المشاركة الأصلية كتبت بواسطة a.elsawaf
الله يبارك فيك ... انا جبته من شارع دمشق بس مش فاكر اسم المحل كان ايه بصراحة .. بس لو نزلت هناك هتلاقيه موجود كتير يعنى وفى منه لونين اللون ده والاسود.
وموجود فى التوفيقية برضه بس مش كتير زى شارع دمشق ... وهو اللى موجود فى شارع دمشق شكلين بس الشكل ده وواحد تانى كان اكبر سنة منه وفيه مكان لحامل كوبايات بيطلع من جوة الكنوسول بس بصراحة التانى ده كان التصميم بتاعه مدينى احساس انه قديييم اوى فمعجبنيش والشكل ده موجود كتير فى التوفيقية.
فى شكل تالت بقى كان موجود فى التوفيقية بس ... بس مش جلد بلاستيك وبيلمع كده شوية .. فبصراحة كان معايا ابن عمتى كنا احنا الاتنين شايفينه ينفع لميكروباص حلو اوى :grin54:.
فى بقى حاجة تانية خالص لان الانواع دى كلها بتتفتح طبعا وممكن تحط فيها حاجات .. النوع التانى خالص هو سفنجة بتتحط بين الكرسيين وده شفته فى شارع دمشق بس قلت اجيب ده احسن.
نيجى بقى للاسعار:
وهى الأسعار كانت اكتر من اللى انا متوقعها..
السفنج ب 25 جنيه
اللى شكله قديم ده فى التوفيقية من 40-50 جنيه وفى شارع دمشق 60-65
اللى انا جبته فى التوفيقية وشارع دمشق نفس الأسعار 80-85
البلاستيك كان 40-45 على ما انا فاكر ومش متأكد اوى من سعره ده.
بالناسبة للمقاسات انا مش متأكد من الكلام بس بيتهيألى انه كله بيركب على أى حاجة لان معظم العربيات المسافة بين الكراسى قريبة من بعضها.