السلام عليكم..
انا يا جماعه عربيتي كورسا بي هاتش باك 1200
المساعدين اللي عندي في العربية تعبانين..
نوعهم بليشتاين الماني..و تقريبا نفس كفاءة المساعدين الجي ام.. الاصلي بتاعها..
النقطة انهم خفاف جدا.. و العربية بتلعب في مطبات الهوا.. و عايز اغيرهم..
في قدامي اختيارين..
الاختيار الاول: مساعدين بلشتاين الماني زي اللي فيها او جي ام.. وعلي فكرة.. علي كلام واحد زميلنا هنا في المنتدي مغير جي ام و باظوا علي سنتين.. و سواقته معقوله..
والاختيار التاني: مساعدين مونرو.. فرنساوي غاز مش زيت.. عمرهم الافتراضي اطول و تقريبا مش بيبوظ..
بس عيبه انه ناشف شوية.. انا عايز اعرف بقي ايه مدي كلمة ناشف دي..؟؟
ويا ريت لو حد مركب مكنهم يقولي.. عشان اعرف و افهم منه بالظبط..
ولو امكن اقابله و اجرب العربية معاه و اشوف هما الي اي مدي ناشفين..
والف شكر مقدما يا جماعه..