الموضوع: اعاده برمجه الريموت

المشاركة الأصلية كتبت بواسطة amr2004ibm

انا احب انقل تجربتى البسيطه لاعضاء المنتدى العظماء كنوع من المشاركه المتواضعه بجانب اعمالكم ومشاركاتكم الجباره
انا معيا صنى من حوالى سنتين و بصراحه ولله الحمد مشفتش منها اى مشكله تضايق حتى لما كانت تظهر مشكله كنت اصبر لحد لما اروح التوكيل ومن ضمن المشكلات الى قبلتنى كانت ضعف الاشاره اوتعليق ريموت السنتر لوك . روحت التوكيل ( السبع) و حل المشكله ديه باعاده البرمجه. وبصراحه المهندس كان محترم جدا و علمنى ازاى اعيد برمجه الريموت . المهم ان من يومين لقيت الريموت مش شغال خالص!!!! , افتكر الاول ان البطاريه عايزه تتغير , روحت جايب الكتالوج و شوفت طريقه تغير البطاريه وطلعت البطاريه و قمت بقياسها للتاكد من ضعفها لقيتها مازالت قويه 3 فولت , هنا جه فى بالى وافتكرت الموضوع بتاع اعاده البرمجه بس الحكايه ديى مر عليها اكتر من سنه وانا عمرى ممديت ايدى فى كبوت العربيه من ساعه شرائها وكنت خايف امد ادى وابرمج الريموت . المهم قولت لنفسى جمد قلبك زى شباب نايل موتورز و حاول زىهم.
ورحت فاتح الكبوت؟؟؟؟؟؟؟؟؟؟؟!!!!!!!!!!!!!
واول مشوفت علبه الفيوزات افتكرت العمليه وهى كتالى:
1- انك تجيب المشبك بتاع الفيوزات الى هتشيل بى الفيوز بتاع الريموت وهو موجود تحت العلبه الى بتتفتح ناحيه اليسار من السائق ( الى بحطو فيها السجاير او العمله) هتشد العلبه لتحت براحه وده بعد ماتفتحها طبعا ,حتلقيها طلعت فى اديك ,هتلاقى صف فيوزات وفى منتصف هذا الصف هتلاقى المشبك
2- بعد ما تفتح الكبوت هتلاقى على يمينك( يسار البطاريه ) علبه فيوزات ومرسوم عليا وصف الفيوزات حسب ترتيبها
واسم الفيوز المسؤول عن الريموت (انتى سكيور ) وهو الثانى من اليمين فى الصف الاسفل والاخير
3- افتح علبه الفيوزات بالكلبسات الى فى الجنب هتلاقى الفيوزات,ثم بالمشبك امسك به الفيوز الثانى زى مقولت وشده
4- شييك عليه بنظر شوفه محروق ولا لاء بنظر الى الجزء الملتوى داخل البلاستيك للفيوز لو لقيته محروق غيره مع مرعات الامبير اما اذا لقيته سليم صنفر اطرافه صنفر خفيفه
5- قبل ما تركب الفيوز افتح كونتاكت العربيه من غير ما دور لمده نص دقيقه وبعدين اقفل الكونتكت
6- ركب الفيوز وجرب الريموت هتلقى ان شاء الله اشتغل وكمان حساسيته بقت احسن من الاول
7- رجع المشبك والعلبه وقفل كل الى فات .
هى دى( اعاده برمجه الريموت) ده لو حسيت بضعفه او انقطاعه لا قدر الله
لكم جزيل الشكر واسف على الاطاله

شكرا لك على هذه المعلومات القيمة .. انا عملت زيك وكنت بأعمل الصيانة امبارح في ( السبع ) وقلت للمهندسة على الريموت وانه بيعلق .. لما خلصت الصيانة قالت لي ان تم اعادة البرمجة.. شكرتها وراجعت ع العربية وحاسبت ومشيت .. الفرق اني ما سألتش ازاي اعيد برمجة الريموت ,,,, بصراحة برافو عليك انك سألت وعرفت (مش أخدت نفسك ومشيت زي ما انا وغيري بيعملوا) ...ويكفي انك نقلت التجربة هنا لاخوانك بالمنتدى .. فشكرا لك مرة أخرى..