الحمد لله . اخيرا . بعد سنه من المعاناه من الحر عملت التكييف

عند واحد اسمه شريف للتكييفات عند صقر قريش . وبصراحة مش ناوى اروحله تانى لانه لطعنى يومين على الفاضى
( يومين يعنى الخميس من الساعة 11 ص الى الساعة 1 بعد منتصف الليل + يوم الجمعه من الساعة 11 ص الى الساعه 7 مساءا )

مش مهم هو اخد الوقت ده لية مع انى عارف

المهم عمل اية
1 - فك كل حاجه ( كباس - رادياتير - سربنتينه - التلاجه من جوة العربية )
2 - تم تغيير الكباس بواحد اسيراد
3 - تغيير فلتر اللى بيبقى ماسك فى السربنتينة
4 - تغيير الاكسبنشن
5 - تغيير مقاومة للمروحة اللى بتوزع الهواء اللى تحت المساحات

بعد ده كله ماعرفتش اشغل التكييف عشان الصنايعى اللى فاكر نفسه بيفهم قلتله خلى بالك ان التكييف ماكنش شغال من الاول بص بالمرة على المروحه اللى فى الصدر عند الردياتير والبية طنشنى مع انه كان فاكك كل حاجة ؟

المهم ما اطولش عليكو قولو طول

روحت بعد كدة عند الكهربائى بتاعى ظبطلى المراوح والفيوز وبقت تمام

المشكله اللى فاضله ان مفتاح السرعات مش بيشتغل الا عند رقم 3 بس

حد عنده حل ؟؟؟؟؟

التكلفه
750 كباس استيراد بطقم اصلاحه
200 مقاومة المروحه اللى بتوزع الهوا
320 اكسبنشن + فلتر
100 شحن
80 مصنعية
يبقى الاجمالى 1450 لحلوح
ودايما عامر

بس على فكرة احساس السواقة بالتكييف عبارة عن اثارة ومتعة وتشويق

وعقبال كل الزملاء اللى ماعندهمش تكييف وربنا يقويهم