انت كده قلقتني ...جرب كده تروح لمودرن موتورز؟ وطمني عليك.
رقم العضوية : 36062
تاريخ التسجيل : 20Mar2009
المشاركات : 214
النوع : ذكر
الاقامة : القاهرة
السيارة: لسه بدور
السيارة[2]: لادا 1200-Nissan Tida 2011 Plus
دراجة بخارية: ----------
الحالة :
يوم الاربعاء اتصلت بالمهندس اللي قابلني عشان أقوله علي الصوت اللي ظهر قالي انه مش موجود وبعتني للمهندس أحمد ناجي بس للأسف روحتله متأخر بسبب الحادث اللي كان علي الطريق الدائري المهم مشكورا قابلني وجرب وسمع اللي بشتكي منه وقالي تعالى بكره بدري شويه وهنعمل كل الحاجات دي
المهم كلمت أ/أحمد مصطفى مشكورا وقالي روح للمهندس /محمد عمر ده مدير الصيانة هناك وعرفه بنفسك وانك من المنتدي واشرحلة كل حاجه
المهم رحت النهارده الساعة 3 وقابلت المهندس محمد عمر راجل ذوق الصراحة طلع معايا بنفسة جرب العربية وسمع الصوت اللي بشتكي منه والفرامل وقالي حيحط العربيةة علي الجهاز ظبط الزوايا وعمل امر شغل وكتب الملاحظات وقالي لوفي حاجه تانيه وكتب كل اللي قولتله عليها ومن ضمنها صوت في الدريكسيون عند اخلر اللفه كتبه انه قطم في الدركسيون مفهمتش وقلت ماعلينا
المهم قالي اتفضل في الاستراحة وقعدت العربية اترفعت قدامي وبصه تحت ربطوا شويه حاجات وبعد كده نداني قالي تعالي انزل الورشه وراني وقالي هو ده الي بيعمل الصوت
كان عباره عن كارتيره يمين ورا العجلة اليمين مربوطة بجوان بمسمارين بيخبطوا في الصاج متثبت بكلبس في الصاج
قاللي الفني هيعملهولك واتفضل انت في الاستراحة طلعت فوق وقعدت اتابع لقيت الفني بيجيب حته كرتونه بيقصها بكتر وبيعمل تخشينة للكلبس طبعا اتغاظت بس ماشي لما نشوف عبقرية المصرين قدام اليابانين طبعا والمكسيك
طبعا التخشين الكرتون هتثبت اكتر !!!!!!!!!!!!!!!!!!!
المهم العربية نزلت وطلعت بره الورشة وجالي تليفون وطلعت بره الاستراحة اتكلم وانا بتمشي وبكلم لقيت عربيتي في ورشه جنبهم طلعت بتاعت سمكرة ودوكو المهم سألت العربية واقفه هنا ليه قالي بنلحم القطم !!!!!!!!
نعم بتلحموا أيه !!!! فين اللحام ده ممكن أشوفه لأ معلش لازم المهندس اللي معاك عشان محدش يكلمنا
طبعا اتجننت دورت علي مهندس محمد عمر أختفي جبت تليفونه ورد بعد خامس مره قولتله عايزك ضروري
المهم جالي واتنرفزت قلتله يا باشمهندس انا عايز اعرف ايه اللحام اللي اتعمل في العربية والقطم ده فين وازاي تلحموا حاجه من غير ما ترجعولي
قالي حاضر بس اهدى هفهمك يا أ/ احمد دي عباره عن قطمه الدريكسيون لما بتلف علي الاخر مع المطبات بتحس برجرجة واحنا بنلحمها لان كان جايلنا اوامر نغيرها بالكامل بس بترجع تاني او ندق عليها بس برضه بترجع تاني فبنلحمها وبتختفي
قولتله بس كان لازم تقولي قالي انا مستعد اغيرهالك بالكامل دلوقتي بس هتجيلي وتقولي انها رجعت تاني
الصراحة كلمت أ/ أحمد مصطفي مشكورا طمني قاللي لو كنت قريت موضوعات بتاعت قطمت الدركسيون ببتاعت التيدا كنت عرفت متقلقتش ده بنطه لحام عادي قلت طيب الحمد لله
قولتله يا باشمهندس دلوقت الفني عملت تخشينه كرتون للكارتيره اكيد دي هتقع مع اول مطب يدوبك هو مسكها بإيده وراحت واقعه نده فني تاني ورفعوا العربية وفكوا العجله وجابوا دبل فيس وحطوه علي الالمسامير اللي بتخبط في الصاج عشان يقلل الصوت وكلبس جديد وثبتوه وبقت ماسكه قلنا الحمد لله
قولتله طب معلش يا باشمهندس هي كانت اصلا جايه ازاي يعني كان في عفريت ماسكها قالي معرفش احنا معملناش شغل في الجنب ده استغربت !!
بعد كده روحنا لجهاز ظبط الزوايا وظبط طلع -4 في الشمال قلت الحمد لله الواحد مركز انها بتحدف مكنش تهيؤات المهم قاللي للفني اظبط وظبط وصفرت علي الجهاز تمام واصر المهندس محمد يغسلها تاني
ومدفعتش حاجه تانيه تماما وشكرته جدا وقالي لو في حاجه كلمني وطمني
المهم قلت بسم الله وطلعت الصوت هدي كتير وصوت الرجرجه راحت وكلمت أ/ احمد شكرته وقلتله كله تمام
مكملتش طلعت علي الدائري وبجرب بقي الزوايا العربية بتحدف يمين لازم اسوق والدركسيون معوج شمال
شويه في طريق في شويه تكسير الصوت رجع تاني ومع صوت تاني بيرن المدام كانت جنبي قالتلي ايه اللي بيلق تحت ده قولتلها مش عارف
طبعا حرقه الدم متتوصفش من مركز الصيانه والصنايعيه اللي هما اصلا ميكانيكية الورش اللي بره بس موظفين والواد بليه برضه موجود عندهم بس أكتر شويه
انا الصرحه مش عارف اعمل ايه اغير مركز الخدمه ولا اروح اتخانق تاني
بس النهارده بقي الحقيقي اقدر اقول ان تقيمي لمركز السبع سئ جدا جدا جدا
قولولي انتوا ايه رأيكم
رقم العضوية : 63884
تاريخ التسجيل : 02Mar2010
المشاركات : 2,270
النوع : ذكر
الاقامة : cairo
السيارة: بارك الله فيما رزق
السيارة[2]: نيسان تيدا بلس 2010
دراجة بخارية: no
الحالة :
انت كده قلقتني ...جرب كده تروح لمودرن موتورز؟ وطمني عليك.
*اللهم اصلح احوال مصر واصرف عنها الفتن*
رقم العضوية : 36347
تاريخ التسجيل : 23Mar2009
المشاركات : 2,249
النوع : ذكر
الاقامة : القطاميه
السيارة: n/a
السيارة[2]: نيسان
دراجة بخارية: n/a
الحالة :
معلش للاسف هما لازم تكون عينك عليهم وتبين لهم انك فاهم الدنيا فيها ايه
انا كان عندي مشكله في الطنابير وكانت هاتتغير على حسابي لولا كلمت احمد مصطفى ومحمد عمر وزعقت شويه في الاول عشان يعرفوا ان انا ها رخم عليهم لو ما اتغيرتش في الضمان
وعلى فكرة ان حاسس بيك قوي لاني عارف يعني ايه الواحد يشتري عربيه زيرو ويلاقي فيها مشاكل
معلش جرب تروح مودرن
رقم العضوية : 27398
تاريخ التسجيل : 11Dec2008
المشاركات : 1,307
النوع : ذكر
الاقامة : Egypt
السيارة: Sunny 2011
السيارة[2]: X - A 516
الحالة :
لا تقلق من موضوع الحدفة ده
اطلع على بتوع بردجستون ب 10 ج شيك على الزوايا و ان شاء الله حتلقيها مضبوطة نفس اللى حصل معايا .
ولما قست العجل لقيته مش مضبوط فلما اضبط الضغط و نتروجين كمان -- لقيت العربية اللهم صلى على النبى --- فطلع ضبط هوا
المهم الرجرجة ده جرب ترصيص العجل
عشان انا كان عندى نفس المشكله و طلع من الترصيص -- مكانش معمول صح اصلا
رقم العضوية : 22737
تاريخ التسجيل : 20Oct2008
المشاركات : 1,884
النوع : ذكر
الاقامة : EL-MOHANDSEEN
السيارة: corolla-sunny 2002
السيارة[2]: TOYOTA COROLLA 2008
دراجة بخارية: لا يوجد
الحالة :
رقم العضوية : 63884
تاريخ التسجيل : 02Mar2010
المشاركات : 2,270
النوع : ذكر
الاقامة : cairo
السيارة: بارك الله فيما رزق
السيارة[2]: نيسان تيدا بلس 2010
دراجة بخارية: no
الحالة :
فرع مدينه نصر بنزينه كالتكس عباس العقاد
*اللهم اصلح احوال مصر واصرف عنها الفتن*
رقم العضوية : 36062
تاريخ التسجيل : 20Mar2009
المشاركات : 214
النوع : ذكر
الاقامة : القاهرة
السيارة: لسه بدور
السيارة[2]: لادا 1200-Nissan Tida 2011 Plus
دراجة بخارية: ----------
الحالة :
معلش يا جماعة علي التاخير في الرد
أنا روحت تاني وقابلت م/ محمد عمر وظبطت شويه حاجات حروح مودرن في صيانة ال 5000 إن شاء الله وشكرا يا دكتور لإهتمامك
والله أنا روحت كده 3 مرات وتقريبا الحدفة إتظبطت بس قالولي الصوت ده صوت الفيبر ماشي لما اشوف واديني وراهم لو كده هروح مودرن في صيانة ال5000
الحمد لله علي كل حال بس الدنيا مش متظبطة من ساعات ما جبت العربية
مشكور لمرورك أ/ بسام
انا روحت مليت نتروجين الحمد لله بس شكل المقاس قدام مظبطوش كويس في حاسس بتقل في السحب أنا حروح المركز اللي في مدينه نصر وأظبط واشوف
مشكور مرورك يا باشا
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
روح المركز اللى فى اخر عباس العقاد , وخالى معاك الفاتورة , وقوله انك روحت لفرع تانى وحاسس ان القياسات مش مظبوطة
وطالما حاسس بتقل شوية ممكن تكون فعلا قياس الكاوتش مش مظبوط زى ما حصل معايا
واظبط على المقاس المكتوب فى القايم
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 92470
تاريخ التسجيل : 26Mar2011
المشاركات : 65
النوع : ذكر
الاقامة : Maadi
السيارة: نيسان صني 2011
السيارة[2]: دايو لانوس 2006
الحالة :
يا جماعة انا هستلم النيسان الصني بتاعتي خلال أيام .. وبعدين الكلام المكتوب في الموضوع ده قلقني جداً خصوصاً أني ساكن في المعادي ولو روحت توكيل أكيد هروح السبع اللي قريب مني في زهراء المعادي ..
مش عارف أعمل ايه ؟؟ وبعدين أنا معرفش بشمهندس أحمد مصطفى ده ومعنديش حد اكلمه خالص ؟؟
أيه الحل ؟؟ أنا خوفت من دلوقتي
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
متخفش ولا حاجة .... أ/احمد مصطفي منسق نيسان في المنتدي هنا ... مش شغال في السبع
هو ماشاء الله بيحب يساعد الناس وبيحاول يكون اعضاء المنتدي ليهم مميزات عن غيرهم .. من حسن تعامل وخلافه -ربنا يجزيه عنا خيرا-
انت ممكن تقرا الموضوع المثبت ده وهاتعرف ان نفس التوكيل وعربيات مختلفة وناس بتتختلف عليه ومش معني ان حد مثلا قال ان التوكيل ده كذا وكذا يبقي التوكيل كله كدا
وحضرتك عندك ... 4 مراكز صيانة معتمده وكل مركز ليه فيروع في اغلبية المحافظات .. يعني متقلقش
ولما تقلق من توكيل نيسان ... لو روحت توكيل تاني هاتعمل ايه ماشاء الله
http://www.nilemotors.net/Nile/21218...post3873400759
واغلبية الاعضاء هنا معاهم عربيات حديثة وموديلات جديدة واغلبيتهم بيعملوا الصيانة في التوكيل .. فلو في مشكلة في توكيل معين بتتحل او بيغيروا التوكيل وفي ناس مستريحة لتوكيل واحد ومبتغيرهوش
وان شاء الله مش هتحتاج التوكيل في حاجة الا الصيانات الدورية
اقعد بالعافية
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
المفضلات