أداء النيسان صني في الامطار الغزير

**SonaSteel** · 05-04-2011 10:39 PM

المشاركة الأصلية كتبت بواسطة walidadel

+1
انا مع الراي دا اوي لان الفرامل انا شايفها كويسه مع المطر او من غير مطر مش فارقه كتير

و بعدين معلومه كده صغيره ضعف الفرامل في المطر او بمعني اصح زحلقه مش بيبقي من الفرامل بيبقي عامة من الكاوتش و دا بسبب النقشه اللي علي الكاوتش و طريقة تفريغ الميه او الزيت تحت الفرده لذلك في انواع كاوتش بيقولوا عليها في مجري زيت و دا فعلا صحيح
انا بالنسبالي الفرامل هيا هيا سواء مع المطر او من غير و بمشي هيا هيا نفس السرعه مش بتختلف كتير بالنسبالي
انا جايب اخر كاوتشه نازلة في المقاس بتاع الصني و هيا Bridgstone Turanza

هو الكاوتشه غاليه بس بجد تمنه فيه لاني بسافر كتير بغض النظر عن ظروف الجو مطر بقي سيول او حتي في ثلج فكون اني امشي براحه دا شئ مش مطروح عندي فبجيب حاجه نضيفه و خلاص و غير كده ساعات بتبقي ماشي براحه وشط البلد و تلاقي في ملف مثلا شوية جاز واقعين من ميكروباص و دا طبيعي علشان غطاء التنك مش بيبقي موجود فساعتها بقي هتلاقي عرض الباليه اشتغل و انت و نصيبك
فبغض النظر عن ال100 جنيه او 200 فرق في فردة الكاوتش فالسلامتي و سلامه اللي راكبين معايا اهم من الفلوس

ماشاء الله ........ بحترم فيك نضافة دماغك يا ابو وليد
ربنا يستر طريقك ... ويبعد عنك سواقين الميكروباص وبقع الزيت
بكام بقي فرده الكاوتش ديه؟؟ ...... ده بعد اذن معاليك ياكبير
اقعد بالعافية

**WalidAdel** · 05-04-2011 10:46 PM

المشاركة الأصلية كتبت بواسطة sonasteel

ماعدا جزء واحد انا بعاني منه .... لما يكون حد قاعد جنبي وداخل علي تقاطع او خارج منه ... اليمين ده بيبقي ضايع ومشعارف حلها ايه

اقولك انا تحلها ازاي ياعم حسين
ظبط قعدت الكرسي و الظهر بتوع اللي جنبك علي قعدتك انت بحيث انك وانت قاعد تهم سنه كده و تبقي الرؤيه واضحه قدامك ماتخاليش اللي قاعد جنبك مش في نفس مستوي الكرسي بتاعك القاعده و الظهر و لو ماليان شويه زي حلاتي و حالاتك كده رجعه للاخر
زي بالظبط اول ماركبت عربيتك يوم مقابلة شيفروليه و لاقيت الظهر بتاع الكرسي و القاعده متقدمين حتي انا قولتلك يومها ماتقعد علي الدركسيون احسن ياحسين

ااهم حاجه اللي قاعد جنبك ماتبقاش حاسه انه قاعد متقدم عنك كده او الظهر بتاع الكرسي مايكونش قائم 90 درجه الا لو كان راجل كبير او ست كبيره علشان ميل الظهر دا بيتعبهم مش اكتر

خاليني انا كده عمال اقولك معلومات قيمه وانت جايب العربيه علشان تتعب الشعب معاك

For Troubleshooting Call : 010-507-9210

حبيبي ياسحس

**WalidAdel** · 05-04-2011 10:51 PM

المشاركة الأصلية كتبت بواسطة sonasteel

بكام بقي فرده الكاوتش ديه؟؟ ...... ده بعد اذن معاليك ياكبير
اقعد بالعافية

540 جندي يابيه

**SonaSteel** · 05-04-2011 10:58 PM

المشاركة الأصلية كتبت بواسطة walidadel

اقولك انا تحلها ازاي ياعم حسين
ظبط قعدت الكرسي و الظهر بتوع اللي جنبك علي قعدتك انت بحيث انك وانت قاعد تهم سنه كده و تبقي الرؤيه واضحه قدامك ماتخاليش اللي قاعد جنبك مش في نفس مستوي الكرسي بتاعك القاعده و الظهر و لو ماليان شويه زي حلاتي و حالاتك كده رجعه للاخر
زي بالظبط اول ماركبت عربيتك يوم مقابلة شيفروليه و لاقيت الظهر بتاع الكرسي و القاعده متقدمين حتي انا قولتلك يومها ماتقعد علي الدركسيون احسن ياحسين

ااهم حاجه اللي قاعد جنبك ماتبقاش حاسه انه قاعد متقدم عنك كده او الظهر بتاع الكرسي مايكونش قائم 90 درجه الا لو كان راجل كبير او ست كبيره علشان ميل الظهر دا بيتعبهم مش اكتر

خاليني انا كده عمال اقولك معلومات قيمه وانت جايب العربيه علشان تتعب الشعب معاك

For Troubleshooting Call : 010-507-9210

حبيبي ياسحس

المشاركة الأصلية كتبت بواسطة walidadel

540 جندي يابيه

يارب ما نتحرم من المعلومات القيمة ديه ....... انت معزتك غالية عندي اوووي ... علشان ابيض في اسود هههههههههه
والنمرة ديه شبه بتاعتك بالظبط ... مش غريبة ديه ههههههه
انا دلوقتي والله مرجع الكرسي علي الاخر ومرجع ضهر الكرسي ... شكلي تخنت تاني ولا ايه :D
مش عارف اغرز ياعم الحاج .... قربت انفجر

اقعد بالعافية يا جميل

**Ahmed.TV** · 06-04-2011 12:55 AM

محدش يقولى ان الفرامل الabs ملهاش لزمة يا جماعة ومش هى اللى بتمنع الزحلقة

مهما كان درجة جودة الكاوتش ومفيش abs عندك حتتزحلق يعنى حتتزحلق

شوفوا الفيديو الاولانى لاخره الله يرضى عليكم لانه طويل وانتو تصدقوا الكلام وتعرفوا اهمية الabs

YouTube - Anti-Lock Brake System (ABS) Safety Film

وده كمان شوفوه

YouTube - Test Split - ABS Brake System

وده

YouTube - Antilock Brake System

ها ازى الحال

**WalidAdel** · 06-04-2011 03:57 AM

هو بص ياعم احمد هو بالنسبه للفيديو الاولاني بيني و بينك دا كلام اعلانات علشان بس يوريك ان ال ABS دا اختراع بس هو عادي هو اوبشن ظريف و كل حاجه بس مش الفظيع يعني عارف ليه لان هو حتي قايل في الفيديو في الدقيقه 3:30
Stay on brake pedal & Dont pump يعني ايه يعني خاليك دايس علي الفرامل و بلاش تكارك يعني تسيب و تدوس يعني مع كده اني لما اسيب و ادوس هيا نفس النتيجه و بعدين مافيش حد بيعرف يسوق هايدوس علي الفرامل بالغشوميه دي و تخالي العربيه تزحف منك كده
انا مش بقولك كده علشان اقولك انه مالوش لازمه بس انا بقول عادي يعني و بيني و بينك بردوا ساعة القدر بيعمي البصر ولا ABS ولا من غير هاتعمل حاجه لو هاتلبس هاتلبس لاقدر الله و لو اني في اخر حادثه ليا لو كان معايا ABS كان ممكن النتيجه تتغير بس الواحد بيقول لو بتفتح عمل الشيطان و الحمد لله علي كل حال يعني
الفيديو التاني و التالت مش بيحصلوا معايا الحمد لله لحد دلوقتي لان زي ماقولتك مافيش حد بيسوق بيدوس فرامل بالغشوميه دي دا بس علشان يوريك انه اختراع جامد مش اكتر و هاوريك فيديو بقي من عندي كده ولا اقولك تابع الموضوع كله اهو
http://www.nilemotors.net/Nile/20926...vs-no-abs.html

معلومه من اخوك الصغنن حلاوه

**Ahmed.TV** · 07-04-2011 04:40 AM

قوة ضرب الفرامل العادية لو على خط استريت ممكن تكون اقوى

بس شغل الabs يا وليد وبما انى ركبت عربية مفهاش abs وعربية فيها abs حسيت وعرفت فرق الاتنين خصوصا فى الارض اللى فيها تراب او فيها ميه او فيها زيت على الارض

وكمان اى انسان مهما كان درجة حرفتنه فى السواقة فى مسافات ومواقف بيضطر يكلبش فى الفرامل ولا بيفكر يكارك ولا حاجة
يبص قدامه ويمسك فى الدريكسيون ,

واذا قرب وفكر انه يفادى وهو دايس الفرامل ومعاه abs بردوا ممكن يقدر يروح يمين وشمال عن الدوسة الجامدة على الفرامل
وزى ما قولتلك فى الماوقف الصعبة

لان كام منا كارك على الفرامل فى الحوداث !!

وبعدين كل دى وسائل امان هامة وليها فايدة مش حيحطوها دعاية وشغل اونطة يضحكوا بيه على الناس فى العربيات

ده فى كمان اللى اهم من abs الesp الثبات اللالكترونى وده فى عربيات غالية وكمان موجود فى عربيتنا بس اللى بتنزل بره مصر , جتنا نيلة فى حظنا الهباب

وطبعا فى الاخر القدر المكتوب لازم تشوفه العين

بس فى مرة فى مقابلة نطلع ونصور فيديوها بنفسينا احنا ونشوف الabs مع العادى بعربيتى وبعريتك ياعم حيكون ايه الوضع

**Powert** · 07-04-2011 10:43 AM

اداء العربية كان كويس جداً معايا في المطر وكان بتفرمل وبدون abs مع انه موجود عندي

وكمان صوت المطر على السقف قوى اكيد لانك كنت قافل الزجاج العربية

فكده انت اي صوت هيحصل في العربية هتسمعه لانك مش سامع الشارع بره.

**WalidAdel** · 07-04-2011 04:06 PM

المشاركة الأصلية كتبت بواسطة ahmed.tv

ده فى كمان اللى اهم من abs الesp الثبات اللالكترونى وده فى عربيات غالية وكمان موجود فى عربيتنا بس اللى بتنزل بره مصر , جتنا نيلة فى حظنا الهباب

وطبعا فى الاخر القدر المكتوب لازم تشوفه العين

بس فى مرة فى مقابلة نطلع ونصور فيديوها بنفسينا احنا ونشوف الabs مع العادى بعربيتى وبعريتك ياعم حيكون ايه الوضع

وانا موافق ياعم ممكن نبقي نعمل الاختبارات اللي في الفيديو اللي انا باعتهولك دا بس انا واثق من النتيجه و ياريت تكون نفس العربيات يعني صني abs و صني عاديه او تيدا abs و تيدا عاديه

بس انا كده كده عايز اشوفك علي الطريق ياماااااااااو