عايز اجيب مازدا 3 2010 زيرو.....بس؟

**pirlo2000** · 05-04-2011 09:47 PM

سلامو عليكم جميعا .....

انا كنت بفكر اني ادوس في مازدا3 2010 زيرو ...... بس كان عندي شوية استفسارات من خبراء المازدا عشان انا خبرتي فيها ميح و القرشين هما تحويشة العمر

1- العفشة اخبارها ايه ؟ الحكاية ديه تهمني جدا جدا جدا .....مريحة ولا معقولة و لا بتدبب و لا متحسسكش بحاجة خالص و لا ايه.... عشان انا بعدت عن السيراتو بسببها

2- العربية و اطية و لا قشطة.... بتحك في المطبات و كده يعني؟

3- قطع الغيار ايه نظامها و متوفرة و لا لأ ؟ دورت في المنتدي عشان الاقي قائمة باسعار قطع الغيار مش لاقي.... هل هي مبالغ فيها و لا معقولة.... و يا ريت امثلة يعني فانوس امامي بكام مثلا يعني.....

4- ايه نظام البنزين؟ معدل استهلاكها....عشان انا مشواري كل يوم طويييييييل
5- توكيل ايه نظامه؟
6- بصراحة كده ايه عيوبها من الاخر ؟ و ايه احسن ميزاتها؟

عشان بقارن بينها و بين الايفو و الابيزا..... و علي فكرة انا مش فارقة معايا عربية جراية و لا لأ .... انا عايز عربية مريحة و تساعد علي النوم في السواقة و اخري 130000

بصراحة اكون شاكر ليكم جميعا

**pirlo2000** · 07-04-2011 03:29 PM

افيدونا افادكم الله

**som3a11** · 08-04-2011 07:53 AM

توكل على الله وجيبها ومش هتندم

**AmRElSiSi** · 08-04-2011 02:52 PM

اولاً بالنسبه للعفشه لو انت هتجيب الجنط ال 15 العفشه هتبقى طريه جداً و مريحه بس العربيه واطيه و هتحك فى المطبات كتير
بالنسبه للبنزين لو هتمشى براحه استهلاكها معقول بس لو دوست جامد عليها هتقلب حريقه بنزين , هى حوالى 10 لتر لكل 100 كيلو فى المتوسط
التوكيل التعامل بتاعه ممتاز و الناس فاهمه فى العربيه بس اسعار عاليه اوى اوى و فيها استهبال جامد
قطع الغيار متوفرة بس بالنسبه لقطع الغيار بتاعت 2010 بس هتلاقيها غاليه زى الفوانيس و الاكصدامات بس الحاجات المشتركه بين القديمه و الجديده زى اجزاء العفشه و الحاجات اللى من جوة هتلاقيها معقوله
انا شايف انها عربيه ممتازة بس عيبها التوكيل و قطع الغيار اللى فيها حاجات غاليه و ممكن تبقى تاخد نمرة اى حد بتاع قطع غيار و تسأله , هتلاقى نمرهم كتير فى المنتدى
بس طبعاً انا شايف انها احسن من الايفو و الابيزا بكتير

**himaz** · 08-04-2011 06:08 PM

بص يا باشا من الاخر فى حدود 130000 مازدا احسن عرية هتريحك ومتوجعشى دماغك

لو اكتر شوية ممكن سيفيك بس ساعتها هتبقى فاضية تماما

انا شايف ان موضوع قطع الغيار متقلقشى منه لان فيه حاجات زى مثلا الفوانيس وكدة تيجى استيراد زى الفل

العيب بجد انها مش واسعة فى الكنبة الخلفية قوى
يعنى 2 مستريح
اكتر مش لذيذ

فلو مش فارق معاك دوس

كمان نقطة المطبات العيب مش فى العربية العيب فى طرقنا
انت لو فيه مطب عالى خده بالجنب شوية والموضوع بسيط

بص فعلا اداء وكفاءة العربية تمام قوى
تحس انك واخد خدمة قصاد كل جنيه اندفع فيها

وربنا يوفقك ويهديك للخير ان شاء الله

وعلى فكرة ضمان العربية مالوش لازمة
جيبها خليجى بالكماليات تحسن
وطبعا تتاكد من كل حاجة ساعت الاستلام

بالنسبة للعفشة معقولة نسبيا

استهلاك البزين فعلا على حسب طريقة سواقتك و طبيعة الطرق اللى بتمشى عليها
بس متوسط 100 كم لكل 10 لتر

موضوع التوكيل ده انت مش كل شوية هتروح
تروح بس فى الصيانات الكبيرة
و لو فيه حاجة غريبة
بس اتاكد من التوكيل انها لو خليجى تدخل الصيانة عادى اعتقد بس اتاكد برضه

**Th3Leader** · 09-04-2011 10:28 PM

اولا بالنسبه لقطع الغيار ... دي اسعار قطع الغيار من غبور .... منقوله

- فانوس أمامي عادي : 1700 جم
- فانوس أمامي زينون : 3500 جم
- مراية جانب كهرباء : 600 جم
- فلتر هواء : 200 جم
- فلتر بنزين : 230 جم
تيل فرامل : 550 جم
هذه الأسعار غير شاملة الضرائب

ثانيا عيوب العربيه من وجهه نظري
1- انها واطيه شويه وبتحك في المطبات بس زيها زي الياباني كله
2- سعر اعاده بيعها مش اوي ... يعني هتخسر فيها جامد لما تيجي تبيع
3- قطع غيارها قليله شويه .... بس ده في الموديلات القديمه .. مش عارف دلوقتي غبور نظامه ايه

بس المحصله في الاخر المازدا احسن عربيه ياباني .... من وجهه نظري ما فيش احسن من المازدا غير الالماني فقط

فضلا اللون الأحمر مخالف لقواعد المنتدى
مشرف الياباني
5 أ

**pirlo2000** · 13-04-2011 09:05 PM

شكرا جدا يا رجالة علي المساعدة ... نورتو بصيرة الواحد

**fee** · 22-04-2011 04:38 PM

الله ينور عليكم يا ملوك المازدا

**Mahmode** · 27-04-2011 03:12 PM

بص يا باشا المازدا عربية ممتازة. المزايا: ثبات - امان - جمال - راحة - ياباني 100%. العيوب: كنبة وشنطة ضيقين

سيبك تماما من ارتفاع اسعار قطع الغيار عشان ده في كل العربيات النظيفة وهيا مش مرتفعة أوي زائد إن ممكن تجيب استيراد. وسيبك برضو من سعر إعادة البيع عشان هوا مش سيء أوي والمفروض إنك متبعش قبل 5 سنين فا كدة كدة العربية حاتكون عملت بالمبلغ اللي حتخسرو في بيعها.

وبرضو ممكن تبص على الحاجات المنافسة زي الرينو فلوينس واللانسر شارك والتيدا والإمبريزا. بس أنا شخصيا أختار المازدا

**Frozen_Pain** · 27-04-2011 04:20 PM

المشاركة الأصلية كتبت بواسطة th3leader

اولا بالنسبه لقطع الغيار ... دي اسعار قطع الغيار من غبور .... منقوله

- فانوس أمامي عادي : 1700 جم
- فانوس أمامي زينون : 3500 جم
- مراية جانب كهرباء : 600 جم
- فلتر هواء : 200 جم
- فلتر بنزين : 230 جم
تيل فرامل : 550 جم
هذه الأسعار غير شاملة الضرائب

ثانيا عيوب العربيه من وجهه نظري
1- انها واطيه شويه وبتحك في المطبات بس زيها زي الياباني كله
2- سعر اعاده بيعها مش اوي ... يعني هتخسر فيها جامد لما تيجي تبيع
3- قطع غيارها قليله شويه .... بس ده في الموديلات القديمه .. مش عارف دلوقتي غبور نظامه ايه

بس المحصله في الاخر المازدا احسن عربيه ياباني .... من وجهه نظري ما فيش احسن من المازدا غير الالماني فقط

باشا تيل الفرامل ب450 جنيه