و عليكم السلام و رحمة الله
إن شاء الله تجد ما تتمني يا أستاذ سامي
هانتكلم عن العربية علي أساس كونها فابريكه بره و جوه و موتور و فتيس يعملان بحاله جيده جدا أو ممتازه
أولا الموتور و الفتيس هانجربهم بركوب العربيه و نمشي بها و نلاحظ إن الفتيس بينقل بسلاسه بدون إحساس بالنقله و صوت الموتور هادي و يعمل علي وتيرة واحده
و تكون الصيانات في مكان معتمد و بالإثباتو يكون مستوي السوائل في العربيه مظبوط و حوض الموتور شكلة منظم (تنظيم الشركه)
نركب العربيه و نقفل الزجاج و في مكان هادي ناخد مطبين أو ثلاثه و تكون العربيه لا يصدر عنها أصوات في المطبات
و تشغل كماليات العربيه و التكييف و الأنوار و هكذا
دي أول خطوة هاتشجعنا علي شراء العربيه
نفحص العربيه من صالون و قطع داخليه و هكذا
و الشنطه طبعا علي الأقل تكون نظافتها 65
%
نيجي للجسم الخارجي علي إعتبار إن العربيه فابريكه (نشوف الدهان هل فيه أخطاء أو خدوش أو قطع مفقوده و غيره....)
كل الكلام ده أولي ... لازم يجي اللي يأكد عليه
نبدأ بالتأكيد علي حالة الدهان (إن لم يكن لي خبره) هايقوم بالموضوع ده سمكري أو بوهيجي ثقه و يتمم و يدي (ok) يدخل للدهان الداخلي و يتمم و هكذا
خلصنا من الدهان.......
نطلع علي التوكيل بـ112 جنيه كشف شامل علي العفشه و الموتور و الفتيس و ناخد تقرير طلعت العربيه بحاله جيده يبقي الفتيس و الموتور مفيش عيوب و كذلك الكهربا و الضفيره و وحدة الكونترول و الحساسات و خلافه
نيجي لغفتراض إن فيه عيوب في العربيه
يعني لو الحاجات اللي مطلوب الكشف عليها من حضرتك طلعت حالتها منافيه للي باقوله يبقي نبعد عن العربيه
السمكري قال راشه حاجه دواخل نبعد عن العربيه لو بنشتري فابريكه
و هكذا علي الخوارج
أما التوكيل لو العربيه فيها شئ هايقوله و يقدر ثمنه و يحسبه و يديه لحضرتك
بالتوفيق يا فندم و الله معك
و لو حضرتك محتاج أي إستفسار إن شاء الله نحاول نجاوب حضرتك
المفضلات