سؤال في فرامل السيراتو

**ahmedhossam86** · 05-04-2011 10:42 AM

معايا سيراتو 2011 جايبها من الوكيل و عاملة 9000 كم

النهاردة و انا نازل رايح الشغل و بادور و باطلع من مكاني.. كان كل ما افرمل اسمع صوت كركبة في الفرامل.. كأني كبست علي الدواسة فجأة و سمعت كركبة الـabs.. لاكن ده ماكنش كركبة في الدواسة.. كان في الفرامل نفسها و الطنابير...

الصوت راح بعد ما مشيت حوالي 20 متر.. بس كنت حاطط ايدي علي قلبي عشان كنت طالع الدائري..

تفسيري.. انا امبارح كنت ماشي في المطر و التراب و الرمل اللي علي الطريق .. فاترسب منهم شوية علي الكاوتش و علي الطنابير و جه البواب غسل العربية الصبح بالمية.. فلزق و راح مع حركة العربية.. منطقي؟

**msco** · 05-04-2011 11:30 AM

منطقي جدا ياباشا .. مفيش اى مشكلة ان شاء الله

تصدق انا لحد الان مجربتش كركبة ال abs دي بتبقى عاملة ازاي :D

**Jackson** · 06-04-2011 12:54 AM

ههههههههه على فكره كل اللى ركبوا العربيه دى جديد اتخضوا من الحوار ده بس ده عادى يا بيه ده الــ abs متقلقش ده انا فى واحد فى طناش ميكانيكى تخصص فرامل بس وتكنولوجيا الفرامل قالى كل ما الكركبه دى بتزيد اعرف انك هتعرف تلم نفسك لو على 200 :d بينى وبينك ضحكت قولت سبحان الله ربنا يسترها علينا يارب وعلى معلك