اقتباس المشاركة الأصلية كتبت بواسطة Mohamed_Hosny مشاهدة المشاركة
والله أنا سعيد جداً جداً بالرد بتاعكم والتعاون الجميل اللي بشوفه هنا بين الاعضاء وبعضها وبصراحه أنا زعلان عشان مروحتش التجمع اللي عملتوه يوم الجمعة لكل الاعضاء هنا . وان شاء الله بإذن الله يكون في تجمعات ولقاءات كتير قادمة .

شكراً لكل أخواتي اللي ردوا على الموضوع ده وشرحوا ليا وفهموني كل حاجه بخصوص توكيلات الصيانة وانا أستفدت كتير من كلامكم وبإذن الله انا ناوي أعمل تجربة كده اروح أول 1000 كيلو لتوكيل السبع في زهراء المعادي ومن خلال الزيارة دي هحدد إذا كنت هتعامل معاهم تاني ولا لأ وأكيد أكيد يا اجمل أعضاء هاجي اقول ليكم على تجربتي في مركز الصيانة . أنا بس أخترت توكيل السبع عشان أنا مشتري من المعرض بتاعه اللي لسه فاتح في المعادي وبعدين عشان هو قريب مني وانا بصراحه وقتي ضيق عشان شغلي فهيكون صعب أني أروح أي مركز صيانة تاني.

أنا بس عايز اوضح نقطة مهمة: خوفي وقلقي من الجزء اللي قاله أخي ahmedezar بخصوص قطمه الدريكسيون أنا خايف ليكون ده عيب في كل موديلات 2011 خصوصاً أن مهندس الصيانة قالك "جايلنا اوامر نغيرها بالكامل بس بترجع تاني او ندق عليها بس برضه بترجع تاني فبنلحمها وبتختفي" . هو ده اللي مخلي الواحد قلقان عشان انا بشتري عربية زيرو عشان استريح من المشاكل والعيوب اللي بتكون في السيارات المستعملة فكون أنك تشتري حاجه جديدة ويطلع فيها عيب صناعة هو ده اللي خايف منه .... أرجوا الافادة يا جماعة بخصوص الموضوع ده لو سمحتوا وشكراً كتير ليكم وبارك الله فيكم وجعل عملكم ده في ميزان حسناتكم آمين يارب .

أدعولي .
ربنا يرزقك الخير وتستلم بكل خير ان شاء الله ...... :))
علي فكرة عربية ا/أحمد تيدا مش صني ... ده اول حاجة
تاني حاجة ... ده بيبقي عيوب فرديه .. او موديل معين في العيب ده فبيجيلهم اشارة ان العلاج للمشكلة ديه كذا
وربنا يحفظهالك ويبعد عنها كل حسود ان شاء الله
اقعد بالعافية