سلام عليكم
انا نفسي اجيب عربية وأتمني اني مندمش بعد شراءها علشان كدة هحاول استعين بأهل الخبرة هنا على أمل اني ادفع وانا مطمن اني مرمتش فلوسي في الأرض

انا محتاج اسافر من والي الغردقة شبة اسبوعي وأخري 100 الف جنيه بالعافية وكنت عايز اعرف ايه احسن عربية اقدر اشتريها بالسعر دة:
طلباتي موش كتير خالص - كل اللي انا عايزه هو:

تكون ياباني او اوروبي 100% إذا امكن مع اني أشك اني هلاقي حاجة بالسعر بتاعي بس اهم حاجة تكون المكونات الياباني او الأوروبي اكبر ما يكون
موفرة في البنزين
مريحة للطوال اللي زيي
أوتوماتيك
شنطة كويسة (موش لازم حاجة كبيرة اوي بس تشيل)
تستحمل المطبات والطرق الرديئة
ثابتة في الطريق على السرعات العالية
مدفعش فيها كتير بعد ما اشتريها سواء للصيانة او بسبب مشاكل التصنيع - يعني اعتمادية عالية

فكرت شوية في أعلى حاجة في السيريون (لأنها في حدود 100 الف إلا شوية) بس حاسس انه اختيار موش ذكي بس موش متأكد - انا هستني آرائكم
شكراً مقدماً