كاوتش انا كمان حطيت نيتروجين و بجد فرق فرق جامد جدا فى المطبات نعومية و هدؤ و الاحساس بالفواصل قل كتير الفردة ب 5 جنية و التزويد بعد كدة عادى زاى الهوا العادى [/frame]
طيب الحمد لله ان الشغل طلع كويس وعمل نتيجة ملموسة
أنا إن شاء الله حاروح اظبط عنده الجنطين اللى ورا علشان هما دول اللى استوا على الاخر وبالمرة اجرب موضوع النيتروجين ده علشان انا سامع عنه من زمان وعايز اجربه برضو
واليكم ايها السادة الافاضل الخبطة المحترمة اللى عصفورتى اخدتها وهى فى حالها
http://img600.imageshack.us/img600/1264/dscn0617z.jpg
http://img854.imageshack.us/img854/2520/dscn0614f.jpg
http://img215.imageshack.us/img215/2223/dscn0615i.jpg
http://img846.imageshack.us/img846/2351/dscn0616t.jpg
بالمناسبة دى المرة التانية اللى عربيتى تتخبط وهى مركونة وبرضو فى نفس المكان ده
معلش الحمد لله انها جت علي قد كدا و الحمد لله انها جت ف العربيه و ما اذيتش حد جواها
بركنها تحت البيت فى شارع عادى يعنى لا فى ملف ولا مكان ضيق ولا أى حاجة بس نعمل ايه فى الغشومية وعمى البصر
كل سنة والبرايداوية طيبين بمناسبة الشهر الكريييم اللى احنا فيه :)
الغشومية دية حاجة يمتاز بها قطاع عريض من السائقين و يفتكر نفسة واد سوييق و ياخد غرزة من قدامى زاى الدايناصور السكران و انا لو مش واخد بالى و بضرب فرامل اول لما الاقية كاسر عليا بغباوة و هايشيلى جمب العربية كان هاتبقا حادثة مريعة و الاسم انة واد مخلص و طلع منىى و هو اصلا مالوش فيها عيال مستفذة و ياسلام لما يكون شارع ضيق ياخد عربية واحدة و هو ذى القفة طاير مستعد احلف على المصحف ان لو عيل صغير طلع قدامة فاجئة هايفرمة عشان مش هايلحق يفرمل بس ازاى دة شاب مخلص و سوييق و بيجرى بعربيتة البورش و حسبي الله و نعمة الوكيل
الحمد لله يا صواف انها جت على قد كده ، وكل سنة أنت وكل رابطة البرايد والمسلمين برمضان الكريم
ياااااه يا أبو حميد دانت شكلك استويت على الاخر ، أنا بالمناسبة دلوقتى بقيت راكن العربية ومقضيها مترو انفاق ولما باعرف انى حاخرج مشوار بالعربية ببقى متأزم جدا ، السواقة بقت وحشة جدا وكمية الفوضى والغشومية واللامبالاة زيادة عن الحد ، بس نعمل ايه بقى مفيش غير اننا ندعى ربنا يصلح حال البلد
ربنا يخليك يا جون
لهواة التظبيط اتفضلوا شوية الصور دى للبرايد
http://www.cardomain.com/MakeModel/Kia/Pride
أنا شايف انه كفاية نوم لغاية كده ونصحصح شوية بقى
السلام عليكم
انا لسه عضو جديد فى المنتدى وبردو فى العربيات وقعدت ادور على عربية نضيفة وواسعة واقتصادية وكمان انا كنت عامل حادثة واصبت فى رجلى الشمال انكسرت فلاقيت كيا سيدان 2001 اتوماتيك وكشفت عليها بس بصراحة انا مستريحلها قوى مش عارف ليه.
المهم بعد الكشف لقيت فيها برومة فى العتب بس لما سألت السمكرى قالى ممكن تتعالج ببساطة باستبدال العتب بواحد تانى يخرطه علشان مبيوظش الفبريكة بتاعة القوائم.
لى كام سؤال كده كمبتدأ:
- انا مشيت بالعربية وفرامل اليد مرفوعة ياترى يحصل حاجة فى العربية؟
- الكوتشات حاسس انها مهوية شوية ... اروح البنزينة ولا برة أحسن؟
- الاشارات الجانبية كنت مدى اشارة يسار وفجأة لقيت الاشارة فصلت لوحدها وبعدين رجعت نورت لوحدها ولما اضعها فى المنتصف تدى اشارة يمين وشمال وترجع تقف خايف لاحسن يكون فيه حاجة فى الكهرباء .... اروح لكهربائى ولا ايه؟
فى انتظار رد الخبرة السابقة
أولا ألف مبروك على البرايد :) وربنا يديلك خيرها ويكفيك شرها.
بالنسبة لموضوع البارومة ... هو كان يستحسن تركز فيها قبل ما تشترى بس طالما العربية خلاص معاك ... اعمل زى السمكرى ما بيقولك بس خلى بالك بعد كده نضفها باستمرار وماتسيبش عليها طينة او مية فى الأماكن اللى قريبة من البارومة علشان البارومة ماتسرحش
وبالنسبة لفرامل اليد طالما مرة وعدت عادى ... بس ماتعملهاش كتير :)
الكاوتشات روح لأى حد مش فارقة المهم ركز فى الضغط وفى الغالب عربيتك باور فخلى الضغط على 28 احسن
وبالنسبة بقى لحكاية الاشارة آة اكيد روح لكهربائى واعتقد كده والله اعلم يعنى ان المشكلة ممكن تكون فى الدراع نفسه بتاع النور
والله يا مناور المشكلة فى رمضان الوقت بيبقى ضيق جدا :_Alshmokh11: الواحد بيبقى عنده حاجات كتير عاوز يعملها ومش لاحق :( وانا دايما مبعرفش اظبط مواعيد نومى فى رمضان فبتلاقينى ماشى طول الشهر تايه :,: انا اليومين دول ببقى ماشى مركز فى العربيات والناس بس ... الطريق بالنسبة لى عادى ... مطبات بقى حفر .. بلبسها كلها ... حاسس ان انا على رمضان ما يخلص هلاقى العفشة كلها راحت وربنا يستر :M_yes[1]:
الله يبارك فيك يا A.Elsawaf .... وشكرا على الرد