شكرا للجميع معلومات قيمة فعلا ان شاء اللة اول ما اتعامل مع اى ميكانكى شاطر اكيد طبعا هكتب تجربتى (انتم القادمون)
عرض للطباعة
شكرا للجميع معلومات قيمة فعلا ان شاء اللة اول ما اتعامل مع اى ميكانكى شاطر اكيد طبعا هكتب تجربتى (انتم القادمون)
محمود ومحمد هوندا بتوع الحدائق مش اد كدة انا اتعاملت معاهم كتير هو لسانهم حلو وبيفهموا فعلا في الهوندا ومحمود بيفهم اكتر بس غالين اوي والاسوء من كدة بيفتحو شغل في العربية من غير ما تشعر كيف ؟
لو عندك عطل بسيط في مكان معين بيصلحة وهو شغال بيلعب في الجزء التاني من غير تاخد بالك علشان تعطل منك بعد فترة وتجيلوة تاني ده عيبهم .
بالتوفيق
يعنى نفهم من الكلام دة كلة :
1: عصام كويس وشاطر ومصنعيتة رخيصة رغم صغر سنة وبيشتغل بايدة
2 : مسعد وعدلى هيتشالوا من القائمة اصلا
3: منير كويس بس مش عايز يقتنع ان العيال دول ممكن يضيعوة
دول اللى تم تجربتهم لسة البقية لما نمع عنهم معلومات عشان مانظلمهمش
يا شباب انا جربت سمير في الحرفيين والله كويس قوي و سريع و معاملاته كويسه و شاطر
ده سقط المكنه في نص ساعه و كان في زبون بيغير بارات و طيش و بيض مقص غيرهم في اقل من ساعه و تقفيل ميه ميه و بيركز في شغل و مش بيتكلم وهو شغال مع حد
وكمان هو واقف لوحده و اخوه احمد عنده قطع غيار ايستيراد و اسعارو كويسه برده
طيب يا هونداوية بما ان الشئ بالشئ يذكر ... طيب زى ما طلبت فى أول الموضوع نقول تجاربنا معاهم .
يعنى التعامل عبارة عن مشكلة + حلها لسهولة التقييم .
يعنى مثلاً انا اتعاملت مع منير فى مشكلة علبة الدركسيون كانت المفروض يتغير فيها كوتشات واويل سيلات فقط (طقم اصلاح) لاكن هوة استسهل وقال تتغير & مثلاً برضوا بحس ان العربية أوقات بتكتم فى السحب فهو نضفلى الكربراتير 3 مرات وبحس بعد ما امشى من عنده انه ولا أكنه نضفه مع اعترافه اكتر من مرة هوة وغيره بأن الكربراتير سليم ( كنت كشفت عليه بجهاز جودة الاحتراق عند حد وثبت جودة الاحتراق ) ورغم كدة هو مبيديش لنفسه وقت يحاول يعرف ويفكر المشكلة ممكن تكون من أيه من كتر العربيات اللى بيكون فاتح فيها فى نفس الوقت .
وبرضوا منير عاوز حد فاهم فى الهوندا (زى سمسم كدة :Oc_sun1[1]: )علشان ميغرموش فلوس على الفاضى فى تغيير حاجات ملهاش علاقة بالمشكلة وعلشان كدة سمسم بيعرف يتعامل معاه كويس .
خلاصة الكلام علشان شكلى رغيت كتير ... ياريت نقول تجارب فعلية (أرجعوا بالذاكرة ورا شوية كدة) وافتكروا المشاكل كانت ايه + طرق حلها كانت ازاى من الصنايعية .
انا اللي ربط لي الكرنك وكان بيفك ويطلع الماتور ككان سمير ايام ما كان شغال مع منير وما شاء الله كان بيقول لي تعال واتاكد بنفسك ومن ساعتها ما شاء الله العربية زي الفل
لو كان سمير مع منير كانت هتبقي اشطه بس الحلو ما يكملشي :)
يا جماعه انا اتعاملت مع منير مرات بسيطه لكن حتى الآن لم اقتنع بشغلى عنده و كل ما اروح علشان اخلص مشكلتين او تلاته فى العربيه و اتفق معاه انى هروحله الصبح من 11 صباحا مثلا و أأكد عليه تماما و لما اروح افضل استناه لحد الساعه 1 ظهرا و اقوله يا سيدى انا متفق معاك و انت اللى اخترت الميعاد و كمان انا بجيلك من اكتوبر فليه تعطلنى المهم يسلم العربيه لصنايعى من عنده و ما شاء الله على الصنايعيه دول يبقى انا اول واحد رايحله افضل قاعد لحد 8 مساء و مخلصش الا شغلانه او 2 و كمان بالعافيه مع ان كل الحاجات اللى ببقى رايح عشانها تخلص بالكتيييييييييير فى ساعتين لكن الصنايعيه بتفضل تتنطط من عربيه لعربيه مبيخلصوش فى عربيه مره واحده عايزين يشتغلوا فى اكبر كم من العربيات بدون انهاء كافة مشاكل كل عربيه على حده ده غير ان منير كتير بيعجز يحدد مشاكل كتير فى العربيه فبجد انا بفكر جديا انى لا اذهب له مره اخرى لأنه بيضيع وقتى بشكل رهيب و ياريت بخلص اللى عايزه فى العربيه و ان شاء الله لو توصلت لصنايعى كويس اقولكم
انا كلمت سمسم على اتنين ميكانيكه كويسين واحد فى الحرفيين والتانى فى صقر قريش لسه تحت التجربه و ربنا يسهل....ادعوا معانا
ممكن يا خالد باشا تقولنا عليهم علشان انا لازم اعمل حبه حاجات فى العربيه ومعنديش وقت ومستنى برضه نرسى على حد كوبس ان شاء الله
وبتاع المعادى ده اسمه محمود فى شارع الجزائر :11:
وبالنسبه يا شباب لرفعت السودانى مش هنحطه فى القايمه ولا هندخله البلاك لست برضه :10D5C8w1107: