الموضوع: عن التعود أتحدث

شخصيا شايف ان الانسان بيكيف اللي حواليه و هو دا الطبيعه البشريه

يعني لما شاف الجو برد بدأ يلبس هدوم عشان يكيف الحاجه ليه

لما شاف الجو حر بدأ يستعمل المراوح ,,, علي هذا المنوال احنا اللي بنكيف البيئه اللي حوالينا


موضوع اننا منتأقلمش في وضع في رأيي دا بيرجع لحسب الوضع نفسه مع انه في الاخر حيتأقلم مع الحياه
و حيحاول انه ينعزل او يشارك بس الناس اللي عندهم نفس الاهتمامات او فيهم نفس الصفات


مشكله كمان ان الامر الواقع اغلبه غلط
و في ايه من رأي منكم منكرا فاليغيره


و برضه عشان معممش شايف ان اغلب الاحوال اللي احنا فيها غلط


اعتقد انه مبدأ يدعو للاستسلام :(

عَنْ أَبِي سَعِيدٍ الْخُدْرِيّ رَضِيَ اللَّهُ عَنْهُ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ .

رَوَاهُ مُسْلِمٌ.

يعني مثلا واحد اصله مسلم و راح عاش في امريكا
و اكيد في اختلافات كتير عننا

هل انه يتخلي عن كل شيئ مثلا و يقبل بالواقع و يقول مش حقاوم علي تصرفات ممكن تصدر من اولاده او كدا يعني ؟؟

طبعا انا عارف انو راح بمزاجه مش مجبر بس دا يعتبر نوع من انواع مقاومه شيئ عام في بيئه تختلف عنك

بس برضه انا مش موافق علي فكره التأقلم لأن ربنا ادالنا عقل نفكر بيه فين الصح و فين الغلط
و الا كنا شبه الحيوانات او زي مثال الضفضدعه اللي كان موجود في المنتدي من فتره

معلش هو مثال بعيد شويه لكن اعتقد انو ينفع

الحيوانات الموجوده في المناطق القطبيه دايما نشوف عندها فراء كثيف لكن هل عمرنا شفنا انسان عنده فراء من سكان نفس المناطق ؟؟
الانسان هو اللي اخترع الدفايه عشان يتغلب بيها علي المناخ اللي حواليه
او انه لبس ملابس ثقيله بس بنيته الجسمانيه هي هي

في وجه نظري نفس الوضع مع الظروف المعيشيه

واحد متعود طول عمره علي الالتزام يجي في مجتمع فوضوي
هل من المفروض انو يبقي فوضوي زيهم ولا علي الاقل زي ما في الحديث فوق يعلم او يحاول ينكر الوضع علي الاقل



تعديل: علي فكره انا مقصدش ابدا فرض اي نوع من انواع فرض الرأي بأني استدليت بحديث