ههههههههههه
يحيا عك الصنايعيه
عرض للطباعة
ههههههههههه
يحيا عك الصنايعيه
يا جماعه انا هقول على اسماء صنايعيه الهوندا اللى انا اعرفهم ونحاول نعرف مين احسنهم علشان نستقر على واحد
1- مسعد وعدلى
2- منير
3- محمود (المعادى)
4- محمود (حدائق القبه)
5- عصام ( انا متعاملتش معاه بس اسمع انه كان شغال مع منير)
6- سمير واحمد ( وسمير كان شغال مع منير واحمد كان شغال مع مسعد بس سمير هوه اللى ميكانيكى والناس بصراحه لما كنت بروح لمنير كان بتشكر فيه كان احسن واحد عنده )
لو حد اتعامل مع حد تانى يا ريت يقول !!!!! كنت سمعت عند واحد اسمه رفعت يا ريت اللى عمل عنده شغل يقول ايه اخباره علشان انا لازم اعمل حاجات فى العربيه ومش عارف اروح لمين
وحاجه اخيره يا رجاله انا عايز مكان احط فى العربيه على سكانر سامح كان قالى على واحد فى المعادى ( صقر قريش ) بس انا معرفتش اوصله علشان هوه مش فاكر اسمه .. فياريت اللى يعرف حد يقولى عليه
بضم صوتى لصوتك يا وائل فى معرفة خبرة الصنايعية اللى ذكرتهم واللى متذكروش برضوا ... اللى من الهونداوية وليه تعامل مع الناس المذكورة فوق سواء كان التعامل ده نهايته كويسة أو وحشة يقول .
لعلنا جميعاً نستفيد .
انا هاقول مميزات وعيوب كل واحد فيهم :
1- مسعد وعدلى : كانوا كويسين جدا وبيشتغلوا بايديهم لحد بالظبط من اربع سنين كدة مشغلين كام واحد وهما قاعدين بيتكلموا وبيشرفوا فقط ومصنعيتهم غالية جداااااااااا , بس فاهمين ولو هيشتغلوا بايديهم ويقللوا المصنعية شوية يبقى تمام اوى
2- منير : منير بقى دة حوار لوحدة صنايعى حافظ العربية بس فية تريكات كدة مايعرفش يتعامل معاها , ممكن تيجى تقضى ال week end عندة لانة عشرى جدا ممكن تجيلة الساعة 12 الظهر تمشى من عندة الساعة 10 بليل وانت معملتش اى حاجة , يفتحلك 100 عربية فى وقت واحد مابيحبش يزعل حد , ويعز اوى الزوغان ممكن تتلفت كدة ماتلاقيهوش ويغيب بالنص ساعة والساعة نفسى اعرف بيروح فين؟؟؟ , واحلى حاجة فية يحب يعلم العيال بتوعة فى عربيات الناس يخلى العيال هما اللى يفكوا ويركبوا كل حاجة وخصوصا العفشة دية بردة نقطة بتخلى الناس تبعد عنة , مميزاتة بقى طيب جدا , مصنعيتة رخيصة , يحب يخدم بس لو الحاجة عندة يعنى ممكن يركبلك حاجة ومايحاسبكش عليها ولو قالك هجيلك 11 الصبح تلاقى جاى الساعة 1 الظهر وكمان مش واكل وياخدلة ساعة اكل وعلى بال مايظبط دماغة تكون الساعة 2:30 ويجى بقى يشتغل تلاقى واحد صاحبة عدى علية يتكلم بالساعات , يخلص تلاقى زبون اول مرة يجيلة هب يروح قافش فية ويطلع يجرب معاة تكون الساعة 4 العصر , يجى يقول للعيال فكلى مثلا الجنب دة يروح الواد قاعد ساعتين تحت بتهبب اية ياض ماعرفش يجى منير الله يخربيتك انا قولتلك اعملها كدة دية بتتعمل كدة هتفضلوا طول عمركوا كدة المهم فك الجنب يريح بقى ساعتين يكون فكلة كام عربية تانية كدة تلاقى الساعة 8 بليل وانت لسة ماعملتش حاجة يفضالك بقى يخلصك لحد الساعة 10 كدة ولو فيها حاجة تعالى بكرة كمل ماهو فاضى بقى
يعنى بجد قمة الكوميديا هناك تبقى واقف ولا فاكر ال ولا اى حاجة انت واقف بتتفرج وبتتعرف على مشاكل الناس
3- محمود المعادى : واحد صاحبى جربة تقدر تقول كويس بس عيبة انك لو بتموت قدامة مالوش دعوة غير لما يخلص العربية اللى فى ايدة حتى لو كنت هتربط صامولة بس ممكن يقعدك لاخر النهار ومصنعيتة غالية
4 - عصام : عصام دة كان شغال عند منير اصلا وسابة لخلافات او بقى خلاص الواد شرب الصنعة ,تشوف عصام دة تلاقية عندة 21 سنة طبعا مافيش الخبرة الكافية اللى تخلية يشتغل فى حاجات دقيقة فى محرك زى محرك الهوندا , روحتلة مرة انا ومحمود صاحبنا عشان يشوفلة الكربرايتر الحمد لله كان هيفوتلة الماتور بس انا قوتلة بس احنا جاين عشان كربراتير مش طقم شنبر كان معتوق معانا ساعتها , فاعتقد ان خبرتة لسة قليلة ومقدرش انى اغامر بية ابدا
5 - سمير : سمير نفس الحكاية كان شغال مع منير بردة ونفس قصة عصام بالظبط , بس سمير فية ميزة سريع وايدة كويسة فى العربية بس فى تشخيص الاعطال انسى روحنا بردة جربناة انا ومحمود فى عيب كدة المهم قعد يتحدانى فى عيب وقوتلة هيطلع من المارش وهو يقولى القطمة , ياعم من المارش وهو يقولى القطمة المهم قولتلة فك انت حر وفعلا غير القطمة ونفس العيب راح ركب وغير المارش العيب راح , طبعا شيلتة من دماغى ساعتها لان الناس دية تجيلها بعد عشرين سنة عشان تبقى شربت الهوندا
6 - محمد سعيد : دة برة من الشخصيات اللذيدة جدا يعنى قبل ماتخش علية تصلح العربية لازم تكون غاسلها كويس , ومعقمها لانك هتلاقى واحد لابس بالطوا ابيض كدة وممكن كمان تكشف عندة اسنان ولا حاجة لحد ماعربيتك تخلص , وغالى جدااااااااااااااااااا , هو كويس بس مش بيشتغل بايدة بردة
كدة انا قولتلكوا قصة كل واحد فيهم وللاسف كلهم فيهم عيوب قاتلة
انا نفسى الاقى واحد بجد فاهم : من حيث :
1- فى الماتور يعرف يشخص كويس ويركب الحاجة صح ومظبوط ومايقعدش يألف
2 - فى العفشة يبقى عارف مقاسات كل حاجة والوحش والكويس ويركب
3 - يكون بيشتغل بايدة بدل ماهو مخلى العيال عمالين يبوظوا فى حاجات غالية واهو بيجرب فى الزبون
تفتكروا هنلاقى ميكانيى فية المواصفات دية ربنا يسهل
انت جبت من الاخر يا سامح باشا والله:S_thum1[1]:
ويعتبر كده منير ومسعد هما اللى من الاخر بس كل واحد ليه مشكلته ازاى نحلها مش عارف :shyy:
يعنى منير زى ما انت بتقول كده فعلا بالظبط وده اللى بيخلبنى اروح عنده بس برضه مينفعش الشغل اللى هوه بيعمله ده يسيب
العيال تشتغل وتتعلم فى عربيات الناس ....وانا برضه نفسى اعرف بيزوغ بيروح فيين :C_laugh[1]:
بس مسعد شغله انجاز بصراحه بس مشكلته الفلوس بس اعتقد منعرفش نحل المشكله دى هوه ماشى بمبدأ الاحتكار :36_9_4:
فيه واحد فى حدائق القبه اسمه محمود برضه جمبه واحد بتاع قطع غير هوندا برضه بس مش فاكر اسمه ايه تقريبا حنفى حاجه
زى كده بس انا روحتله مره واحده مع واحد صاحبى قبل كده بس عملنا صيانه عاديه فمش عارف احكم عليه فياريت اللى
جربه قبل كده او سمع عنه يقولنا يا شباب
والسلام ختام :coming-soon[1]:
بصوا بقى يا جماعة أنا بقى عديت على دول كلهم , من مسعد وعدلي ل منير و بعد كده عصام , بصراحة ربنا عصام رغم إنه صغير بس عمري ماعملت حاجة عنده ورجعتله بنفس العيب تاني , وعملي شغل في الماكنا شامبر , وتغير سبايك ومرضتش أنزل الموتور عالأرض اصريت إنه لازم يعملهم من غير ماينزل الموتور وفعلا غيرلي السبايك من تحت واشتغل بكل نضافة والشامبر اللي عملهلي ممتاز الحمد لله والسبايك برده رغم إنه مكنشي مقتنع بحتت سبايك من تحت دي , بس طالما كرانك سليم يبقى مفيش مشاكل . مصناعييته على اده وماشي بما يرضي الله .
عندك بقى مسعد لافحني 3000 جنيه في تغير فتيس si من أتوا لمنوال كل ده عشان رحتله بالفتيس كان اتخبط مني من تحت واتشاراخ والزيت نزل , فـجبت الارنديد واعت الحم فيه من تحت لحد ماسديت التسريب ورحتله الحرفين المهم طول ما أنا ماشي في الطريق من المعادي للحرفين كيك دون وكل حاجة شغالة زي الفل وصوت العربية طبيعي قلت قشطة حاروح اغير فارغة فتيس رحت بقى لقيتلك ده فك الفتيس 100 حتة وقال لي مش نافع طبعا بعد اللي عمله في الفتيس وبهدله حتى لو قلتله راجعهلي زي مكان أكيد مش حيشتغل كويس لانه بقى يوحشور مفك وينطر سوسة وحاجات عمالة تطير قدامي ,قال لي فتيس تاني طب هاتلي يا عم واحد تاني قال لي لأ بتاع si مش موجود حاحطلك بتاع el-1500 بس مش حتجري زي الأول قلتله خلاص اقلبها مانيوال أنا أصلا كنت بتلكك عشان أشوف جري العربية المانيوال حيبقى عامل إزاي .
وساكاعني في ال 3000 جنيه والمصيبة بقوله الفتيس القديم بتاعي بصلي كده وقال لي خدوا احطهلك في الشنطة طبعا بني آدم طبيعي حياخد فتيس متفكك 100 حتة يعمل بيه إيه ده في بلاوي ضاعت منه وهو بيفكوا , وأنا متأكد إنه اخده وجمعه وغيرله فارغة وحيظبط بيه أي زبون تاني عزيز عليه
المهم بعد كده عرفت منير فعلا منير بالضبط كده زي ماسامح حكى عنه بس لما كنت بروح ماكنتش بسيب حد غير عصام يشتغل في عربيتي وأصلا عصام اللي كان شايل الورشة عشان كده منير زعلان إن عصام سابه .
في بقى رفعت السوداني ده قدام توشكى في واحد صاحبي مابيخليش حد يمد ايده في العربية غيره معاه SIR Original برضه بس غالي شوية ومايحبش يشتغل شغل تلصيم يا يعمل الحاجة صح يا يقول لأ مش حعملها يعني لو رحتله بعربية فيها شغل ومقلوبة من أتوا لمنوال أو حاجة شبه كده يقولك آسف هو عايز حاجة بتاعت المصنع عشان يمشي وراها يخليها زي المصنع وعنده جهاز ظبط موتور , وبرضه لو رحت تظبط الموتور عالجهاز لازم تكون كل حاجة تمام وهو اللي عملها بإيده بس لما بيظبط هي الظبطه , طبعا تجربة الشد مع صاحبي خير دليل بيروقني بصراحة :)
تمام كدة يا شباب الهوندا الله ينور عليكم ..... هو ده اللى احنا عاوزينه .
كل واحد يقول تجاربه مع الصنايعية للوصول لافضلهم .
ووصف سمسم لمنير تمام التمام ... ده انا مرة رحتلة انا وأمين wellfine كان من بعد الظهر مباشرةً ممشتشى من عنده الا قبل الفجر بحاجات بسيطة مع ان المو ضوع كان بسيط .
باقى الناس متعاملتش معاها ... كل معلوماتى عنهم سمعية فقط .
ولسة بجرب مع كذا واحد مش متخصصين فى الهوندا ... لاكن مشهورين بشطارتهم بشكل عام .
المهندس رشيد فى امبابه....كان مدير الصيانه فى التوكيل
وعنده المحل الموجود جنب سور نادى التوفيقيه