ناوى بأذن ربنا اشترى سيفيك وعندى شويه استفسارات
اعرفكم بنفسى,انا جورج,سيريونى حاليا وهونداوى مستقبلا انشاء الله, كنت حابب اسئل عن السيفيك, كنت عايز اعرف ايه تقيمكم للعربيه بشكل عام علشان انا ناوى على الصيف بأذن ربنا او على اخر السنه دى اغير واجيب موديل 2012,انا معايا دايهاتسو سيريون وبقالى فتره بفكر فى عربيه كبيره والسيفيك عجبانى بصراحه,انا مش متعمق اوى فى مجال العربيات ولما بصيت فى المنتدى لاقيت شويه مواضيع عن هوندا الجيل الخامس والجيل الرابع وانا بصراحه مش بعرف الفرق بينهم ولا حتى الفرق فى انواع المواتير,انا كل معلوماتى انى بشوف السيفيك مكتوب عليها i-vtec فكنت عايز اعرف ايه معناها و كمان عايزكم تكلمونى عن عيوبها اكتر من ممايزتها,السيفيك طبعا لا غبار عليها لكن من شويه قرأه كدا على المنتدى فهمت ان من عيوبها انها من ورا ضيقه وتكيفها مش قد كدا,فيه عندكم اى تعليق تانى على عيوبها خصوصا من الناس اللى معاهم العربيه بقالها فتره؟ محتاج اعرف كمان ايه رأيكم فى التوكيل وقطع الغيار والاسعار؟ انا بصراحه اول عربيه اشترتها كانت السيريون ومريحانى جدا سواء فى استهلاك بنزين او اعتماديه او توكيل,يعنى مثلا فى الصيانات بروح بميعاد وبمشى بميعاد وشايف العربيه قدامى وهيا فى الصيانه فهل نفس الموضوع فى الفطيم ولا ايييه؟ وكمان كنت عايز اعرف فئات العربيه واختلاف الكماليات خصوصا للأوتوماتيك؟ انا برضو لما بصيت فى المنتدى ملاقتش موضوع عن موديل معين بكل فئاته وكمالياته علشان كدا قلت اسئل.
معلش اعذورونى اسئلتى كتير ومش مترتبه بس اصل الموضوع لسه فى اوله معايا فأفكارى مش مترتبه.
شكرا مقدما.