إزاي أروح المركز الثقافي البريطاني بالعجوزة؟

**goodwave** · 14-04-2008 03:39 PM

السلام عليكم

أخوكم مزنوووووق في خدمة من إخوانا سكان القاهرة..... انا إسكندراني وإن شاء الله الإسبوع القادم عندي إمتحانات في القاهرة وبالتحديد في المركز الثقافي البريطاني.... الموضوع بإختصار إني بدرس في جامعة في إنجلترا بالمراسلة ونظرا لتعذر السفر لحضور الإمتحان في إنجلترا ... إن شاء الله سوف يعقد الإختبار لي في القاهرة بالتنسيق مع المركز الثقافي البريطاني.

بالتفصيل الممل وياريت بلاش خرايط جوجل علشان مش بفهمها وعلشان انا في القاهرة وشوارعها ميييييح :(

المركز الثقافي البريطاني مكانة في العجوزة امام كورنيش النيل على ما أعتقد والإمتحان حيكون يوم الإتنين الساعة 9 ونص صبااحا.

1- هل يفضل أسافر بالعربية ولا بلاش بهدلة في القاهرة لأني مش عارف حاجة هناك؟
2- لو سافرت بالعربية ما هي الإتجاهات والإرشادات؟
3- عندي إمتخان يوم الأتنين ويوم الاربعاء فإن شاء الله محتاج ابات الأتنين والثلاثاء في القاهرة.... حد عندة فكرة عن أسعار شقق مفروشو او لوكاندة معقولة الأسعار؟

4- لو حاجي بالمواصلات مثلا السوبر جيت.... ما هي العلامات الإرشادية؟ ولو حركب من موقف السوبر جيت اقولة رايح فين وأديلة كام وياخد وقت قد إية؟

معلش أخووكم عايش في إسكندرية وهي عبارة عن 3 شوارع متوازية والعيشة سهلة..... بس القاهرة بحس فيها إني في "متاهه"!

ياريت النصيحة بالنسبة لموضوع السفر بالعربية ولا لأ؟؟؟؟

وشكرا

**SEATLOVER** · 14-04-2008 03:46 PM

لا تعالا بالعربية يا good بس قولى هاتيجى صحراوى ولا زراعى .. وياريت يبقى زراعى .. وانا هاقولك واحدة واحدة

**Hossam_Hassan** · 14-04-2008 03:59 PM

تعالى صحراوى، بعد بوابات القاهرة خد المحور باتجاه المهندسين، ماتنزلش ميدان لبنان و كمل فوق المحور، لما تلاقى نادى الزمالك على يمينك اخرج من اول فتحة يمين و امشى مع سور نادى الزمالك لشارع جامعة الدول العربية و خد اى U turn شمال و ارجع فى اتجاه كورنيش النيل - يعنى تخليك ماشى على اليمين - لغاية ما تلاقى مسرح البالون على يمينك و اخر المسرح تدخل يمين و تمشى 100 متر هتلاقى المركز على اليمين بعد اول تقاطع

لو جاى بالسوبر جيت، انزل الجيزة و خد تاكسى ب 5 جنيه، قوله السيرك القومى فى العجوزة لو معرفش المركز

**goodwave** · 14-04-2008 04:08 PM

SEATLOVER

إذا كنت حاجي بالعربية فإن شاء الله حيكون صحراوي.

Hossam _ Hassan

أشكرك على الشرح المفصل بس للأسف انا ما أعرفش فين نادي المهندسين وفين المحور والمشكلة لو الطريق زحمة الصبح يبقى صعب جدا أقف كل شوية علشان أسأل :(

**Hossam_Hassan** · 14-04-2008 04:12 PM

شكلك اهلاوى :d ، بقولك نادى الزمالك، عموما الطريق اللى وصفتهولك مفيهوش مجال للخطاء، اللهم من اول ما تدخل على المهندسين، بص المحور سهل جدا تطلعه من الصحراوى و انزل فى ميدان لبنان اخر المحور و اسأل هناك و خلى بالك اسهل انك تسأل عن السيرك القومى و هو جنب المركز علطول

**goodwave** · 14-04-2008 04:19 PM

متشكر يا حسام باشا ..... بس يارب يكون الموضوع سهل وماتكونش بتضحك عليا زي "الليلة الكبيرة"...... دي وصفة سهلة.... دي وصفة هايلة :) :) :)

**Mosso** · 14-04-2008 04:23 PM

لو جاي من ميدان لبنان متستناش لغاية لما تشوف النادي لان الفتحه قبل النادي
انت اول ما تنزل من ميدان لبنان امشي ناحية المهندسين و خد اول خارجه يمين هتدخل على شارع جامعة الدول خد منه اول ملف شمال و ارجع و هتلاقي كوبري هيعدي من فوقك
قبل ما الكوبري يعدي من فوقيك هتلاقي في يمين تحت شارع
و في الشارع ده في مطالع للكوبري ده
انت متطلعش ولا طلعه خليك ماشي لغاية لما هتلاقي يافطه فوقيك بتقول (امبابه\العجوزه )و هتلاقي مسرح البالون على يميك و النيل قدامك ادخل يمين و هتلاقي السيرك و بعديه على طول المركز

**Hossam_Hassan** · 14-04-2008 04:23 PM

ما تقلقش، المركز قريب جدا من اخر المحور

**Mosso** · 14-04-2008 04:25 PM

و ياريت الكلام ده يكون بدري عشان تلحق تسأل لو احتجت قبل الزحمه

**tutankhamoun** · 14-04-2008 04:29 PM

نصيحة هامة ........... تعالى في السوبر جيت أسرع
أولا هيكون صعب عليك تسوق في القاهرة في الصباح الباكر حيث المرور متوقف تماما
ثانيا أنت عندك إمتحان ........... يعني مينفعش تضيع وقت في البحث و التحري و بعدين تحتاس علشان تلاقي مكان تركن فيه حيث أن الكرن في هذا المكان صعب جدا

ثالثا السوبر جيت أسرع و أسهل لك

هاتنزل الجيزة و دي أخر محطة السوبر جيت
و بعدين ممكن تركب ميكروباص كيت كات أو إمبابة كورنيش بخمسين قرشا لا غير
و ممكن تأخذ تاكسي بخمسة جنيهات مصرية لا غير و تنزل عند السيرك القومي و طبعا السيرك القومي هو نسخة مصغرة من السيرك المصري المفتوح ....... :D
و خلاص كدا ........................................... بلاش العربية

الموضوع: إزاي أروح المركز الثقافي البريطاني بالعجوزة؟

LinkBack

أدوات الموضوع

عرض

إزاي أروح المركز الثقافي البريطاني بالعجوزة؟ - انشر الموضوع فى :

-

-

-

-

-

-

-

-

المواضيع المتشابهه

إزاي أروح المنوفية

أروح إزاي فرع المقطم

أروح سوهاج إزاي من غير العربية

أروح التوفيقية من المنيل إزاي ؟

إزاي أروح البرنس...

الكلمات الدلالية لهذا الموضوع

المفضلات

المفضلات

ضوابط المشاركة