عايز اركب زرار فصل في البولو

**Mahmoudyoussif** · 04-04-2011 07:26 PM

كنت عايز اركب زرار يفصل المارش او يقطع الكهربا عن فيوز طرمبه البنزين

عشان حوادث السرقه المنتشره للعربيات اليومين دول ....

رحت للكهربائي قالي دا ممكن يحرقلك مشط الاسبراتير عشان الاسبراتير عندك اليكتروني

مع ان كان في زمايل في المنتدى على ما اذكر مركبينه في لانوس

ثانيا الانذار عندي ما بيشتغلش غير لو خبطت جامد ناحيه السينسور بتاع الانذار

عايز اعرف انهي احسن انذار ممكن اركبه ومنين انا عندي الولف في العربيه و رحت التوكيل جنبنا

صلح اللي عندي بس يعني حساسيته ضعيفه جدا عايز حاجه كويسه مش عارف اجيب ايه

**M.Mostafa80** · 05-04-2011 12:58 PM

هى العربيه عندك مفيهاش ايمو بلايزر
وعمتا فى حاجه اسهل واوفر ممكن تتعبك فى الأول لكن بعد كده هاتتعود عليها اعرف مكان فيوز طلمبه البنزين وبعد كدا شيلو كل يوم وانت طالع وشكرا كدا لو الفيوز عندك عباره عن درج صغير زى بتاع البولو ال 98 يبقى شيل اول فيوز على اليمين اللى راكب بالعرض مش بالطول وجرب لو هو كدا هتلاقى العربيه دارت وفصلت على طول

**M.Mostafa80** · 05-04-2011 01:00 PM

ولو النذار عندك وولف ومفيش ايمو بلايزر ممكن يتوصل فصل الكهرباء على ريموت العربيه بمعنى انك لما تقفل العربيه بالريموت مش هتدور غير لما تفتح بالريموت تانى يعنى لو اتفتحت متطفشه او بمفتاح مصطنع لو وقف على دماغه مش هيعرف يدورها الحرامى عايز السالك
مش لسه هيقعد يجرب الا أذا حرامى قلبو قاعد بقى

**Mahmoudyoussif** · 05-04-2011 05:14 PM

انا لما جيت اشتريت العربيه معاه مفتاحين

صاحبه العربيه قالتلي مفتاحها الاصلي بس هوا اللي بيدور الموتور

انما المفتاح الاستبن اخره يفتح البيبان بس هل معنا كده ان العربيه

فيها ايموبلايزر

**A.Saad** · 05-04-2011 11:15 PM

فيه زرار فى الانذار بيغير درجة حساسات الانذار
اظبطه علشان يحس بخبطة قوتها اقل

**Mahmoudyoussif** · 06-04-2011 02:33 AM

المشاركة الأصلية كتبت بواسطة m.mostafa80

الكلام دا معناه فعلا ان العربيه فيها ايموبلايزر والموضوع فى ادينا جرب المفتاح التانى فى الدواره لو بطلت يبقى منتش محتاج للقصص دى كلها وفى الحاله دى ظبط جهاز الأنذار من خلال تعليه الحساسيه زى ما اخونا الأستاذ احمد سعد قال او غير الجهاز وكفى الله المؤمنين شر القتال
عايز بقى تزود موضوع التأمين عشان لو الحرامى ليه فى قصه فك الأيمو ولو انى اتهريت بحث فى الموضوع ده عشان اعرف ازاى ممكن يفصلوه وموصلتش لحاجه يبقى اعمل موضوع الفيوز اللى قلتلك عليه

جزاك الله خير يا استاذ محمد و جعله في ميزان حسناتك

و ربنا يباركلك في بنوتك يا رب .. العربيه فعلا فصلت لما دورت بالاستبن جربت مفتاحها الاصلي دارت

بس معقول العربيه موديل 95 معقول يكون فيها التقنيه دي انا كده بيزيد حبي للعربيه دي يوم عن يوم

**MOUSTAFA_SAAD** · 06-04-2011 08:56 AM

تقنية الايموبلايزرموجوده من فتره وكانت بتنزل فى العربيات المحترمه بس وانا شايف مفيش داعى لعك فصل طرمبة البنزين لان سمعت انها ممكن تتحل بسهوله ازاى معرفشى

**M.Mostafa80** · 06-04-2011 02:14 PM

المشاركة الأصلية كتبت بواسطة moustafa_saad

تقنية الايموبلايزرموجوده من فتره وكانت بتنزل فى العربيات المحترمه بس وانا شايف مفيش داعى لعك فصل طرمبة البنزين لان سمعت انها ممكن تتحل بسهوله ازاى معرفشى

من خلال انه باخد توصيله مباشره من البطاريه للطلمبه على طول بس دى غلبه ومحتاجه وقت والحرامى عايز ينجز قبل ما يتقفش
وطبعا بوجود الأيمو مش مستحب عمل اى حاجه تانيه او اللعب فى الدفيره وبالذات فى العربيات دى

**M.Mostafa80** · 06-04-2011 02:15 PM

المشاركة الأصلية كتبت بواسطة mahmoudyoussif

جزاك الله خير يا استاذ محمد و جعله في ميزان حسناتك

و ربنا يباركلك في بنوتك يا رب .. العربيه فعلا فصلت لما دورت بالاستبن جربت مفتاحها الاصلي دارت

بس معقول العربيه موديل 95 معقول يكون فيها التقنيه دي انا كده بيزيد حبي للعربيه دي يوم عن يوم

ربنا يباركلك
وشكرا على الدعوه الجميله دى
البولو وفولكس عموما من السيارات المحترمه فى العالم ولا تندهش من وجود تقنيه زى دى من زمان فيها

-

الموضوع: عايز اركب زرار فصل في البولو

LinkBack

أدوات الموضوع

عرض

-

-

-

-

-

-

المواضيع المتشابهه

عايز اركب اركب ستارة للزجاج الخلفى و زينون للفوجات

مش عارف اركب ليدات على زرار الباب

ينفع اركب باور للعربية البولو الفاضية ويتكلف كااااااام؟

ينفع اركب باور للعربية البولو الفاضية ويتكلف كااااااام؟

زرار تصفير الكيلو متر فى البولو 98

الكلمات الدلالية لهذا الموضوع

المفضلات

المفضلات

ضوابط المشاركة