ياجماعه الكورولا الجنوب افريقى فيها عيوب و روحوا التوكيل و شوفوا مشاكل الجيربوكس وشكاوى الناس
عرض للطباعة
ياجماعه الكورولا الجنوب افريقى فيها عيوب و روحوا التوكيل و شوفوا مشاكل الجيربوكس وشكاوى الناس
لأ طبعا , اى فتى او كلام فارغ تسمعه تخرجه من ودنك التانية علطولاقتباس:
انا معايا لانسر و ورقه الجمرك بتاعتها مكتوب عليها الميناء اللى طالعه منها و الميناء اللى رايحالها و كانت طالعه من اليابان ل بورسعيد هل ممكن تكون ماليزى و بعتوها اليابان عشان اليابان ترجع تباصيهالنا تانى؟؟؟!!!!!
اللى اعرفه بس مش متاكد ان ميتسوبيشى ملهاش اساسا مصنع تجميع فى ماليزيا!اقتباس:
السلام عليكم
مين أتأكد ان اللانسر يابانى أنا معلوماتى ان اللانسر الموجودة فى مصر ماليزى مش يابانى واللانسر الخليجى فقط هى اللى يابانى.
اللانسر يابانى 100% اللى بتنزل مصر.
فاطمن و تقدر تسال التوكيل بنفسك
مشاركة بسيطة من العبد لله لتوضيح بعض الأمور المهمة
التويوتا الجنوب أفريقي فيها مشاكل
طيب المشاكل دي من جنوب أفريقيا
لا
المشاكل دي من تويوتا نفسها و جنوب أفريقيا ملهاش دعوة خالص
طيب ليه ؟؟؟؟
التويوتا الجنوب أفريقي متجمعة في جنوب أفريقيا ( موتور و جير بوكس )
يعني جنوب أفريقيا مصنعتش العربية أو الأجزاء الميكانيكية
بس المشكلة إن دي تكنولوجيا جديدة و ده عيب تويوتا أو عيب التكنولوجيا الجديدة
و لو كانت جاية من اليابان كان العيب هايظهر برضه لأن الجير بوكس و الموتور ياباني 100 %
و العيب مش في التجميع ........... العيب في صناعة الجير بوكس ذو التكنولوجيا الجديدة و المجربة لأول مرة
----------------------------------------------------------------------
اللانسر ...... ياباني
طيب لو كانت ماليزي أو تايلندي كان ده هايبقى عيب
طبعا لاءة
لو العربية بتتجمع بنفس المكونات ............. و لا فيها أي حاجة
إنما العيب ده في عقولنا أحنا بس
لو بلد التجميع مش عاجباناه ............ يبقى عيب على طول حتى لو العربية مفيهاش حاجة
و عندنا مثال كويس ............. الهوندا سيتي التايلندي .... العربية زي الفل و مفيهاش الهوا
و الفيكترا المصري التي حازت على جوائز أفضل سيارة أوبل من مصانع جنرال موتورز حول العالم لحوالي 3 سنوات متصلة
و عندنا النيسان صني ............... زي الفل
ميتسوبيشي ملهاش مصانع تجميع في ماليزيا بسبب إتفاقيات قديمة مع بروتون ( مع أن الأتفاقيات دي أتلغت خلاص ) بس برضه معنهدومش مصانع تجميع في ماليزيا
طيب ما تويوتا بتصنع الكورولا فى اليابان كمان اشمعنى حطت الفيتيس العجيب ده فى الجنوب افريقى ومردتش تحطه فى اليابانى ولا هى عاوزة تدبس الجنوب افريقى وتبوظ سمعتها وتعرف الناس ان اليابانى لا يعلى عليه واعتقد انهم لو كانوا حطوا فيتيس ستبترونيك فى الجنوب افريقى كان هيبقى احسن بكتير جدا من mm-t لانه مبنى اساسا على انه اوتوماتيك مش مانيوال
على فكرة الفتيس دا مش جديد و لا اى حاجة , دا موجود من زمان من اكتر من 4 سنين بس اول مرة ينزل مصر علشان كدا لسه الموضوع جديد عندنا.اقتباس:
طيب ما تويوتا بتصنع الكورولا فى اليابان كمان اشمعنى حطت الفيتيس العجيب ده فى الجنوب افريقى ومردتش تحطه فى اليابانى ولا هى عاوزة تدبس الجنوب افريقى وتبوظ سمعتها وتعرف الناس ان اليابانى لا يعلى عليه واعتقد انهم لو كانوا حطوا فيتيس ستبترونيك فى الجنوب افريقى كان هيبقى احسن بكتير جدا من mm-t لانه مبنى اساسا على انه اوتوماتيك مش مانيوال
اللى قريته ان الفتيس مش معيوب بس هو فتيس مثير للجدل يا تحبه اوى يا تكرهه جدا و تكره العربية بسببه , اولا اللى لازم الواحد يعرفه ان العربية مش اوتوماتيك , دا اللى لازم و الواحد بيشترى يحطه فى حسابه انه بيشترى عربية زى متقول كدا مانيوال على حته اوتوماتيك بس الاساس مانيوال.
على فكرة ناس كتير (من بره مصر) عجبها الفتيس جدا.
المشكلة مشكلة التوكيل اللى موضحش للناس طبيعة الفتيس قبل ميشتروا فالناس افتكروه اوتوماتيك مش اكتر.
دلوقتى فى test drive للعربية فنصيحة اللى يحب يشتريها يجربها الاول علشان يبقى فاهم هو بيشترى ايه كويس و يجربها على المطالع و فى سرعات قليلة على 1-2 rpm و يجربها فى الركن.
الفتيس دا بيتحط فى عربيات تانية يابانى من قبل كدا و على حظنا بس انهم نزلوه فى مصر من المصنع الجنوب افريقى.
اللى سمعته بس مش متاكد منه ان اليابانى (الخليجى) الفتيس اللى فيه اوتوماتيك مش mmt فاللى عايز يشترى العربية ممكن يتاكد بعدين يشتريها خليجى لو بضمان مش اقل من سنتين تلاتة.
انا عامل موضوع فى منتدى تويوتا على اختيار الفيتيس فى الكورولا http://www.nilemotors.net/Nile/showthread.php?t=32075
وليه متحطش الفيتيس ده فى الكورولا اليابانى
على فكرة الكورولا بتنتج فى 13 دوله فى العالم وهى :
اليابان ، الولايات المتحده ، المملكه المتحده ، جنوب افريقيا ، تركيا ، الصين ، تايوان ، الهند ،البرازيل ، فنزويلا ، تايلاند ، ماليزيا واخيرا كندا اشمعنى بقى التوكيل اختار للمصريين الجنوب افريقى وعلى فكره فى عده مواقع خليجيه بترجح نزول الكورولا 2009 لسوق الخليج من تركيا والله اعلم
يا أستاذ رامي بعد التحية
أولا رد حضرتك عليا مش في سياق موضوع ردي
أنا هارد على حضرتك
أنا قلت إن العيب مش في جنوب أفريقيا
و العيب من التكنولوجيا الجديدة و تويوتا نفسها
و إنما رد حضرتك بسؤال عن تجربة الفتيس الجديد في الجنوب أفريقي و تفضيل تويوتا في تجربته في سيارة مجمعة خارج اليابان
أنا معرفش أرد على السؤال ده لأني مش بشتغل في تويوتا و معرفش سياستهم
بس اللي أعرفه
إن المشكلة أو العيب الذي نراه نحن المصريين مستخدمي التويوتا جنوب أفريقي ........... مش من جنوب أفريقيا لا من قريب و لا من بعيد
المشكلة زي ما أنا وضحت ............. مشكلة التكنولوجيا الجديدة و تويوتا نفسها
لأن مصنع جنوب أفريقيا ليس لديه صلاحيات لتجربة تكنولوجيا جديدة بدون موافقة و مباركة الشركة الأم التي تورد له قطع التركيب و أهمها المحرك و الجير بوكس
أنا بس حبيت أوضح إن المشكلة دي ملهاش دعوة بجنوب أفريقيا و كانت ممكن تظهر برضه في الياباني لو كانوا ركبوا فيه التكنولوجيا الجديدة
و ساعتها لو كانت المشكلة ظهرت في التويوتا الياباني
هل المصريين كانوا برضه هايقولوا إن فيها عيب ؟؟؟؟؟؟؟؟؟؟؟؟؟؟
و دي وجهة نظري في الموضوع كله .
لأن الموضوع فيه عامل نفسي كبير جدا
كلمة ياباني عند كتير مننا ............ كلمة كبيرة قوي قو ي قو ي
حتى لو عربياتهم معيوبة ( و لو أن قليل كدا المعيوب )
بس برضه ما بنسمعش كلمة نص كُم على اليابان أو الياباني
حتى لو بعتوا أيه فيه عيب .
يبقى المشكلة هنا من تويوتا مصر أو تويوتا الأم التي كان يجب عليها توضيح معالم التكنولوجيا الجديدة للعملاء المحبين لإسم تويوتا قبل أن يدفعوا كل هذا المبلغ لصالح ثمن السيارة و بعد ذلك ........ يشعرون بعدم الرضاء
فهمتني يا باشا
و لك تحياتي