رابطة ملاك الكيا برايد - كلاكيت تانى مرة!

**may_moon911** · 22-10-2011 10:40 PM

المشاركة الأصلية كتبت بواسطة eslamrace

اولا موضوع جامد جدا واسف على تاخرى فى المشاركه بس والله هى قله الدخول على النت بس ملحوقه ان شاء الله
ثانيا انا عندى مشكله حتجننى العربيه عندى كنت الاول بسافر بيها وعلى سرعات عاليه والحراره مش بتعدى النص وكله تمام بقالها كام شهر كده جوه البلد مستحيل تسخن ولو ماشى بيها طول اليوم بس لما بسافر بيها بتسخن جامد والميه بتقل حتى لو ماشى 100 رحت لبتاع الريداتيرات قالى نعمل جوان للغطى قولته ماشى وبرضه فيها نفس المشكله مش عارف اغير الريداتير ولا اعمل زى الميكانيكى ماقاللى واغير الغطا بس

وللعلم برضه انا لسه شارى 2 كوبلن تايوانى النهارده ب220 جنيه

المياه بتقل من الردياتير ولا من العلبه بتاعت المياه ... لو من الردياتير يبقي غطا و دي حصلتلي و كانت مطلعه عنيا و ف الاخر جبت غطا محترم ب 15 جنيه تايواني و العربيه ما بتقلش مياه خالص و جبتلها مياه خضرا من كارفور و زودتها ب مياه حنفيه و العربيه الحمد لله ما بتعديش النص حتي لو مطلع عينها
جرب تغير الغطا و ابقي حطلها مياه خضرا و هيا لا تسخن ولا المياه تطير منها ان شاء الله

**may_moon911** · 22-10-2011 10:43 PM

المشاركة الأصلية كتبت بواسطة fitoo

بابا عنده كيا برايد 2002 اوتوماتيك هي العربية كويسة الى حد ما بس مشكلتها ان التكييف بتاعها ضعيييييف جدااا و مش بيوصل للي ورا خااالص بالاضافة الى ان العربية فعلا خفيفة جداااا على الطريق لدرجة اننا بنخاف نسافر بيها على عكس الميتسوبيشي (العربية اللي قبلها) فعلا كانت عربية ثابتة جداا و مريحة و مكيفها ممتاز فعلا احنا بنتندم اننا بيعناها و جيبنا البرايد

كتير من العربيات التكييف مش بيوصل للي ورا .. الافيو ... و اللانسر بردوا تكيفها مش بيوصل ل ورا الا بعد مده كبير من رايي و دا عادي اصل دول من لاند كروزر و تكييفهم تيربو بالنسبه بقي لخف العربيه ف احب اقولك ان ماما و هيا واحده ست جابت 165 و هيا بتاكل لب و انا جبت 160 و عادي جدا بس بيبقي الخوف لما عربيه ماشيه علي 200 ولا حاجة و تعدي من جنبك كانها بتشفطك وراها دا بس العيب الوحيد لكن الثبات انا اعتقد انو تمام
بالنسبه لمريحه ف معاك حق لو سايق مسافه طويله بتقوم بالعافيه من الكرسي من كتر عدم الراحه

**may_moon911** · 22-10-2011 10:45 PM

المشاركة الأصلية كتبت بواسطة wawamoha

السلام عليكم

هو ممكن اغير قزاز العربيه البرايد سيدان قدام عند مين ؟

شكرا

عند
د.جريش
طريق مصر الاسماعيليه الصحراوي مدخل مدينه العاشر من رمضان جنب النساجون الشرقيون
مع العلم ان زجاج السواق ب 65 او ب 60 مش فاكر غيرتو بكام و في رقم ليهم هحاول اجيبو لحضرتك عشان تكلمهم و تعرف سعر الزجاج كام

**may_moon911** · 22-10-2011 10:48 PM

ط¯. ط¬ط±ظٹط´ ظ„طµظ†ط§ط¹ط© ط§ظ„ط²ط¬ط§ط¬, ط§ظ„ط¹ط§ط´ط± ظ…ظ† ط±ظ…ط¶ط§ظ†, ط§ظ„ط´ط±ظ‚ظٹط©, ظ…طµط± | ط²ط¬ط§ط¬ ط¨ط§ظ†ظˆط§ط¹ظ‡ | Yellow.com.eg | ط§ظ„ظ…ظ†ط·ظ‚ط© ط§ظ„طµظ†ط§ط¹ظٹط© ط§ظ„ط«ط§ظ„ط«ط©

دي ارقامهم و مكانهم

**darsh2002** · 25-10-2011 02:22 AM

حد يعرف ميكانيكى كويس فى فيصل

**engineer05** · 26-10-2011 08:25 AM

السلام عليكم

حد يعرف أجيب كبوت أمامي للعربية من فين؟ و يبقى بكام؟
وتكلفة رش العربية بالكامل تطع في حدود كام؟

**wawamoha** · 28-10-2011 01:26 AM

المشاركة الأصلية كتبت بواسطة may_moon911

ط¯. ط¬ط±ظٹط´ ظ„طµظ†ط§ط¹ط© ط§ظ„ط²ط¬ط§ط¬, ط§ظ„ط¹ط§ط´ط± ظ…ظ† ط±ظ…ط¶ط§ظ†, ط§ظ„ط´ط±ظ‚ظٹط©, ظ…طµط± | ط²ط¬ط§ط¬ ط¨ط§ظ†ظˆط§ط¹ظ‡ | yellow.com.eg | ط§ظ„ظ…ظ†ط·ظ‚ط© ط§ظ„طµظ†ط§ط¹ظٹط© ط§ظ„ط«ط§ظ„ط«ط©

دي ارقامهم و مكانهم

يا باشا شكرا عل ذوقك

**أحمد الجندى** · 28-10-2011 08:00 AM

المشاركة الأصلية كتبت بواسطة engineer05

السلام عليكم

حد يعرف أجيب كبوت أمامي للعربية من فين؟ و يبقى بكام؟
وتكلفة رش العربية بالكامل تطع في حدود كام؟

عليك وعلى بتوع الاستيراد فى الحرفيين ... أنا كنت كاتب فى اوائل الموضوع عن اسم واحد هناك متخصص فى حاجات البرايد فقط

**amrrashed** · 29-10-2011 01:51 AM

سلام عليكم

نويت ان شاء الله اشترى كيا برايد سيدان اوتوماتيك فارجو الا تبخلوا علي بالمعلومات

- هل الفتيس الاوتو فيه مشاكل معروفة عنه وخاصة انها ممكن تكون موديل قديم نسبيا 2000
- سمعت ان التكييف بيشل حركة العربية تقريبا
- اكشف عليها فين

واى تقييم عنها جزاكم الله كل خير

**Mido_Azzam** · 29-10-2011 06:27 PM

المشاركة الأصلية كتبت بواسطة amrrashed

سلام عليكم

نويت ان شاء الله اشترى كيا برايد سيدان اوتوماتيك فارجو الا تبخلوا علي بالمعلومات

- هل الفتيس الاوتو فيه مشاكل معروفة عنه وخاصة انها ممكن تكون موديل قديم نسبيا 2000
- سمعت ان التكييف بيشل حركة العربية تقريبا
- اكشف عليها فين

واى تقييم عنها جزاكم الله كل خير

شوف يا أستاذ عمرو مبروك مقدما على اى عربية هتشتريها
البرايد الأوتوماتيك مع حد اعرفه انا كويس بس عمره ما أشتكى من الفتيس الأتوماتيك خالص هو قاللى ان العربية بتغير بلى عجل كتير نسبيا بس
اما عن موضوع التكييف فهو فعلا بيكتف العربية ال 1100 اللى هى الهاتشباك بس معرفش السيدان ال 1300 ايه نظامها .. بس انا فى واحد قاللى ان السربنتينه بتاعة التكييف لازم يكون ليها مروحة غير مروحة العربية
حوار الكشف عليها ديه لازم حضرتك يكون معاك ميكانيكى بيفهم و حبيبك عشان يخاف على فلوسك اهم حاجه يبص على الموتور ويشوف ليكون فى دخنة او حاجه و يبص على الشكمان يشوف شكل الدخنة عامل ازاى ليكون الموتور عايز عمره لقدر الله .. يبص على الحوض من ادام لتكون مخبوطة خبطة شديده و من الشنطة نفس الكلام يرفع الفرش اللى فوق الاستبن و يبص .. الابواب و الكابوت تكون الاصليه بتاعتها
ترفع العربية فى بنزينة و يبص على فرد الشاسيه .. و الأهم بقى من ده كله حضرتك تسوقها و تنزل بيها فى حتت مش متسفلته كويس و تطلع مطبات عشان تطمن على العفشه و تكسر الدريكسيون وانت واقف للأخر عشان تشوف الكبالن عامله ايه .. أنا عن نفسى كشفت عليها كده اما حوار ان انا اوديها مكان يتكشف عليها فيه فا مش عارف ايه النظام .. ارجو انى اكون فيدت حضرتك

الموضوع: رابطة ملاك الكيا برايد - كلاكيت تانى مرة!

LinkBack

أدوات الموضوع

عرض

-

-

-

-

-

-

المواضيع المتشابهه

كلاكيت تانى مره

ملاك الكيا برايد السيدان الاتوماتيك

اشمعى احنا يعنى (رابطة ملاك الكيا بيكانتو) خوخه

كلاكيت تانى مرة

يا جماعه هل الكيا برايد هترجع تانى ؟

الكلمات الدلالية لهذا الموضوع

المفضلات

المفضلات

ضوابط المشاركة